Мартрал 9-нний ГьунчIукьатIрал шяраву хьунни жула буттал буттахъаяту шийннай нанисса, гьарцагу шинал интнил гьантрай дувайсса ххаллилсса байран – Хъарас щаву. Ва байран жул шяраву ляличIинура сий дуну, тяхъану дувай. Ва ххуллухьгу, хьхьичI гьантрайва дагьайсса хIадуршиннагу дурну, кIюрххила Хъун-Хъузалал къатраву гьарзат щириркIуну дия: ужагърай цIу дирхьуну, ххуй-ххуйсса дукрарду дуван хIадур хъанай, щябикIансса кIанттурду хIадур буллай бия....
Хъаннил байрандалул хьунийн «Россия-моя история» тарихрал паркраву хьунни жагьилсса дизайнер Хамизат КьурамахIаммадовал хъаннил янналул коллекция ккаккан буллалисса ихIсандалул акция. Цувгу хас бувну бия Украиннал аьрщарай нанисса хасъсса аьралий операциялий ватандалул ххуллий чувшиврий жан дуллусса уссил КьурамахIаммадов МахIаммаднур МахIаммадмирзал аьпалун. ДартIсса арцугу Хамисзат дакIний бур хIакьину ватандалул мурадру биттур баврил ххуллий талатисса аьралитуран кумагран тIайла дуккан....
Аьрасатнал билаят захIматсса тагьарданувун багьсса ппурттуву жула жагьилтурал ккаккан бунни иш багьний Ватан дуруччаву гьарицагу адаминал бурж бушиву. Ва ххуллухьсса «Илчи» кказитрал хъамаличувгу ур Ватандалул мурадру хьхьичI ххуттай бивхьусса, къучагъшивруцIун, мяърипатралгу увччусса, ас-намус бусса жагьил, ЦIийшиял шяравасса Аьвдулхаликьлул ва Щардал шяравасса Уммукусумлул арс Наибхан Магатуев. Наибханнул сайки шин шавай дур хасъсса операциялий гьуртту хъанай. ЦIана...
Мартрал 6-нний Р. ХIамзатовлул цIанийсса Миллатрал библиотекалуву лахъа-хъунну хьунни «Дагестанская сага» тIисса Нажават (Жанна) Абуевал луттирал презентация. Дагъусттаннал техникалул университетрал чил билаятирттал мазурдил кафедралул доцент, филологиялул элмурдал кандидат, профессор, шаэр, чичу, переводчик, публицист Жанна Абуевал цIа нукIура машгьурну дур интеллигенциялул, творчествалул агьулданул дянив. Жаннал итабавкьуну бур 20-ксса поэзиялул ва прозалул жужру, мукунма элмийсса статьярду, монографияртту,...
МахIачкъалалив, Гоголя кучалий, КъюкIлил азарду хъин дайсса центр тIивтIуну зувиллийхъайсса шинну хьуну дур. Агьалинал тIалавшиннарайн бувну, шиккува тIивтIуну бур дяхттасса стационаргу. Хьхьувай азарханалий бацIан сант дакъасса, ичIуваминнал къулагъас аьркин дагьлагьисса мушакъатсса инсантуран ва къулайсса кIану бур. ХIакиннал чивчусса дарувгу бувкуну, массажрая тIайла хьуну, цIуллушиву цIакь дансса личIи-личIисса процедурардугу бувну, ахттая чул хьуну махъ вай шаппай...
Ларгсса нюжмардий Дагъусттаннайн увкIунни Аьрасатнал халкьуннал артист Владимир Машков. Вагу ларгсса шинал ивтссар Аьрасатнал Театрал ишккаккултрал союзрал хъунаману. Артистнащалсса хьунабакьаву хьунни Культуралул министерствалий, министр Зарема Буттаеващал. Муния махъ Оьруснал театрдануву хьунни республикалул магьирлугърал ишккаккултращалсса хьунабакьавугу. Владимир Машковлул ихтилат байбивхьуна Дагъусттаннайн учIайхту цала дакIниву хIасул хьусса асардая. ДакIнийн увтуна Расул ХIамзатов, цала буттал, актер Лев Петровичлул,...
ХIурмат бусса сенатортал, ПаччахIлугърал Думалул депутатътал! ХIурмат бусса аьрасатлувтал! Федерал Собраниялийнсса гьарца Рисала хъанахъиссар ялун дучIансса чIумухсса буругаву. ХIакьину ихтилат хьунтIиссар, жула яла гъанми планная бакъасса, стратегиялул задачарттаягу, чIярусса шиннардий билаят лябуккан буллан агьамшиву дусса масъаларттаягу. Вай давурттал балжисса чараннал программа щаллу хьуссар регионнайн лавгсса чIумал обороналул заводирттал зузалтращал, инженертуращал, духтуртуращал, учительтуращал, аьлимтуращал, волонтертуращал, ишбажаранчитуращал,...
Ххувшаврил байрандалун хасну «Илчи» кказитрал баян буллалиссар оьрчIал лакку мазрай дюхханну аьралий темалул назмурду дуккаврил конкурс. Ххув хьуминнан дипломру ва бахшишру дулунтIиссар. Цалчинмур кIану булунтIиссар ца инсаннан, кIилчинмур – кIиннан, шамилчинмур – шамуннан. ОьрчIру назмурду ккалаккисса видеортту гьан дувара, бюхъавай, Телеграм каналданийхчин: https://t.me/ilchi_info_bot . Агарда Телеграм канал дакъахьурча, бучIиссар ватсапрайн ва номерданий гьан дувангу: 8 928 674 67...
«Илчи» кказитрал редакциялул душру ялун нанисса Хъаннил байрандалущал барча бувунни ДР-лул Жяматийсса Палаталул председательнал хъиривчув Ссапарбаг Аьбдуллаевлул. Ванал жун т1айла дурккун дия нах1усса ахттайнссагу, аьнт1ик1асса т1ут1ал кацIругу ва арцуйнусса бахшишругу. Бюхълай личIаннав ина, жул хIурмат лавайсса Ссапарбаг Аьлиевич!
Дагъусттаннал ХIукуматрал заседанияртту дувай залдануву Хъаннил байрандалул хьхьичI кьини хьхьичIунсса хъаннин паччахIлугърал наградартту дуллалисса шадлугъ хьунни. Наградартту дуллуна Республикалул ХIукуматрал хъунама Аьбдулмуслим Аьбдулмуслимовлул. Ванал кIицI лавгуна, Дагъусттаннал душру дакIнийхтунусса захIмат буллалаврийну республикалул оьрму хьхьичIунмай хъит учавриву биялсса бутIа бишинну зий бушиву, архIала лас-къатлул, ичIаллил хъаргу лайкьну ларсун. Наградартту дуллуна педагогикалул ва медициналул давурттай ккаккиялунну зузиминнун,...
