Мартрал 13-нний Дагъусттаннал бакIчи Сергей Меликовлул дунни ЛяличIисса тагьарду духлаган даврил ва цIу лачIаврия мюхчан баврил комиссиялул заседание. Муний гьуртту хьунни республикалул профилсса ведомстварттал каялувчитал, муниципал сакиншиннардал бакIчитал, властьрал органнал вакилтал.

Заседаниялий гьуртту хьуминнал ххал бивгьунни нехру дуккаврил сезондалийн хIадур шаврил масъалартту, 2025 шинал цIу лачIаврия нигьачIаву диркIсса сезондалул чIумалсса давурттал хIасиллу ва му ххуллий яла гъансса чIумал бартдигьин аьркинсса давуртту, Дагъусттаннай оьрчIал цIуллу-цIакьшиврул кампаниялийн ва гъинтнил бакбиссаврил сезондалийн хIадур шаврил масъалартту, 2026 шинайнсса мероприятиярттал план.

Сергей Меликовлул бувсунни Дагъусттан федерал даражалий хъин чулий кIицI бувну бушиву Цасса дежурный диспетчертурал къуллугърал мюнпатсса даврихлу.
«Диспетчертурал къуллугърал ххуйсса даврийну жущава бюхълай бур тагьарданул мониторинг дуллан ва цила чIумал баян буллан хIасул хъанахъисса нигьачIавурттал хIакъираву, мунийну цIу бутIуйва духлаган дуллан ми нигьачIавуртту дусса тагьарду», – увкунни Сергей Меликовлул.

ХIадур бувссар
ХI. Аьдиловлул