Дагъусттаннал Росгвардиялул управлениялул вневедомственный къаралданул Избербашуллал районнал дянивсса отделданул зузалтрал увгьуну ур, закондалул ххуттава увккун, наркотикру ябуллалисса шиччавасса инсан.
Патрульданий бувксса зузалтран хIисав хьуну ур увччу хьусса, сситтулну сукку тIисса адамина. МуначIа документру къалявкъуну бур. Суаллу буллалиний, ссавурданува уклай, ссибизлай ивкIун ур. Тарс ацIлан ивкIун ур полициялул отделданийн уцлацинийгу. Полициялул зузалтрал ­оьвкусса следственно-оперативная группалул цIухла бивхьуну, адаминал жипливу ляркъуну дур марихуаналуха лархьхьусса наркотикирттал 8 гр. дусса далухIи. ЦIухху-бусу бан ва полициялул зузалтрахьхьун уллуну ур.

Андриана Аьбдуллаева