Мартрал 15-нний Дагъусттаннал ХIукуматрал председатель Аьбдулмуслим Аьбдулмуслимовлул каялувшиндаралу хьунни, хIукуматрал чулуха ка-кумаг бансса, хьхьичIунсса инвестициялул проектру дузрайн дуккан давриха зузисса инвестортал язи бугьлагьисса комиссиялул даву. Заседаниялий комиссиялул члентурал хIукму бунни ЦIуссалакрал райондалий буллалисса 300 мегаваттрал гуж бусса мурчай электростанциялул строительствалул инвестпроект хьхьичIун ласунсса. Проектрал сиптачиталну бур «ВетроОГК-3» АО. Совещаниялий бувсунни проект ссайн дирну дуссарив. ХIакьинусса...

Ттун я буттал ниттил, я ниттил ниттил хъихъи ласаву нясив къархьуна. Нину-ппу мюрщину бунува ливтIуну бия вайнналми ниттихъул. Ва иш кьурчIи бизлай, на чIивиний бикIайссияв: «Цукун бакIрайн багьру зу цаннайн ца, нину дакъа ятинтал, цанналагу ташу бава думанащал бувссания» тIий. Мяйжанссар, хъуннабава дакъашиву ттун личIину кIул хьун къабивтссар иминсса, дакIру хъинсса цIувкIра-бавахъал, хIакьсса захIматкаш, захIматрал...

Мартрал 16-нний «Дагестан» РИА-лул редакциялий хьунни «Газпром газораспределение Дагестан» ва ДР-лул Росреестрданул управлениялул цачIусса пресс-конференция. Му хас дурну дия социал газификациялул программалул ва къатри газрал сетирдацIун базаврил ихтиярдансса регистрациялул масъаларттан. Журналистътурал суаллахьхьун жавабру дуллунни Росреестрданул управлениялул каялувчи Арсен ПирмахIаммадовлул ва «Газпром газораспределение Дагестан» идаралул гендиректорнал хъиривчу Расул Юнусовлул. Ванал бусаврийну, Дагъусттаннал ялапарлувтурал дуллуну дур 14 500...

МахIачкъалалив Дагъусттаннал паччахIлугърал университетраву «Точка кипения» площадкалий хьунни Дунияллул халкьуннал дянивсса оьрчIал экологиялул «Экология – дело каждого» цIанилусса премиялул презентация. Ва хъанахъиссар Росприроднадзорданул премия. ­Ванил лагрулий кIицI лагай­ссар, хIисаврайн ласайссар тIабиаьтрайн, ва дуруччаврийн, экологиялийн, экокультура машгьур даврийн дагьайсса итталун дагьансса проектру ва сиптарду. Проектрал презентациялий гьуртту хьунни Росприроднадзорданул Ухссавнил Ккавкказуллал управлениялул вакилтал Марина Кочеткова ва...

Дагъусттаннал базардавусса ва хъуними ттучаннавусса дукиялул багьри Зумаритавал байрандалул хьхьичIми гьантрай бия республикалул хIукуматрал контрольданий. Премьер-министр Аьбдулмуслим Аьбдулмуслимовлул профилсса идарарттайн тапшур бунни багьрал мониторинг дуван, байрандалул гьантрай, дукиялул тIалавшин хъун хьусса чIумал, багьри лахъ къабулланшиврул. Багьри ххал буллай бия хъунисса ттучаннаву ва МахIачкъалаллал базардаву, хаснува «Зеленое яблоко» ттучаннаву ва 2-мур базаллуву. ДР-лул экономикалул министр ХIажи...

Дагъусттаннал паччахIлу­гърал ссихьрал театрдануву ци-дунугу постановка, спектакль къабивхьусса бигьалагай кьини къашай. Ва ххуллухь тIурчарив шиву хьунни «В волшебном мире кукольного жанра» тисса Республикалул IV выставка. Жулла республикалий мукьийлчин хъанахъисса ва выставка дуллалиссар тамашачитал театрданул персонажру, геройтал баврил искусствалущал, художествалул сипатирттал журардащал кIул баву мурадрай. Выставкалий дирхьуну дия авторсса ссихьри, ляличIисса скульптурарду ва ссихьрал костюмру, Дагъусттаннал...

Мартрал 11-нний Сербиянал Зренянин шагьрулий хьунни лачIунбуккултрал Европанал первенство. Турнирданул махъра-махъмур кьини, Аьрасатнал цачIундур командалул дурххунни мукьра медаль, миннувасса шанна ларсунни Дагъусттаннал спортсментурал. 125 килорал кIушиврий яла лахъмур шачIанттуйн лавхъунни ХIабиб ДавудхIажиев (Хасавюрт). Финалданий ва ххув хьунни Азирбижанавасса Юсиф Дурсуновлуяр 4:1 счетрай. Финалданийн ияннин ДавудхIажиев ххув хьуссар Молдованал, Турциянал ва Гуржиял лачIунбуккултраяр. Первенствалий ххув хьунни...

Сулайманнул арс ХIусман-ХIажи Аьлиев Увну ур 1936 шинал Лакрал райондалийсса ЧIарттал шяраву. 1968 шинал къуртал бувну бур В.И. Лениннул цIанийсса Аьраяллил ва политикалул академия мусил медальданущал. 1980-1983 шиннардий къуллугъ буллай ивкIун ур Авгъанисттаннай, Аьраяллил хъунмур политуправлениялул советникну. 1983 шинал ивтун ур Аьраяллил академиялул жяматийсса элмурдал кафедралул начальникнал хъиривчуну. 1992 шиная шинай зий ур му академиялул...

Мартрал 20-нний 90 шин хьунтIиссия Дагъусттаннай цалчинсса химиялул элмурдал доктор, Аьрасатнал Технологиялул элмурдал академиялул член-корреспондент, ДР-лул элмурдал лайкь хьусса деятель, профессор, ДГУ-рал аьмсса химиялул кафедралул хъунама Ттаттаев Оьмар Аьлиллул арснан. ХьхьичIмукъун кIанай 1993 шинал на буттащал най буссияв Дагъусттаннал университетрал хIаятравух. Цакуну буттайн архнияту щилъяв оьвкуна. Гъан хьуну, буттайн хъямала агьуна чурххал лахъ акъасса, увцIу-кьувцIусса,...

Лакрал райондалий хьунни агьамсса иш – Ххюлуссуннал шяраву тIивтIунни, оьрчIру бакъашиврийн бувну, ларгсса шинал лавкьун бивкIсса школа. Шиккува кIицI бан, «Образование» программалул лагрулий 2024 шинал райондалул хьхьичIвасса бакIчи Юсуп МахIаммадовлул хIарачатрацIух ва школалий дурссар капитальный ремонт. Дурцуссар отопление, щин, канализация. Школа цIунил тIитIин бювхъуссар райондалул бакIчи Зураб Куччаевлул хIарачатрацIух. Ххюлуссуннал шяравунсса аьр­ххилул лагрулий социал объектру...