Украиннал аьрщарай нанисса хасъсса аьралий операциялий гьуртту хъанахъисса, ЦIуссалакрал райондалиясса Гьамиящиял шяравасса Садикьлул арс Рафик Сулайманов лайкь хьунни Суворовлул ва «За укрепление боевого содружества» медальлан. Ватандалийн кьини дурксса чIумал, Рафиклул, цува хушрай лавгун, чирчуну дур хасъсса аьралий операциялий гьуртту хьунсса контракт. ХIакьинусса кьини Рафиклул ва Дагъусттаннал чIявусса цаймигу жагьилтурал, аьралий операциялул иширттаву къучагъну талай, Ватандалийн дакI тIайласса вирттал бушиву ккаккан буллай бур.
Рафик ур жула аьрщарайсса паракьатшиву дуруччаврил цIаний нигь-ццах бакъа талатисса, жагьилсса никиран эбратрансса чув.
Аьралий бигарду къучагъну бартбигьаврихлу лайкь хьуну ур «Сможем победить» тIисса, хъинбала-хъиншивуртту даврихлу дулайсса щалагу Аьрасатнал премиялун. Ва премия дуллуну дур Рафиклун «Вместе с народом – служение во благо» тIисса номинациялий.
ХIакьину укунсса аьралийтурайри Аьрасат бавцIусса. ЧIа учинну Рафиклун аьралий буржгу лайкьсса даражалий бартбивгьуну, цIуллуну-сагъну шавай зана шаву.

Имара Саидова