Ларгсса бигьалагай кьини, июльданул 9-нний, МахIачкъалаллал Хъун- мизитрачIа кIюрххила гъирарай батIлай бия 1-мур ЦIувкIуллал шяравасса душру. Бия Лаккуя бувкIссагу, шагьрурдаяссагу. Вай мубараксса щайхтурал зияратирттайн биян аьрххилий бувксса душру бия. ЦIувкIуллал шяраваллил тарихраву ва хьхьичIра-хьхьичI дуллалисса даву дия. Ванил сиптачиталгу бия Муфтиятрал Ккуллал райондалийсса просвещениялул отделданул хъунама ва ЦIувкIуллал имам Муса Аьлиев, вава Ккуллал ва Лакрал...
МахIачкъалалив мушакъатсса, ччаннал чулахъсса, занан къахъанахъисса инсантурансса уквасса такси зузи бувантIишиву бувсунни Республикалул ЗахIматрал министерстволул пресс-службалул. Ва ххуйсса даврил сиптачиталгу бур «Забота» тIисса идара, цурдагу ЗахIматрал министерстволул кабакьаврийну дуллалисса даву дур. «Социальное такси» цIанилусса ва проект цалсса МахIачкъалалив бартдигьинтIий бур. Жяматрансса транспортрай лага-бучIан захIмат хъанахъисса инсантурал гьантлул хьхьичI баян бавантIий бур, цанма хъирив кьини аьркинсса...
Карашрал ва ГьунчIукьатIрал шяраваллава бувккун, Лакрал райондалийх нанисса ххуллул шанбачIулий хIисав шайхьунссия дякъивух, гъаралух, кIири бувсса бургъилух транспортрах ялугьлай, щябикIансса кIану бакъа, бавцIусса инсантал. Вана утти буруччинсса кIану хьуну – бургияра суратрах. Вай гьантрай «Илчи» кказитрал редакциялийн бувкIунни ГьунчIукьатIрал ва Карашрал жяматирттал чулуха ва ххаллилсса даврил сиптачину хьусса, Карашрал шяравасса, Абакардул арс МахIаммад Башировлуйн барчаллагь...
Гъумук, Лакрал райондалул администрациялул залдануву, хъуннасса шадлугърай кIицI ларгунни «Ххяххабаргъ» кказитрал 100 шинал юбилей. [dropcap]М[/dropcap]у агьамшиву ххисса мажлисрай гьурттушиву дуллай бия Лакрал райондалул бакIчи Юсуп МахIаммадов, «Илчи» кказитрал хъунама редактор Руслан Башаев, журналистикалул ветерантал, райондалул идарарттал каялувчитал, школарттал директортал, бусравсса хъамал ва цуппа «Ххяххабургъил» коллектив. Совет власть сакин хьуну дурагу кIира-шанна шинава, 1923-кусса шинал, Гъумук...
Ккуллал райондалийсса Ккуллал 2-мур школалий тIивтIунни гъинттул оьрчIру бигьалагансса лагерь. Шикку оьрчIру бигьалаганшиврул хIасул дурну дур ххаллилсса шартIру. ОьрчIру бялахъан баву мурадрай сакин дурну дур походирттай занансса, экскурсияртту буллансса, викторинартту дуллансса, шахматирттай, шашкардай, ттуплий буклансса ва цаймигу мероприятиярду дусса авадансса программа. ОьрчIан итабавкьуну бур школалий спортрал мероприятиярду дуллансса спортзал, дукра дукансса столовая, футболданий буккансса майдан,...
Ккуллал райондалул бакIчи Шамил Рамазановлул каялувшиннаралу хьусса ирглийсса совещаниелий ххал бивгьунни аьрщи сукку хьуну, хъякрурду дагьсса чIиртту бакьин баврил, налогру ратIаврил, школарттай ремонт даврил, инвестициярдал ва туризмалул масъалартту. Совещаниелул даврий гьуртту хьунни райондалул администрациялул идарарттал каялувчитал ва шяраваллал бакIчитал. Строительствалул ва ремонтрал масъаларттал хIакъираву Шамил Рамазановлул тIалав бунни дуллалисса давуртту лавайсса даражалий ва анаварсса мутталий...
Ккуллал райондалул администрациялул бакIчи Шамил Рамазанов хьунаавкьунни СВО-райн мобилизоват увну ивкIсса, цIана отпускалий шавай зана хьусса Хъусращиял шяравасса Оьмаев Назимлущал. Мобилизация баян бувния махъ СВО-рай гьуртту хъанай ивкIсса Назим цалчинни цала нитти-буттачIан, кулпатрачIан иян увкIсса. Хьунабакьаврий Назимлул бувсунни цала аьралий къуллугърая, архIал талатисса гьалмахтурал къучагъшиврия ва хьунадакьлакьисса захIматшивурттая. Барчаллагь увкунни СВО-рай гьуртту хъанахъисса аьралитуран буллалисса...
Гъумук Лакрал райондалул бакIчи Юсуп МахIаммадов хьунаавкьунни туризмалуву зузисса пишакартуращал. Вайннащал хьусса ихтилатраву бакIчинал кIицI лавгунни, район хIадурну душиву туризм щурущи дуллай сукку хьун ва цIу-цIусса хIаллихшиннарду хIасул дуллан. «Туризм махъсса шиннардий унгу-унгуну тIутIайх дичлай дур республикалий. Жул райондалийгу ва масъалалухсса къулагъас гихуннай ххи дуллантIиссар. ЦIана зий буру мунил ялув. Туризм лябукку буну щурущи даврийну...
[dropcap]И[/dropcap]юльданул 11-нний Дагъусттаннал Журналистътурал союзрал бувчIавуртту дуллалисса конференциялий Республикалул Журналистътурал союзрал хъунаману увчIунни лазгиял кказитрал хъунама редактор МахIаммад Ибрагьимов. Ва къуллугърайн кIия кандидатнал цIа рирщуну дия: ДГУ-рал журналистикалул отделениялул печатьрал СМИ-рдал кафедралул хъунама ХIамид Аьбдуллаевлул ва «Лезги газетрал» хъунама редактор МахIаммад Ибрагьимовлул. Конференциялий ХIамид МахIаммадовлул бувсунни цува, Дагъусттаннал муфти АхIмад-хIажи Аьбдуллаевлул маслихIатрайн бувну кандидатура дукьлай...
Ца чулуха бургарча, лазгиял миллатрал кказитрал хъунама редактор МахIаммад Ибрагьимов Дагъусттаннал Журналистътурал союзрал председательну увчIаврива чIалай бур махъсса ппурттуву миллатрал прессалухсса къулагъас къачан хьуну душивуча, ялунгума дагъусттаннал медиалул дунияллий цIусса трендну хъанахъишиву. Вава иширал барашин дуллалиссар кIанттул медиарынокрай цIакьсса кIану бувгьусса «Этномедиахолдинг «Дагестан» хIасул дуваврилгу. Вамур чулуха ябитарчарив, дагъусттаннал электрон СМИ-даву хьхьичIунсса сетевое издание духьувкун...
