Гъумук Лакрал райондалул бакIчи Юсуп МахIаммадов хьунаавкьунни туризмалуву зузисса пишакартуращал. Вайннащал хьусса ихтилатраву бакIчинал кIицI лавгунни, район хIадурну душиву туризм щурущи дуллай сукку хьун ва цIу-цIусса хIаллихшиннарду хIасул дуллан.

«Туризм махъсса шиннардий унгу-унгуну тIутIайх дичлай дур республикалий. Жул райондалийгу ва масъалалух­сса къулагъас гихуннай ххи ду­ллантIиссар. ЦIана зий буру мунил ялув. Туризм лябу­кку буну щурущи даврийну ци­­мивагу масъала дузал бан бюхъантIиссар: ччарча маэшатрал, ччарчагу агьали давур­ттал щаллу баврил», – увкунни Юсуп МахIаммадовлул вайннащалсса хьунабакьаврий.