МахIачкъалалив мушакъатсса, ччаннал чулахъсса, занан къахъанахъисса инсантурансса уквасса такси зузи бувантIишиву бувсунни Республикалул ЗахIматрал министерстволул пресс-службалул.
Ва ххуйсса даврил сиптачиталгу бур «Забота» тIисса идара, цурдагу ЗахIматрал министерстволул кабакьаврийну дуллалисса даву дур. «Социальное такси» цIанилусса ва проект цалсса МахIачкъалалив бартдигьинтIий бур. Жяматрансса транспортрай лага-бучIан захIмат хъанахъисса инсантурал гьантлул хьхьичI баян бавантIий бур, цанма хъирив кьини аьркинсса иширай шагьрулувун буккан багьлай бушиву. Мушакъатми уква биян бувавантIий бур поликлиникалийн, азарханалийн, аэропортрайн, вокзалданийн, спортрал ягу культуралул мероприятиялийн. Гьаннайсса, аьркиннийн. Ва мушакъатминнансса къулайсса давур.
Цимилагу бавунни ттулва чIаххуврая, Украиннавасса лихъачалтрая, коляскалийсса пассажир ялугьлай ушиву бувсукун таксилух лахъину луглан багьайшиву. Цаппара таксистураллив, мушакъатнал хавар баяйхту, га ссят заказ лекьа дувайшиву. Укунсса кIанттугу хIисавравун лавсун, укунмагу дунияллул чIярусса тирхханнурдая махIрум хьусса инсантурансса къулайшиннану хьун аьркинссар ва социал таксилул проект.
Вана ва таксилул
номергу: 8-963-420-80-08.
