Новость на родном

Диктантру чирчунни 14 мазрай

Октябрьданул 21-нний, Дагъусттаннал Культуралул ва мазрал кьини, республикалий 14 мазрайсса диктантру 50 000-ниха ливчусса инсантурал чивчушиву баян бунни национал политикалул ва диннал иширттал министрнал къуллугъ чIумуйну бартбигьлагьисса Темирлан АбутIалибовлул. Ванал бувсунни сайки гьарцагу шагьрулий, районнай диктантру чичлай бушиву, республикалийгу, федерал лагрулийгу миллатирттал мазурдих къулагъас душиврул барашинна дуллалисса даву хъанахъишиву. «Аьрасатнал халкьуннал тарихрал ва культуралул хIурмат...

Новость на родном

Лакку мазрал диктантрал хъун дунни лакрал кьини

Ларгсса ххуллункьини МахIачкъаливсса «Аьрасат – Ттул тарих» тIисса Исторический паркравун бавтIун бия лак, лакку мазрайсса диктант чичин. Лакрал шаннагу райондалиясса, лак яхъанахъисса цаймигу миллатирттал районнаясса, республикалул шагьрурдаясса лак, аьмну хIисав бувну 400-нниха ливчусса бия. БавтIцириннавух бия хIатта архсса шагьрурдая, Новосибирскалия, Калугалия, Астраханная бувкIссагу. Диктант чичлай байбишиннин бавтIцири фойелуву яхши-хашрай, миллатрал лаххиялий тамаша буллай, лакку дукрардал...

Новость на родном

«Диндалулгу ниттил маз хьхьичIххуттайн ласласиссар»

ЦIуминалийсса ДучIиннал шяраваллил имам Аьбдуллагьлул арс ХIусайнов Мурадлущалсса ихтилат. – Мурад, буси жул буккултрахьгу вилва мархрая. Цумур шяравасса ура, чув хъуна хьуссара? – Ттул мархри Маркьиял шяравассар. ЦIуссалаккуй ДучIиннал шяраву къуртал бувссар 7 класс, яла, ЦIуминалийн бизан багьувкун, гихуннаймур дуккаву ЦIуминалиймур ДучIиннал шяраву дурссар, 11 класс къуртал бувну, увхссара дуклан ДГУ-лул эколого-географический факультетрайн. Къуртал бувайхту...

Новость на родном

Ттигу кIива къатта цIу буккан бунни

МахIачкъалалив Мирзабековлул цIанийсса кIичIиравусса, 1962 шинал бувну бивкIсса къатлул магъи ва лажин чул бакьин бунни. Вай бакьин бан ккаккан бувну буссия 2026-2028 шиннардий. Амма шиву ялапар хъанахъиминнал хIарачатрайну давуртту анавар дуккан дан бювхъунни. Нанисса шинал февраль зуруй Ухссавнил Ккавкказуллал федерал округрайсса Аьрасатнал президентнал полпреднал хъиривчунащалсса хьунабакьаврий квартирардал заллухъруннал тавакъю бунни цивппа ялапар хъанахъисса къатта лекьан...

Новость на родном

Най дур ссуттилсса призыврал кампаниялул даву

ЦIуссалакрал райондалий ссуттилсса призыврал кампаниялул лагрулий жагьилтал аьралуннаву къуллугъ буллан тIайла буклай бур. ДакIнин бутанну, октябрьданул 1-нний дайдирхьусса ссуттилсса призыврал кампаниялул даву декабрьданул 31-ннийн бияннин дикIантIишиву. Аьралуннаву къуллугъ бан буцлациссар 18 шинава 30 шинавун бияннинсса оьрчIру. Шиккува кIицI лаган, аьралуннаву къуллугъ бан буцлацисса оьрчIру, хасъсса аьралий операциялул ишру нанисса Донецкаллал ва Луганскаллал Халкьуннал Республикарттайн, Херсонский...

Новость на родном

Набережнаялий цIусса ххуллу

Редукторный поселокрайсса Набережнаялийн ивманан шикку хъунисса някIсса турбарду хIисав хьунтIиссар. Ттизаманнул техникагу зий, зузалтгу булувкьуну. Шагьрулул агьлу ва хъамал ххари бансса даву! Цими шинъя ва даврих ялугьлай? Ахиргу поселокрал зума-къирагърай канализациялул турбарду бихьлай бур. Ванил тIиссар, утти хIажатхантту пляжирттайн экьи нанаврил нигь къадикIан аьркинссар, экологиягу ххуй хьун аьркинссар. Зузалтрал бувсунни проектрайн бувну, циняр давуртту 2026...

Новость на родном

Гъумукунсса аьрххилул тIааьнсса асарду

Ххуллункьини «Илчи» кказитрал коллективрал аьрххи багьунни Лакку билаятрайн, Гъази-Гъумукун. ЧчянияцIава оьвтIий уссия жул коллективрайн хъамалу Къажлахъал Ансар, ци-ци бунугу багьантту хъанай, уттинин гьан къабювхъуна. Иш мукун багьаврия рязину бивкIру караматсса ссутнил тIабиаьтрай цIунилва-цIунил тамаша буллалисса жугу. Дарусса, даркьусса хьуна кьинигу. Так-тук паммалул къурхъру чIалачIисса чаннасса ссав, буттал къатлул тIааьнсса кьанкь ришлашисса зунттал гьава, ятIу-хъахъи лархсса...

Новость на родном

Бусравсса пишалул байран

Вай гьантрай республикалий, щалагу билаятрай кунна, лавайсса даражалий кIицI лавгунни Учительнал пишалул байран. ВаницIун бавхIуну, Аьбдукарим Айгуновлул каялувшиву дуллалисса МахIачкъала шагьрулул 49-мур школалул коллектив хIурмат-кьиматрай кьамул бунни Республикалул Жяматийсса палаталул хъунаманал хъиривчу Сапарбаг Аьбдуллаевлул. ОьрчIан тарбия ва кIулшиву дулаврил ххуллий захIмат бихьлахьисса учительтурахь байрангу барча дурну, ххаллилсса ссупрагу тIивтIунни ванал. – Учительнал бивзсса гьану, дуллусса...

Новость на родном

ЦIу дуккан дунни Виричунал суратращалсса стела

Цалчинмур ЦIувкIуллал шяраваллил зума-къирагърай, Совет Союзрал кIийла Виричу АхIмад-Хан Султаннул суратгу дусса, цIагу чирчусса монумент (стела) дуссар. Махъ ппурттуву чичругу сайки лирххун, сурат дусса плакатгу мадара дух дурккун дия. Уттигъанну, шяравун биян лавгсса кIанттай, хIисав хьунни стела цIу дуккан дурну душиву. Виричунал суратгу пар-пар тIий, шяраваллил цIагу цIай буну, яргну чIалай. Ва давугу дурну дур...

Новость на родном

Хьхьуттайхсса цалчинсса ша – Цалчинмур ЦIувкIрав

Аьрасатнал тележурналист, мусапир Андрей Понкратов ларгсса нюжмардий «Моя Планета» телеканалданул съёмкарду дай группалущал Цалчинмур ЦIувкIрав уссия. Аьрасатнал ва кьатIаллил билаятирттал агьалинан ва кIулссар «Вокруг света», «Человек мира с Андреем Понкратовым», «Рекорды моей планеты», «А дома лучше» телепередачартту дачин дуллалиману. Щалагу дунияллийх уклакисса, икъавсса кIану къабивтсса Понкратовлул ЦIувкIравсса аьрххилул мурадгу пагьламантурал шяраваллия, магьирлугърая «Свой среди других»...

Свежий номер

№44 Илчи 2025