Сентябрьданул 8-нний, Дагъусттаннал халкьуннал шаэр Расул ХIамзатов увсса ва Аьрасатнал халкьуннал мазурдил кьини, МахIачкъалалив Оьруснал театрданул хьхьичIсса майданнив хьунни «КIяла кьурукьру» цIанилусса халкьуннал творчествалул байран. Ва сакин дурну дия Республикалул Халкьуннал творчествалул къатлул. Байрандалий гьуртту хьунни республикалул 20-нния ливчусса творчествалул коллективру. * * * Сентябрьданул 9-нний 100 шин хьуссар Дагъусттаннал АССР-данул халкьуннал художник, СССР-данул Художниктурал...

Аьбдуллаев Кьурбан-хIажи МахIаммадлул арс увну ур 1930 шинал къалайчинал кулпатраву. Школалий дуклакисса чIумал ва нитти-буттащал лавгун ур Омск шагьрулийн. Микку, буттан кумаг буллай, къалай дуклай ивкIун ур. Дяъви байбишайхту, вайннал кулпат лавгун бур Тамбов шагьрулийн. Миккугу, буттан кумаг буллай, кIяла буллай ивкIун ур аьралий кухнялул кIункIурду. Армиягу лавхъун, Кьур­бан-хIажи лавгссар зун Гьун­чIукьатIрал къутандалийн. Цала захIматрахлу...

Ххирасса Артур Анварович! Мудангу вил оьрмулул ххуллул хIисав ласласисса чIумал, ххари хъанан икIара ттула мачча-гъанминнаву дурсса, дуллалисса давурттайну лахъсса даражалийн гьаз хьусса ва архIала инсаншиврул яла лахъмур ххуттая хIура къавхьусса инагу ушиврия. Пахрулий ура! Укун вияту пахру буллансса цIакьсса хIучча буссар циняв цIувкIуллахьгу, лакрахьгу, Дагъусттаннал агьалинахьгу. Щаллагу дунияллийх цIа ларгсса, утти духлагаврил зуманив дирсса Цалчинмур...

Расул ХIамзатов * * * Ххирар ххяххабаргъгу хъанакIул рангсса, Ххирар лагабаргъгу чак бай чIумалсса, Ххирар хьхьичIра-хьхьичIсса уртту- тIутIивгу, ЧIапIив кьатIа тIисса чIунгу къумасса. Ххирар, шава акъа, чулданий къурув Кайп айсса урттувун чул бувну агьан, Ссурулу бавцIу барз бакIрахун гьаннин, Хияллал хъаттирдай шанавун лаглан. ЩютIуххи бакъана, чугур бакъана, Чангий макьанная ласара тIааьн, Мукун бакъания, ссан аьркинссия...

Муркъилинахъал ХIажи Ниттил маз Пагьмурдал назсса чIуну Ниттил зумату баллай, Ниттил накIлищал архIал Оьтту-ттурчIавун бухлай, Лявхъунни, хIасул хьунни Ттул дакIниву ниттил маз, Ляхъайсса кунна кIулши, Ляхъайсса кунна адав. Лахьхьин бунни ттун ниттил Ттиркьюкьал пар бу махъру, Лаххайсса кунна ххалуйх, Ца-цаних тIий, кюрщантру. Лахъан бунни дакIниву ПасихIшиврул чирахъру, Лахъайсса кунма хьхьувай Ссавруннай чаннацIуртти. Агь, ниттил маз,...

Сентябрь зурул 7-нний Москавлив, 16-мур библиотекалун халкьуннал шаэр Расул ХIамзатовлул цIа дирзун шин хъанай духьувкун, ва даталунгу, шаэр увсса кьинилунгу хас дурсса мероприятие хьунни. Ва хIадур дурну дия Дагъусттаннал Постпредствалул сипталийну ва хIарачатрайну. Шадлугърал дайдихьу дуллалисса махъ лахълай, Постпреднал хъиривчу ХIажимурад Къажлаевлул бувсуна шинал лажиндарай библиотекалий шаэрнал оьрмулул ва творчествалул ххуллу лахьлахьисса тамансса мероприятияртту хьушивугу,...

Дагъусттаннай дайдирхьунни аьдатравун дагьсса щаллагу дунияллул халкьуннал дянивсса «КIяла кьурукьирттал» фестиваль. Гьашину сентябрьданул 8-мур кьини Аьрасатнал президент Владимир Путиннул баян бунни Аьрасатнал Халкьуннал мазурдил кьини хIисаврай кIицI лагавантIишиву. Ва ишгу хIисавравун лавсун, гьашинумур «КIяла кьурукьирттал» байран цIусса байрандалунгу ккаллину дия. Дагъусттаннал бакIчи Сергей Меликов хIалану кIюрххила байрандалийн бавтIцириннал тIутIив дирхьуна Расул ХIамзатовлул гьаттацI. Меликовлул кIицI...

Сентябрьданул 8-нний МахIачкъалалив Дусшиврул къатлуву Дагъусттан Республикалул бакIчи Сергей Меликовлул гьурттушиндарай хьунни хасъсса аьралий операциялий ватандалул цIаний чувшиврий жанну дуллуминнан ва вайннал ниттихъан хас дурсса «Сильные духом» тIисса документал фильмрал презентация. Шиккун бувкIун бия властьрал органнал зузалт, Аьрасатнал ПаччахIлугърал Думалул ва ДР-лул Халкьуннал Мажлисрал депутатътал, жяматийсса ишккаккулт, хасъсса аьралий операциялий гьуртту хъанахъими ва миннал гъан-маччами....