МахIачкъалалив, Росгвардиялул управлениялул «Горец» ОМОН-далул актовый залдануву хасъсса аьралий операциялий жан дуллусса отрядравасса полициялул сержант Рамазан МахIаммадовлул награда ванал гъанчунахьхьун дуллунни.
Мероприятиялий гьуртту хьунни Дагъусттаннал Росгвардиялул управлениялул хъунама, полковник Вадим Кузнецов, ванал хъиривчутал, «Горец» ОМОН-далул командир, полициялул полковник Рамазан Аьлиханов ва зузалт.
Къучагъшиврул орден Вадим Кузнецовлул дуллунни ниттихьхьун ПатIима Маммаевахьхьун. Буллунни тIутIал кацIру къучагънал ниттихьхьун ва щащарнихьхьун. КIицI лавгунни Рамазаннул чувшиву ва барчаллагь увкунни ниттихь лайкьсса арс тарбия аврихлу. КIанттул управлениялул хъунаманал ва отрядрал командирнал кIицI лавгунни иш багьний цивппа мудан чIарав бушиву, аьркинсса кумаг бан хIадурну бушиву.
Андриана Аьбдуллаева
