Дагъусттаннал Капитал ремонтрал фондрал техникалул отделданул пишакартал Избербашуллал администрациялул вакилтуращал бувкIунни Железнодорожная кIичIираву щин ялтту ларгун зия хьусса 5-мур къатта ххал бан.
Экспертътурал хIисаврайн лавсунни полгу, чIирттал лувалугу щинал чят бувну, чIирттая обои рирттуну душиву, цаппара кIанттурдай хъунисса хъякрурду дагьну душиву. Ххал бигьавурттал мурад так хьусса зарал хIисавравун ласаву бакъассагу, гихунмай къатраву яхъанан цуксса нигьачIаву дуссарив кIул бавугур. Ххал бигьавурттал хIасиллайн бувну, къатлул тагьар нигьачIиссаннун ккалли дурну, Избербашуллал администрациялухь маслихIат бунни ттигу ялтту бувккун къатлул агьамми конструкциярттал тагьар ци даражалий дурив кIул дан.
Железнодорожная тIисса кIичIиравусса чIявусса квартирарду бусса 5-мур къатта бувну бур 1963-ку шинал. 2023-ку шинал гьануцIакул дакьин дурну дур токрал система.
Аьмну 372 кв.метр дусса къатраву мяйва кулпат ялапар хъанай бур.
Андриана Аьбдуллаева
