Жул кумаг аьркин багьансса къабукканнав

Дагъусттаннай Аьра­сатнал МЧС-рал Агьаммур управлениялул материально-технический дузалшиннаралсса буллалисса ГУ-лул хъунаманал хъиривчу, полковник Халид Аьлиевлущалсса ихтилат. Читать далее

Шан-парчари хьусса мина ва жува

ХIасанхIусайн ца янил жагъаласса ия. Гагу цукун хьуссияв ттун къакIулли. Председательшиву дуллай хъинну хIарачат буллай ия. Гьарца аьркинмур лухччинун, ятти-гъаттаран дузал дайва. Агьалинах цIимилийну ургайва. Цувагу чурххал битавсса, лахъ-лахъсса ия. Читать далее

ХIакинтурал ва спортсментурал кулпат

Ккурккуллал шярава цIа дурксса, гьунар бусса хIакинтал чIявусса бувккун бур. Медицина жул шяраваллил агьулданун нукIува ххира хьусса пиша бунуккар. ХIакьинугу ва ххуллу язи бугьлагьисса жагьилтал жучIа чIявур. Читать далее

Буттал шяраву Ххувшаврил байран дурунни

Гьашину ГьунчIукьатIрал ккурандалул байран буттал шяраву хьунадаркьунни. Ва хьунни шагьрурдайсса гьунчIукьатIи цалла шяравун бувкIун, дяъвилул ва захIматрал ветерантуран дацIан дурсса мемориалданучIа байран дуллансса хъин аьдатрал дайдихьу. Читать далее

Эбратсса оьрму чувшивур

Хъунмур оьрму Санкт-Петербурграй хъуни-хъунисса къуллугъирттай зий-занай гьарчагу, Дагъусттаннах, ххирасса ЧIурттащиял щарнихмур мякь оьтту-ттурчIавува бивкIун тIий ухьунссар буттал шяравун, цащава хьутари, укIлай-лаглай, цIана микку къатригу дуллай айивхьусса ва шяраватусса Амаев МахIаммад Аьлибаглул арс. Читать далее

Дяъвилул чIу занабикIлайнма бур

Анжагъ шанна-мукьра шинал хьхьичI ИнтернетравухчIин кIул хьуссар 1943 шинал чувшиврий жан дуллусса Юнусхъал МахIаммад, лейтенант, пулеметно-минометный взводрал командир Краснодардал крайрайсса Славянск –на-Кубани тIисса шагьрулий уссурваврал гьаттаву увччуну ушиву. Читать далее

Шаэр дакIнийн утлай

Расуллущал ттул дуссия цIакьсса уссушиврийсса дусшиву. Га ттун гъансса инсан ия, ттучIа ганал хIурмат хъинну лавайссия. Ганал цIа дирзссия ттула арснангу. Ванан пишкаш бувсса луттирай ганал чивчуну бия: «Ттуна ххирасса Расуллун – ттула дуснан ва дуснал арснан…» Читать далее

Р. АьбдуллатIипов: Ттул тухум – Дагъусттаннал халкьри

ottoДагъусттан Республикалул бакIчинал кIанайсса Рамазан АьбдуллатIиповлул цалва цалчинмур пресс-конференциялий бакIрайн лавсуна зий 100 кьини хьусса чIумал дурсса даврил хIасиллу дан. Ваниннингу хьуна пресс-конференцияртту ва тIайланнасса эфирду. Июньдалул 4-нний хьунни ярглийсса пресс-конференция – «Дагестан» РГВК-лул тIайланнасса эфирдануву Рамазан АьбдуллатIипов сайки 2,5 ссятрай жавабру дуллай ия журналистътурал, телевизордах тамаша буллалиминнал, социал сеть ишла дуллалиминнал суаллахьхьун.
Пресс-конференциялийн оьвкуну бия мукунма ДР-лул ХIукуматрал Председательнал хъиривчутурайн Рамазан Жяъпаровлуйн ва Шарип Шариповлуйн, ДР-лул печатьрал ва информациялул министр УмархIусман ХIажиевлуйн, журналистътурайн. Читать далее

Хъуншагьрулул хъунама дуснакьраву

otto_9Ларгсса ххуллун кьини республикалул оьрму хьунни личIи-личIисса, цанниха ца къалавхьхьусса иширттал авадансса ва дакIний личIансса.

Му кьини, щалла дунияллий кунна, МахIачкъалаливгу ОьрчIал кьинилун хасну дуллалисса шадлугъирттацIун, чIаххуврайсса Чачаннал Грознайлив жулла команда «ЦСКА» -лущал ччалли дуклай Аьрасатнал футболданул чемпионатрал кубокрал матч дия ва хьхьувай, кIива зурул хьхьичIва баян бувсса куццуй, Аьрасатнал шоу-бизнесрал вакилтурайнгу оьвкуну, «Анжи-Арена» тIитIлатIисса хъуннасса шадлугъ дан хIадур хьуну бия. Читать далее

Шаэр санну уний миллатгу буссар

Ларгсса нюжмар кьини Лакрал театрдануву хьунни лакрал хъунасса шаэр, прозаик, таржумачи, литературовед, аьлимчу МахIаммад-Загьид Аминов ниттил увну 75 шин шаврил юбилейран хас бувсса аьпалул мажлис.

Му мажлис майрал ахирданий бикIантIиссар учаву бакъа, цуппа хьунтIисса кьини ккаккан дан дурану дуну, ца-кIива мукъуйсса баян баву дурагу цал дакъа кказитрай дулунгу къархьуну, жу, мунал студенткахъул, ПатIимат ва на, хъинну буруккинттарай буссияв, бавривав халкьуннан, бучIавивав биялсса агьлу тIий. Читать далее

Ризван Кьурбанов: «Аьрасатнал цашиврул эбрат Дагъусттанни»

otto_8Уттигъанну Аьрасатнал Федерациялул Минрегионразвитиялул министр Игорь Слюняевлул билаятрал хIукуматрал хьхьичIун ларсун дур «Укрепление единства российской нации и развитие народов России на 2014-2020 годы» Федерал целевой программалул (ФЦП) проект.
Министрнал бусаврийн бувну, хIадур дурну дусса дур миллатирттал политика цIудуккан даврил ялув зунтIисса, «формирование гражданской ответственности и патриотизма» тIисса хIуччалул гьанулийсса ФЦП. Читать далее

Хъяйнма бикIийча оьрчIру

laksУттигъанну, май зурул 31-нний, «Новострой» трестрал хьхьичIсса майданнив ларгунни оьрчIру буруччаврил кьинилун хас дурсса хъуннасса шадлугъ.

Шадлугърай гьур­тту хьунни Новостройрайсса ряхва школалул – ЦIуссалакрал, ДучIиннал, Шушиял, ЦIуссаккуллал, Чапаевкаллал ва Аьхъардал дуклаки оьрчIру. Читать далее

Зимбабвелия лакку ссаламращал

ottogИнсан Ватандалия, цалва нину-ппу, уссурссу, тухумдалул мархри лявхъусса аьрщарая ят увцукун, арх увцукун, ми гьарзатрах ххишала акъа мякь уккай. Ватандалий уни къулагъасралун къаласлай ивкIмур, гъурбатрай хьхьичI дацIлай, загьир дуллали шай. Уттигъанну Фейсбук социал сетьраву на кIул хьура НицIавкIуллал шяравасса, цIана Африканаву, Зимбабве тIисса хIукуматрай ялапар хъанахъисса Шиллаев Исмяил ХIажинал арснащал. Читать далее

Лавг заманнул заллухъру

Уттигъанну, май зурул 23-нний, Ккуллал шяраваллил библиотекалул зузалтрал ва Ккуллал 2-мур школалул оьрчIал цачIуну дунни литературалул вечер, цувгу хас дурсса Гулинжан Кьурбановал чивчусса «Лавг заманнул заллухъру» тIисса луттиран. Читать далее

Хъузалал къайгъурду

ХьхьичIра колхоз, совхозру тIисса цIардалу диркIсса, цIана СПК-рдайн кIура дарсса хозяйствардаву (анжагъ цIа да­ххана дурну) нажагьссарагу дакъар шяраваллил предприятиярттал давуртту багьайкун дачин дан бюхълахъисса, къажанжи дучIансса даражалийсса, ялун бучIантIимур бусса. Вари чинсса мюнпат ласлай бакъар цачIара дусса луртан-аьрщараягу. Читать далее

ЦIуницIа хиджабрая …

ЦIуницIа гьаз дуллай буру жу къабигьасса тема – хиджабраясса тема. ЧIумул цилла тIалав дуллалисса тема дуну тIий.
Жу ва тема хьхьичIра гьаз дурсса чIумал, жучIава зузисса коллегая тIайла хьуну, ва тема гьаз дан къааьркинссар тIутIиссагу бувккуна. Читать далее

Прокуратуралул хъиривлаявуртту

МахIачкъалаллал Лениннул райондалул прокуратуралул дуллай бур му райондалул аьрщарайсса чIявуквартирартту бусса къатрал хIаллихшинну бартдигьлагьисса управляющий организациярдай информация аьч баврил стандартрал хIакъиравусса Аьрасатнал ТIювалул кодексрал тIалавшинну дуруччаврил ялув бацIаврил давуртту. Читать далее

Дагъусттаннал этнокультуралул къалпсса ссирссилтту

sdsdИнсан гиччава най уна цания ца этносрацIун авхIусса ушиврул барашинна дуллалисса затру, гьай-гьай, цагу, кIирагу дакъар. Миннул дянив, махъ бакъа, къачIивисса кIантту бугьлагьисса атрибутну ккалли хъанай духьунссар лаххайсса янна. Этнокультуралул лишан хIисаврай, миннул биттур буллалисса функция хъинну агьамсса ва хьхьичIунсса бикIан багьлай бур. Читать далее

ЦIа кьиматрай ядурма

ottЦIуссалакрал райондалул агьалинал оьрму хьхьичIунмай баву мурадрай ккалли дансса давурттив дур­сса, цалва миллат дакIнийхтуну ххирану бивкIсса 1-мур ЦIувкIратусса Халиллул арс Халилов Исмяиллун гьашину июнь зурул 5-нний оьрмулул 100 шин хьунтIиссия.

Мунал захIматрал ххуллу байбивхьуну бур Лакрал ва Ккуллал районнайсса щархъаву учительну зий. 1939 шинал къуртал бувну бур Дагъусттаннал цалчинмур педучилище. Читать далее

Барча буллай буру

otto_6ДакIнийхтуну барча буллай буру 1-мур ЦIувкIратусса Ххадижатлул арснал Замирдул ва Ххюлусматусса Лайлал душ МадихIатлул ташу.
ЧIа тIий буру зун, аьзизми, чаннасса, цанная ца ххарисса, рязисса, цаннан ца бувчIлачIисса оьрму, муси ссусласисса, сими тIатIлатIисса буллугъсса оьрму, кулпатраву нахIу-хIалашиву. Читать далее

Аьлимчу хьун бигьассар, инсан хьун захIматссар

otto_4«Хъару дакъасса лелуххигу, гьунар бакъасса лаккучугу къаикIайссар», тIисса калима чIяруну тикрал дуллан бикIару жува.
Ттул ихтилатрал гьунарчи – школалул завуч, муаьллимри.
ХIакьинусса кьини учительнал даву къакIулсса, гьарца кьини ганащал хьунакъаакьайсса акъахьунссар нажагьссавагу инсан, хаснува агар цала оьрчI, душ бухьурчан школданийн заназисса. Читать далее

ДакIнил лавсъсса театрдануву хьусса мажлис

otto_1«Композитортурал портретру» тIисса циклдануву Ширвани Чаллаевлул концерт дуллунни ОьрчIал музыкалул театр­дануву.

Ттула дустураву ца яла гьунар буману, дакIнил сахаватлувшивруя творчествалул ва оьрмулул принципру батIул къашайману на мудангу ккалли ара Ширвани Чаллаев. Читать далее

Аьрасатнал Президентнал ХIукмурду Дагъусттаннай дуз буллай бур

Аьрасатнал Федерациялул Президентнал 2012 шинал майрал 7-нний къулбасру дурну диркIссар 11 хIукмулий. Миннуй ккаккан бувну бур ялун нанисса гъансса ва дянивсса чIумал жулва билаят хьхьичIунмай бачин буллансса агьамми ххуллурду. Читать далее

Республиканская газета "ИЛЧИ" на лакском языке