Цаманал ялун ххаришиву диян дан ччисса, чумартсса, сахаватлувсса инсантурай дарцIуну духьунссар ва дуниял. Хаснура цIана, бигьа бакъасса заманнай.

Итникьини редакциялул зузалтран хъуннасса ххаришиву хьунни хар-хавар бакъа бувкIсса хъамаллурая. ЦIанихсса спортс­мен, тренер, МахIачкъалаллал 49-мур школалул директор Аьв­дулкарин Айгунов редакциялул ччянияцIавасса дусри. Цала мажал бакъашиврух къаурувгун, ванан хъамакъабитайссару жу царагу байрандалий. ЦIанагу Аьвдулкарин МахIаммадович увкIун ия редакциялийн цала дустуращал авур­сса хъункIултIутIал къаврдугу, «Илчилул» лишан дирхьусса хъунмасса тортгу лавсун.

Миллатраву укунсса инсантал буссаксса, вайнначIа миллат­рал пресса бусраврай буссаксса зунсса гьавас ххишала багьлай бур.
Барчаллагь, Аьвдулкарин МахIаммадович, цIуллушиву дулуннав вихьхьунгу, вил дустурахьхьунгу, каши ххи даннав!