Дагъусттаннал базардавусса ва хъуними ттучаннавусса дукиялул багьри Зумаритавал байрандалул хьхьичIми гьантрай бия республикалул хIукуматрал контрольданий.

Премьер-министр Аьбдулмуслим Аьбдулмуслимовлул профилсса идарарттайн тапшур бунни багьрал мониторинг дуван, байрандалул гьантрай, дукиялул тIалавшин хъун хьусса чIумал, багьри лахъ къабулланшиврул.

Багьри ххал буллай бия хъунисса ттучаннаву ва МахIачкъалаллал базардаву, хаснува «Зеленое яблоко» ттучаннаву ва 2-мур базаллуву. ДР-лул экономикалул министр ХIажи Султановлул бусаврийну, багьрал хъирив бавцIуну буссар гьарца кьини.
Гьашину ахънилссаннул багьри, дукIусса вара чIумух бурувгун, чансса ялавайсса бур, масала, нувщи, къур, калан, чимус.
Теплицардавасса помидордал ва нисвартилул багьри сайки дукIусса даражалий бур.

ДикIул багьригу ливчIун бур дукIусса багьрал даражалий: оьлил дикI–700 къурушран кило, аьнакIул дикI – 250 къурушран кило, яттил дикI –550-600 къурушран кило.
Дукиялул сурсатирттал багьри личIину лахъ хьуну бакъанугу, Аьбдулмуслим Аьбдулмуслимовлул тапшур бунни гьарца чулухасса анализ дурну, чаранну лякъин, региондалий багьрал тагьар цалий дацIан даву мурадрай.

ХI.Аьдилов