Декабрьданул 18-нний Дагъусттаннал ХIукуматрал председатель Аьбдулмуслим Аьбдулмуслимов гьуртту хьунни «Мурадирттал елкалул» акциялий. Премьер-министрнал ХIуку­матрал къатраву бацIан був­сса ЦIусса шинал елкалия ливккунни оьрчIал мурадирттащалсса 3 шар. Дарбантлиясса 3 шинавусса Мадинал буттал жан дуллуну дур хасъсса дяъвилул операциялий. Душнин ччай бур ссайгъат – сюрприз. МахIачкъалалиясса 5 шинаву­сса Кавсаратлул мурад бия ичIаллил спортрал комплекс ласун ччисса. ЦIанасса ппурттуву...

ДР-лул Халкьуннал Мажлисрал 39-мур сессиялий депутатътурал кIилчин дурккуну кьамул дурунни «2025-мур шинайнсса ва пландалий ккаккан дурсса 2026 ва 2027 шиннардийнсса ДР-лул бюджетрал хIакъираву» тIисса закондалул проект. Масъалалул хIакъираву махъ лавхъунни ДР-лул Халкьуннал Мажлисрал Бюджетрал, финансирттал ва налогирттал комитетрал председательнал хъиривчу Мурад Исмяиловлул. Ихтилат бунни мукунма ДР-лул финансирттал министр Шамил Дабишевлул. Бюджетраву яла гъанмур шинайн ккаккан...

МахIачкъалалив, Оьруснал театрдануву, «Инсан» ихIсандалул фондрал ва нанисса шинал хIасиллу дуллалисса мероприятие хьунни. ХIукуматрал вакилтуравух бия Халкьуннал Мажлисрал хъунаманал хъиривчу Камил Давдиев, диндалул иширттал ва миллатирттал политикалул министр Энрик Муслимов ва цаймигу бусравсса къуллугъчитал. БавтIцириннан (600-нниха ливчусса инсантал) ккаккан бунни фондрал проектирдая бусласисса спектакль. Вайнна цаппара проектирдал цIарду: «Къашавайминнан кумаг бува», «ЦIусса къатта», «Закят», «РувхIаний...

Ханты-Мансийскаллал автоном округрал Нефтеюганскаллал райондалий Пойковский шагьрулий хьунни лачIун буккаврил Дунияллул халкьуннал дянивсса 19-мур турнир «Кубок В. Н. Семенова». Ваний Дагъусттаннал командалул дурххунни 11 медаль. Турнирданий гьуртту хьуну ур 20 билаятраясса сайки 200 спортсмен. Вай ччалли бувкссар 10 даражалул чурххал кIушиврий. Миннувасса 3-нниву хьхьичIунми кIанттурду бувгьуну бур Дагъусттаннал лачIунбуккултрал: Муса Мехтихановлул (57 кило), Имам ХIа­нишовлул...

Москавлив хьунни «Единая Россия» партиялул XXII съезд. Дагъусттаннал делегациялувух ваний гьуртту хьунни Аьрасатнал СВО-лул цалчинма Виричу НурмахIаммад ХIажимахIаммадовлул нину, МахIачкъалаллал 54-мур школалул директор Сапижат Мазаевагу. – Ттун пахру багьлай бия Аьрасатнал гьарца мурцIния бувкIсса уртакьтурал кьюкьлувух навагу буну. Дусшиву цIакьнийри Ватангу цIакьсса. Жу циняв аьм­сса мурадрал цачIун бувсса агьлу бияв, гьанумур мурадгу – Аьрасат цIа-кьини...

Декабрьданул 17-нний «Дагестан» РИА-лул площадкалий хьунни ДР-лул энергетикалул ва тарифирттал министр Марат Шихаьлиевлул, «Россети Северный Кавказ» – «Дагэнерго» ПАО-лул филиалданул директорнал кIанайма Арсен ХIажиевлул ва филиалданул хъунама инженер Сяид Султановлул пресс-конференция. Муний миннал бувсунни декабрьданул 1-мур кварталданий цакуну гужсса марч сукку шаву ва марххала буллалаву сававну Дагъусттаннал электросетирдал комплексраву технологиялул низам зия хьуну диркIшиву. Вай...

Аьрасатнал Конституциялул кьини Росгвардиялул Дагъусттаннал управлениялул хъунама, генерал-майор Александр Орехов кIанттул управлениялул зузалтращал гьуртту хьунни региондалул «Равнение на флаг» тIисса патриот акциялуву. Акция хьунни «Аьрасат – ттул тарихри» паркрал хьхьичIсса майданнив. Дагъусттаннал Жагьилтурал министерствалул сакин дурсса мероприятиялий гьуртту хьунни Дагъусттаннал бакIчи Сергей Меликов, СВО-лул Ветерантурал ассоциациялул координационный советрал председатель Сергей Макаров, жяматийсса проектирдаха зузисса Аьрасатнал...

Росгвардиялул Ухссавнил Ккавкказуллал округрал ОМОН-далул базалий хьунни къуллугърал бурж бартбигьлай жанну дуллусса аьралитуран аьпалул ула тIитIлатIисса мажлис. Шикку гьуртту хьунни бригадалул командир, генерал-майор Дмитрий Чистяков, соединениялул аьралий частирдал командиртал, къуллугърал ветерантал. – Жула аьралитурал гьар иши­раву ккаккан дурссар цала чувшиву, лайкьну, цаппара иширттаву жандалий хIайп къаувкуну, бартбивгьуссар къуллугърал буржру. Жанну дуллусса жула къучагътал жунма мудан...

Лакрал театрдануву хьунни Буттал кIанттул цIанийсса Хъунмасса дяъвилул ветеран, чIярусса шиннардий Ц1уссалакрал М. Чариновлул цIанийсса Халкьуннал театрданул каялувчину ивкIсса Аьбдулхаликь Алимовлул суратирттал выставка. Мероприятие хас дурну дия художникнан 100 шин шаврин. Аьбдулхаликь дакIнин утан бувкIун бия ванал оьрчIру, 3-мур – 4-мур никирайн бияннинсса наслу, дустал, чIаххув-чIарах бивкIми, архIал зий бивкIми, гъан-маччами. Дачин дурну ия мероприятие...

«Хасаевские чтения» Декабрьданул 12-нний Республикалул клиникалул А.В. Вишневскийл цIанийсса азарханалул хирургиялул корпусраву хьунни Аьрасатнал терапевтътурал элмийсса медициналул обществалул Дагъусттанналмур отделениялул батIаву – профессор Хасаев АхIмад Щайховичлул аьпалунсса «Хасаевские чтения». БатIаврий гьурттушинна дурунни ларай кIицI ларгсса обществалул (ДРО РНМОТ) председатель, профессор Сулайман Маммаевлул, ДР-лул ГБУ-лул хъунама хIакиннал хъиривчу Сабибулла Аьбдуллаевлул, доцент, госпиталь терапиялул кафедралул заведующийнал буржру...