Март зурул 25-нний ЦIуссалакрал райондалул администрациялий райондалул бакIчинал хъиривчу Султан ХIамзатовлул каялувшиннаралу хьунни Ххувшаврил байрандалийнсса хIадуршинна дайсса оргкомитетрал цалчинсса заседание. Ванил гьурттучитурал ххал бивгьунни гьайкаллу ва паркру бакьин баврил, идарарттал лагма-ялттусса кIанттурду марцI баврил, байрандалул гьантрай полициялул зузалтрал кумаграцIух мюхчаншиву дузал даврил, байрандалул лагрулий дантIисса мероприятиярттал план сакин даврил ва ми мероприятияртту СМИ-рдай аьч даврил...

Гьарун Саэдовлул цIанийсса Ккуллал шяраваллил колхоз 1950-ку шиннардий лахъан дурну диркIссар СССР-данул ВДНХ-лул ХIурматрал улттуйн, хIакьинусса кьинигу тиккура дуссар. 2002-ку шинал колхозру лиян дурну, миннун кIанай СПК-рду, агрофирмарду, племхозру дурну диркIссар. Ккуллал шяравугу сакин дуруна лухIи ризкьилул жинсирдал хозяйство (племенное хозяйство) «Кулинский». Цаппара шиннардива му хозяйствалул председательну ивтуна ХIамидлул арс Чупалав Кьурбанов. Яла ванал сакин...

Къуртал хьунни Рамазан барз. ЦIимилул, рувхIанийшиврул, хIалал битаврил ва хъиншиврул барз. Амма ванил мяъна-мурад, ца зуруйсса зума дургьуну, чирилунсса цIимилул давуртту дурну, гьарца учайсса мукъулгу, ласайсса шаттиралгу ялув бавцIуну, бунагьмуний къадагъа дирхьунугу бивкIун, ливчIми зурдардий баччи бакъа оьрму бутлатаву бакъар. Ванил мурад инсан ца ва зуруй акъагу муданагу дакI марцIну къуццу тIутIавур, АллагьначIан гъан шавур....

Мартрал 27-нний Къумукьнал театрдануву хьунни Дунияллул халкьуннал театрдал кьинилун хас дурсса шадлугъ. Театрдал ишккаккултрахь пишакаршиврул байран барча дуллай, ДР-лул культуралул министр Зарема Буттаевал кIицI ларгунни Дагъусттаннал театрдал хьхьичIунсса ккаккияртту, республикалул магьирлугърал брендну хьусса яргсса премьерартту ва фестивальлу. – Ва ляличIисса датар, цилгу дусса цинна хасъсса агьамшиву ва цинявппагу театрал пишардал агьали ца кулпатравун цачIун буллалисса....

Дагъусттаннал Муфтиятрал вакил МухIаммад Майрановлущалсса ихтилат – МухIаммад, вил къу­ллугъру ччя-ччяни баххана шай, утти­гъанну куна Муфтиятрал Юждаграйсса вакилну уссияв, уттигу МахIачкъалаливнай зана увунна. – Ми дахханашивуртту жун хайрданунссар. Хасну ттун тту­ннагу мюнпатрансса шай. Гьарманан кIулссар цува ца даврий лахъи къалагантIишиву, мудан чялишну зун аьркиншиву, гьунттий-сарану дува­нна тIисса тарап къадикIан аьркиншиву. Сантирай ва дирисса бущилий зурча,...

Агар инава ххуйсса инсанна тIий ухьурча, ххуймур буллалу ва ххуймур баврия ххарину, бувнайнгу барчаллагьрай икIу. Инсаннал адаврал, мяърипатрал кьимат ва ца ххуттаву кIицI лавгсса кунмагума бищун хьунссар. Жунма кIулли Рамазан барз так зума дугьаврил барз ба­къашиву, инсан, цалва ялув цува авцIуну, рувхIанийсса даву дуллалисса, цалла хасият ххуй дуллали­сса, ххуймур буллалисса барз бушиву. РувхIанийсса ххуйшиврунсса ххуллу...

Ялун нанисса ник Ватан ххирану тарбия даву мурадрай ва Къирим Аьрасатнавун зана бувну ацIра шин там хьусса тарихийсса кьинилуцIун бавхIуну, Лакрал райондалул библиотекарттай ва школардай хьунни укунсса мероприятияртту: Аьрасатнал тарихраву ва цIа­насса заманнай Къирим ­жаз­иралул агьамшиврия бусласи­сса Чувшиврул дарсру, «Мы вмес­те – мы едины» тIисса темалун хас дурсса, каних дурсса суратирттал конкурс, Къиримнал интнин хас...

Зума дугьаврил гьантрай Краснодардал крайрай Славянск-на -Кубани шагьрулий ялапар хъанахъисса Шушиннал шяравасса Фрунзе Айдиевлул цала чулуха Шушиннал, Аьхъардал ва ЦIуссачIурттащиял жяматрайх бавчIунни иникIмалул чуваллу. Чирилул ххуллийсса давуртту чансса дакъар ванал дурсса. Фрунзен къаххирар цала дуллалисса давурттая буслайгу. Шиккува кIицI лаган, ванал гьарица шинал, Зумаритавал байрандалун хасну, райондалул жяматран цала чулухасса кумаг байссар. Ларгсса шиналгу, ванал...

Капитал ремонтрал фондрал хъунаманал хъиривчу Заур Бахмудовлул, кIантту-кIанттурдайн лавгун, кьамул бунни агьали. Къизлардай коммунал масъаларттал хIакъираву къуллугъчинайн бувккунни Сорок лет Дагестана кIичIиравусса 18-ми, Октябрьская кIичIиравусса 2-ми, М. ХIажиевлул кIичIиравусса 1а, Махачкалинская кIичIиравусса 6-ми ва Набережнаялийсса 42/1, 1а къатраву ялапар хъанахъисса агьали. ЧIявуми квартирардал заллухъруннал къайгъурду къатрал магъив дакьин даврил хIакъиравусса бия, гайми аьрзирай бия щинал...

Мартрал 25-нний кьамул дунни 2025-ку шинал Сиражуттин Илиясовлул аьпалун хас дурсса Лакрал Кубокрал футболданул турнирданийнсса цинярда (махъра-махъми) заявкарду. ЦIанасса ппурттуву жучIара дур лакрал шяраваллал 37 команда. Турнир дайдихьлахьиссар апрельданул 13-нний, бигьалагай кьини. Укунсса дур юбилейрал турнирданий гьуртту хьунтIисса командарттал сияхI: Читтур, Бархъал, Гьамиящи, Караши, Хьур, Хъурхъи, Кьукун, Уручул, Ххюлуссун, Дюкъул, Ялув ЧIатIлухъи, ДучIими, ЦIуссаккул, Гъумучи,...