Ялун нанисса ник Ватан ххирану тарбия даву мурадрай ва Къирим Аьрасатнавун зана бувну ацIра шин там хьусса тарихийсса кьинилуцIун бавхIуну, Лакрал райондалул библиотекарттай ва школардай хьунни укунсса мероприятияртту:

Аьрасатнал тарихраву ва цIа­насса заманнай Къирим ­жаз­иралул агьамшиврия бусласи­сса Чувшиврул дарсру, «Мы вмес­те – мы едины» тIисса темалун хас дурсса, каних дурсса суратирттал конкурс, Къиримнал интнин хас дурсса ссятру.
Библиотекарттал зузалтрал бувсунни дуклаки оьрчIахь Къирим жазиралул тарихрая, Аьрасатнавун буххансса референдум дан савав хьусса иширттая, 2015-ку шинал мартрал 18-нний Аьрасатнал президент В. Путиннул Къирим ва Севастополь Аьра­сатнал Федерациялувун буххансса кьутIи чичаврия.
«Россия и Крым – вместе навсегда» тIисса темалул ­презентациялул лагрулий ­дуклаки оьрчIан кIул хьунни Къиримнал географиялия ва тарихрал лавгмуния. ДакIнин бивчунни тарихрал агьамсса ишру. Дуклаки оьрчIахьхьун цахьхьуннагу ду­ллунни ихтияр Къирим Аьрасатнавун зана баврил хIакъираву цала пикрирду ­бусансса.
Мероприятиярттал лаг­рулий дуклаки оьрчIан бувчIунни Къирим АьрасатнацIун цачIун баврил экономикалул, политикалул ва рувхIанийсса агьамшиву цуксса хъуннасса дуссарив.

Зулайхат Тахакьаева