Мартрал 25-нний кьамул дунни 2025-ку шинал Сиражуттин Илиясовлул аьпалун хас дурсса Лакрал Кубокрал футболданул турнирданийнсса цинярда (махъра-махъми) заявкарду.
ЦIанасса ппурттуву жучIара дур лакрал шяраваллал 37 команда.
Турнир дайдихьлахьиссар апрельданул 13-нний, бигьалагай кьини.
Укунсса дур юбилейрал турнирданий гьуртту хьунтIисса командарттал сияхI: Читтур, Бархъал, Гьамиящи, Караши, Хьур, Хъурхъи, Кьукун, Уручул, Ххюлуссун, Дюкъул, Ялув ЧIатIлухъи, ДучIими, ЦIуссаккул, Гъумучи, Хъюйми, Ххут, ЧIурттащи, ЧIурттащи 2, Хъусращи, Уручул 2, ЧукIун, Шахьуйми, Шушими, Вихьул 2, Къян 2, ЧIяйми, Ваччи, Щунудагъ, ЦIуссачIурттащи, ЦIущар, ШавкIул, ЧIар, Бурши, Ккул 2, Ккул, Хьур 2, Кьуби, ЦIуссалак, Караши 2.
Командартту дачIинтIиссар 8 группалийх, раундрал хIасиллайну хьхьичIунми командартту дуккантIиссар 2-мур раундравун.
КIунурду бичинтIиссар хъиривмур нюжмардий.
ХIасан Аьдилов
