Августрал 14-нний Дагъусттаннал бакIчи Сергей Меликовлул дунни региондалий муниципал бувчIавуртту дуван хIадур шаврицIун дархIусса батIаву. Вай хьуссар сентябрьданул 12-14-нний. «Ва хъанахъиссар Дагъусттаннай ца яла хъуннамур БувчIавурттал кампания. ЧIурду булаврил цасса кьинилул хъунмур масъалану хъанахъиссар республикалул циняв агьалинал бувчIавурттал ихтиярду бартдигьинсса шартIру дузал даву. Му ишираву гьуртту хьун аьркинсса циняв идарартту ва властьрал органну хIадурну буссар...

Вай гьантрай Улан-Удэ шагьрулий хьунни Аьрасатнал 23 шинавун бияннинсса жагьилтурал чемпионат. Муний цалчинмур кIану бувгьунни Дагъусттаннал цачIундур командалул. Муния бувсунни ДР-лул Cпортрал министерствалул прессалул къуллугърал. Дагъусттаннал вакилтурал дурххунни 18 медаль: 5 мусил, 4 арцул ва 9 чарвитул. Билаятрал Первенствалий ххув хьунни Башир МахIаммадов (65 кило), Оьмар Оьмаров (70 кило), Давуд Давудов (70 кило), МахIаммад-ТIагьир ХIаниев...

МахIачкъалаллал «Динамо» командалуща къабювхъунни очкив ласун РПЛ-данул 5-мур турдануву. Саранскалий Дагъусттаннал команда дух хьунни Нижегородуллал «Пари НН» командалуяр 0 : 2 счетрай. Муттаэтурал командалул кIивагу гол бавкьунни цалчинмур таймрай. Счет 1:0 хьусса чIумал МахIачкъалаллал командалул бавкьунни ца гол муттаэтурал къапулувун, амма га гол судиянал букьан бунни, тамансса хIаллай видеороликрах буруглайгу бивкIун. Ялагу цимилагу хьунни жуламиннал...

Августрал 17-нний Американал Чикаго шагьрулий хьунни лавайсса даражалул турнир – UFC 319. Агьали ссавур дакъа ялугьлай бия Аьрасатнал UFC-рал машгьурсса ию ХIамзат Чимаев ЮАР-нал чемпион Дрикус дю Плессищал иян укканнин. Чимаев умудрай ия, цалчинмур раундрайва муттаэнаяр ххув хьуну, хьхьичIунсса лигалул чемпион хьунсса. Мукун хьугу хьунни. Амма дунияллийх цIа ларгсса кIиягу спорстменнал бияву лахъи ларгунни ххюрагу...

Цалчинмур ЦIувкIратусса МахIаммад ХIажиевлул арс Ислам, хьхьиривун бюкьлакьисса инсантал ххассал буллай унува, оьзру хьуну, лавгссия дунияллия 2017 шинал август зурул 12-нний. Ванан дурагу 20 шин хьуссия. МахIачкъалаллал автодорожный техникумравун дуклан увхсса Исламлул, гьамин, га кьини диплом лавсун бивкIссар. Москавлия увкIсса дуснащал ххарину хьхьирийн лавгссия. Чичрулун чаран бакъассар учарухха, дуснал нину-ппу личIи шайхту, буттал арс цащала...

ЦIуссалакрал райондалул администрациялул бакIчи МаматIи ХIамзатовлул каялувшиндарай хьунни агьамсса масъалартту ххал бигьлагьисса совещание. Шикку гьуртту хьун оьвкуну бия райондалул идарарттал каялувчитурайн ва шяраваллал бакIчитурайн. БатIаврий хьхьичI ххуттайн лавсъсса масъаларттавасса бия ризкьи трассалийн ва жяматийсса кIанттурдайн буклан къабитансса къадагъа дишавриясса, миннух уругансса ва хъирив ивзун икIансса хIухчу личIи авриясса. АьчIа дишин ккаккан бунни ччи-ччикун трассалийн ва...

Дагъусттаннал муфти, республикалул Аьлимтурал советрал хъунама щайх АхIмад Апанди хъуннасса къулагъас дуллай ур хIакьину Украиннал аьрщарай хасъсса аьралий операциялий паччахIлугърал мурадру биттур баврил ххуллий талатиминнал ва Ватандалул цIаний чувшиврий жанну дуллуминнал кулпатирттах. Тталаткьини ванал цачIава кьамул бунни аьралий бурж биттур буллай жанну дуллуминнал ва ятIа-тIар бакъа бакъахьуминнал ниттихъул ва щахъами. Хьунабакьаврий гьуртту хьунни «Сила матерей»...

Вай гьантрай «Дагестан» ГТРК-лий зузисса журналистка Оксана Султанова ппухълуннал Ватандалийн, ЧIаяхьхьун бивунни. Оксана цуппагу лакрал журналист, шаэр, патриот Сулайман Чугуевлул душри. Ванал, аьпа бивул, чара бакъа «Илчилул» буккултращал кIибачIайссия ппухълуннал миналийнсса цала аьрххилиясса пикрирду-зикрирду. Кказитрай бищун ттучIанма гьан бувайхтува на гъирарай буккайссия ванал текстру. Усттарну, асар хьунну бусайва ванал гьар аьрххилия. Укунма асар хьунну буслай...

Вай гьантрай Ккуллал райондалул администрациялул бакIчи Шамил Рамазанов хьунаавкьунни Ростов-на-Дону шагьрулий ялапар хъанахъисса, Хъусращиял шяравасса Нариман Ванатиевлущал. Хасъсса аьралий операция байбивхьуния шинай Нариман уссар нитти-буттан ва мачча-гъанминнан ятIа-тIар бакъа бакъа хьусса аьралийтал лякъин ва ми цала Ватандалийн тIайла буккан кумаг буллай. ХьхьичIава Ростоврай Нариман уссия Дагъусттаннал диаспоралул председательну. Ванал цала кIулцириннайхчIин, чIявуну цала харжлугъгу буккан...

Дагъусттаннай 2024-ку шиная шиннай дуллан бивкIунни цIусса бусравсса цIа – «Заслуженный журналист Республики ­Дагестан» тIисса. Ва цIанин лайкь хьусса цалчинминнал кьюкьлувух ур жула лаккучу, «Дагестанская правда» кказитрал редакторнал хъиривчу, Аьлил арс Ширвани Айгунов. Ванал цила чIумал къуртал бувну бур Гъумучиял школа. 2004-ку шинал увххун ур ­Дагъусттаннал паччахIлугърал университетрал филологиялул факультетрал журналистикалул отделениялийн. 2009-ку шиная шинай...