Вай гьантрай МахIачкъалалив хьунни Буттал кIанттул цIанийсса Хъунмасса дяъвилий Ххувшаву ларсун 80 шин шаврин хас дурсса, аьдатравун дагьсса республикалул патриот акция «Аьпалул вахта». Шикку гьуртту хьунни Дагъусттаннал Халкьуннал Мажли­с­рал председатель Заур Аскандаров, Дагъусттаннал ХIукуматрал председательнал хъиривчутал Рамазан ЖахIпаров ва Муслим Телякавов, МахIачкъала шагьрулул бакIчи Юсуп Умавов, жагьилтурал иширттал министр Камил Саидов, культуралул министр Зарема Буттаева,...

Майрал 5-нний Каспийск шагьрулий шадлугърал даражалий хьунни 2022 шиная шихуннай Дагъусттаннал бакIчи Сергей Меликовлул сипталийну дуллалисса «Ххувшаврил Ттугъ» акция. Шикку гьуртту хьунни Сергей Меликов, властьрал органнал вакилтал, Аьрасатнал Виричу Тамерлан АбутIалимов, Украиннал аьрщарай нанисса хасъсса аьралий операциялий гьуртту хъанахъисса аьралийтал ва миннал ниттихъул, кулпатру, юнармейцы, кадетътал, жагьилтурал ва студентътурал жяматийсса вакилтал. Ва кьини­сса яла хIурматрайма...

Дагъусттаннал сайки гьарица шяраву кунна, КIулушацIгу дуссар Буттал кIанттул цIанийсса Хъун дяъвилул цIараву ливчIнал ва Ххувшаврищал зана хьусса шярава­ллил вирттаврал цIарду чирчусса гьайкал. Дуссар Совет Союзрал Виричу Ризван Сулаймановлул гьайкалгу. Дагъусттанлувтурал чувшиврул ва кьянкьашиврул лишанну кунна, дуссар кIирагу гьайкал, ябивтътари тарихрал бюх­ттулсса лахIзарду итталу бацIан буллай. КIулушацIрал чIирисса шярава дяъвилийн лавгссар 76 чиваркI, вайннава 44...

Ххувшаврил байран гъан хъанан дикIайхту, ппу мудангу къума лагайва. Шяраваллил агьлу райондалул кказитрайн цала мачча-гъанминнал суратру дуллай, минная буслан бикIайва. Клубрал чIирай, школалий дикIайва фронтовиктурал суратру. БуттачIарив дакъая аьрая зана къавхьусса уссил суратрагу. Муная бусанссагу ци бикIанссия, ятIа-тIар бакъа акъа хьуминнавух ия. ДяккурчIавсса лухIисса мармарчарил улттуйгу дакъассар буттауссил цIа. На Подольскалийн, Централ архивравун, цаймигу кIанттурдайн...

Гьамиящиял 2-мур школалий «Цалчинминнал суккушиндарал» отделениялий хьу­нни патриот акция «Ххувшаврил Ттугъ». Буттал кIанттул цIанийсса Хъунмасса дяъвилий ларсъсса Ххувшаву тачIав дакIния къадуккаву мурадрай дуллалисса ва акциялул лагма лаган бунни мюрщи патриотътал. Акциялул лагрулий оьрчIан кIул хьунни Буттал кIанттул цIанийсса Хъун дяъвилий совет халкьуннал, миннавух дагъусттанлувтурал ккаккан дурсса чувшиврия, Ххувшаву ларсъсса вирттаврая. Укунсса акциярдал хъунмасса бияла буссар...

Аьрасатнал Виричу Дмитрий Серковлул цIанийсса ­Шушиннал школалул 40-ннийн бивсса дуклаки оьрчIру гьуртту ­хьунни «Аьпалул вахта» акциялуву. Ванил лагрулий оьрчIру бивунни Бу­ттал кIанттул цIанийсса Хъунмасса дяъвилул гьурттучитурансса гьайкалданучIан, баян бунни ми­ннал аьпалун минутIрайсса пахъ багьаву, дирхьунни тIутIив. Учительтурал бувсунни дяъвилийн лавгун, Ватан дуручлай бивкIсса шяравучутурая, миннал къучагъшивурттая. Дуклаки оьрчIал марцI бу­нни гьайкалданул лагма-ялттусса кIанттурду, дургьунни тIутIив.

Ххувшаврил байрандалул гьантрай ЦIуссалакрал райондалул оьрчIал багъругу хIала бувххунни «Ххувшаврил чIавахьултту» акциялувух. ОьрчIал ва тарбиячитурал чIюлу бунни чIавахьултту Бюх­ттулсса Ххувшаврин хас дурсса суратирттай, чичрурдай ва лишаннай. Гьарица чIавахьулттия хьунни щаллусса искусствалул произведение, цалгу жула буттахъал къучагъшивуртту дакIнин дичлачисса. Акциялул мурад бия хъу­ннасса агьамшиву дусса Ххувшаврил байрандалун лархьхьу­сса тагьар хIасул даву, дуния­ллия лавгсса ветерантал дакIнин бичаву,...

Буттал кIанттул цIанийсса Хъун дяъвилул ветеран, Султаннул арс Тажир Амиров увну ур 1910 шинал Ккуллал райондалий Хъусращиял шяраву. 1941 шинал райондалул аьра­лий комиссариатрал повестка дуркIун, Тажир увцуну ур Хъун дяъвилийн. 1944 шинал январь зурул 18-нний медико-санитарный 281-мур батальондалуву аьпалул хьуну ур 109-мур стрелковый дивизиялул 602-мур стрелковый полкрал хъунама сержант Тажир Амиров. Увччуну ур Ленинград шагьрулийсса...

ХIакьину чIявусса аьлимталгу, экспертъталгу кIицI лаглан бикIай, технический вузирдавун дуклан бухлахими ялу-ялун чан хъанай бушиву. ДукIу, масалдаран, мадарасса технический вузирдавун бюджетрал кIанттайнгума бухханминнах луглан багьшиву, ректорталгу мукIру хъанай бушиву абитуриентътал кIункIу буваншиврул личIи-личIисса къулайшиннарду дуршиврий. Жулламур республикалий, ца вуз гьануну лавсун, ци тагьар дурив цIухху-бусу бувансса пикри хьунни ттун. Дагъусттаннал Политех билаятрай ца яла хьхьичIунмур...