Августрал 14-нний Дагъусттаннал бакIчи Сергей Меликовлул дунни региондалий муниципал бувчIавуртту дуван хIадур шаврицIун дархIусса батIаву. Вай хьуссар сентябрьданул 12-14-нний.
«Ва хъанахъиссар Дагъусттаннай ца яла хъуннамур БувчIавурттал кампания. ЧIурду булаврил цасса кьинилул хъунмур масъалану хъанахъиссар республикалул циняв агьалинал бувчIавурттал ихтиярду бартдигьинсса шартIру дузал даву. Му ишираву гьуртту хьун аьркинсса циняв идарартту ва властьрал органну хIадурну буссар мероприятияртту сакин дуван», – увкунни Сергей Меликовлул.
Республикалул Избиркомрал председатель МахIаммад Дибировлул тIимунийну, ЧIурду булаврил цасса кьинилул лагрулий дузал хьунтIий дур 609 муниципал бувчIавурттал кампания: 588 властьрал вакил органнал депутатътурал бувчIаву ва 21 шяраваллил ва шагьрулул бакIчитурал бувчIаву.
БувчIавуртту хьунтIий дур 6 шагьрулий – МахIачкъалалив, Буйнакскалий, Дагестанские Огнилий, Каспийскалий, Къизлардай, Южно-Сухокумскалий, мукунна республикалул 38 райондалий. БувчIавурттай дачIинтIий бур 6001 депутатнал мандат. ЧIурду булайминнал сияхIрайн лавсун ур 1 млн 312 азара инсан, ми хъанай бур циняв электоратътурал 76 %.
БувчIавурттал чIумал зунтIий бур Региондалул бувчIавурттал комиссия, 14 территориялул ва 1414 участокрал комиссия.
Циняв участокру дузал дурну дур аьркинсса техникалул, связьрал ва луртандалий бур чани лахъайсса движокру.
Цасса чIурду булай кьини жяматийсса низам дуруччаврил давурттая бувсунни Дагъусттаннал МВД-лул бакIчинал буржру чIумуйну бартбигьлагьисса Леонид Можеровцевлул.
БатIаврий махъру лавхъунни мукунма Дагъусттаннал МЧС-рал управлениялул хъунама Муслим Давришбековлул, республикалул цалчинма вице-премьер Манвел Мажонцлул, республикалул дуккаврил ва элмулул министр ЯхIия Бучаевлул, ДР-лул БакIчинал ва ХIукуматрал Администрациялул каялувчинал буржру чIумуйну бартбигьлагьисса Аьли Ибрагьимовлул.
