МахIачкъалаллал «Динамо» командалуща къабювхъунни очкив ласун РПЛ-данул 5-мур турдануву. Саранскалий Дагъусттаннал команда дух хьунни Нижегородуллал «Пари НН» командалуяр 0 : 2 счетрай.

Муттаэтурал командалул кIивагу гол бавкьунни цалчинмур таймрай. Счет 1:0 хьусса чIумал МахIачкъалаллал командалул бавкьунни ца гол муттаэтурал къапулувун, амма га гол судиянал букьан бунни, тамансса хIаллай видеороликрах буруглайгу бивкIун.
Ялагу цимилагу хьунни жуламиннал гол бакьинсса лахIзарду, амма «Динамолул» футболистътураща къабювхъунни цавагу гол бакьин муттаэтурал къапулувун. МахIачкъалаллал командалул хъиривмур тIуркIу хьунтIий бур августрал 23-нний Санкт-Петербурглив «Зенитращал».