Августрал 17-нний Американал Чикаго шагьрулий хьунни лавайсса даражалул турнир – UFC 319. Агьали ссавур дакъа ялугьлай бия Аьрасатнал UFC-рал машгьурсса ию ХIамзат Чимаев ЮАР-нал чемпион Дрикус дю Плессищал иян укканнин.

Чимаев умудрай ия, цалчинмур раундрайва муттаэнаяр ххув хьуну, хьхьичIунсса лигалул чемпион хьунсса. Мукун хьугу хьунни.
Амма дунияллийх цIа ларгсса кIиягу спорстменнал бияву лахъи ларгунни ххюрагу раундрай. Гьарцагу раундрай бияла лавайну иллалисса ХIамзатлул муттаэ щяту гьаз хьун къаивтунни гьужумру буллай, хIалал дунни чемпионнал мухIлу. ХIамзатлул ххувшаву ларсунни судьятурал цасса хIукмулийн бувну.

Вара турнирданий гьуртту хьунни Чачаннал Республикалиясса 24 шинавусса Байсангур Сусуркаев. Ва, дунияллий яла гужмур лигалуву хьхьичIун увккун, ххув хьунни Американал ию Эрик Ноланнуяр. Байсангурдул, «удушающий прием» дурну, ва канийн учIан унни.

Вай махъсса шиннардий Аьрасатнал спорстментал UFC-рал хьхьичIунсса биюлтрал сияхIрай хьхьичI ххуттай бур. Вагу жунма ца пахру бан лайкьсса ишну хъанай бур.

Аминат АхIмадова