Вай гьантрай Улан-Удэ шагьрулий хьунни Аьрасатнал 23 шинавун бияннинсса жагьилтурал чемпионат.

Муний цалчинмур кIану бувгьунни Дагъусттаннал цачIундур командалул. Муния бувсунни ДР-лул Cпортрал министерствалул прессалул къуллугърал.
Дагъусттаннал вакилтурал дурххунни 18 медаль: 5 мусил, 4 арцул ва 9 чарвитул.
Билаятрал Первенствалий ххув хьунни Башир МахIаммадов (65 кило), Оьмар Оьмаров (70 кило), Давуд Давудов (70 кило), МахIаммад-ТIагьир ХIаниев (92 кило) ва ХIабиб ДавудхIажиев (125 кило).

ХIасан Аьдилов