Тимур увну ур ЦIуссалакрал райондалий ЦIуссалакрал шяраву. 1987-ку шинал школагу къуртал бувну, МахIачкъалаллал медициналул училищалувун увххун ур. Къуртал бувну бур, аьралуннаву къуллугъ бувну увкIун махъ, 1991 шинал, марцIну ххювардай. Ца шинай зийгу ивкIун, увххун ур Пятигорскаллал фармацевтиялул академиялувун. Му къуртал бувну махъ зун ивкIун ур Дагъусттаннал университетраву химиялул кафедралий лаборантну, архIала элмийсса ахттаршиннардахунгу агьну. 2021...

Ттула нину-ппу ттуява рязину дунияллия лагаврия ххишала акъа ххарину икIара ДР-лул лайкь хьусса энергетик, Аьрасатнал хIурмат лавайсса энергетик Аьбдулхаликь Халикьов чIявучин кIулссар. Ва ур лакрал миллатрал дянив махъ нанисса, сий дусса, оьрмулулгу, захIматралгу ххуллу лайкьну бивтсса чув-адамина. Вай гьантрай Аьбдулхаликь кIицI лаглай ур оьрмулул юбилей. ЛичIи-личIисса жаваблувсса къуллугъирттай зий, чIярусса лайкьшивуртту дурсса, миллатрайн багьайсса агьамсса...

[dropcap]М[/dropcap]ахIачкъалаллал хъун майданнив хьунни школарттан итабавкьусса автобусирттал кIулли директортурайн тапшур дуллалисса мероприятие. Шадлугърал тагьарданий Дагъусттаннал премьер-министр Аьбдулмуслим Аьбдулмуслимовлул дарчIунни «Газель» автобусирттал кIулли. Миннавух бур Ккуллал райондалийсса СунбатIуллал шяраваллил школагу. Утти СунбатIуллал шяраваллил школалул дуклаки оьрчIаща бигьанма хьунтIиссар дарсирдайн занан.

«Движение первых» тIисса Щалагу Аьрасатнал жяматрал ва паччахIлугърал оьрчIал ва жагьилтурал ккурандалул оьрчIру ватан ххирану тарбия баврил ххуллий дуллалисса мероприятиярттал лагрулий апрель зурул 12-нний, Космонавтикалул кьини, Гъумук хьунни «Мы – граждане России!» тIисса акция. Цувгу хас дурну дия оьрмулул 14 шин бартларгсса аьрасатлувтуран паспортру булаврин. Мероприятие хьунни шадлугърал лагрулий райондалул магьирлугърал къатлуву, Совет Союзрал Виричу,...

Итни ва тталаткьинирдай лув-ялув Гъумук, биялсса агьлугу бавтIун, хьунни кIира ифтар. Итникьини дия жагьилтурал ифтар – Лакрал райондалул жагьилтурал ккурандалул ва «Инсан» фондрал цачIу хIадур дурсса. Жагьилтурал ккурандалул хъунама Тамерлан ХIажиевлул бусаврийн бувну, ифтар сакин давриву чялишсса гьурттушинна дурну дур шагьрурдай ялапар хъанахъисса жагьилтуралгу. ЧIявусса жагьилтал цивппагу бувкIун бия гила-шилаха. Хъирив кьинисса ифтар сакин дурну...

Жул агьулданул буттайхчин­сса нясав нанисса дур МухIаммад идавсил (уруччиннав цув Заннал) яла ххирамур душ ПатIиматлул ва мукьилчинма халипа Аьлил арснаяту ХIусайннуяту. ПатIиматлул кIиягу арсная (кIицI ув­сса ХIу­сайннуя ва мунал уссу ХIа­саннуя) бивзсса наслулуцIун цIакь дурну дур сайидтал тIисса титул. ХIусайннул агьлу дин дишин Да­гъусттаннайн бучIа­ву, бусалалул тIиму­нийн бувну, хьуну дур VIII ттуршукулий, халипа АбуМуслиннул заманнай....

Кьуръан хъанахъиссар аьрщарай яла бюхттулмур ва ккалаккимур лу. Ганий буссар аьщуйн щусса ишру ва элмийсса ахттаршиннарду. Кьуръан ккалаккийни, Каши ххисса Заннаясса нигьгу дагьай къюкIливун, имангу цIакь шай. Кьуръан жува махIаттал буллалисса караматшивур. Ялавай кIицI лавгун буссар Кьуръандалий жавабру дусса цаппарасса суаллу. – Ссавния ливксса цуми луттирдая бувсун буссар Кьуръандалий? – Таврат, Забур, Инжил, Ибрагьим ва...