АхIмад-Хан Султаннул цIанийсса МахIачкъалаллал аэропортрая 2021 шинал январь зуруя байбивхьуну хIакьинусса кьининин дурну дур 8806 рейс. 2020 шинащал цачIу бивхьуну хъанай дур 54,2% ххишаласса рейсру, 2019 шинащал – 30,4 % ххишала. Август зуруйн бияннин аэропортрай кьамул увну ур 1 091 805 пассажир. Арулва зурул мутталий шикку кьамул дурну дурну дур 2578,23 тонна кьайлул ва почталул. Вайгу ларгсса...
ДакIнийхтуну барчаллагь учин ччай буру ЦIуминалийсса ЦIуссалакрал райондалул 1-мур азарханалул хъун хIакин Булбул Исрапиловал каялувшиндаралусса ххаллилсса хIакинтурал коллективрахь. Учайхха, хIакиннал нахIусса мукъулгу, цIимилийсса ургаврилгу къашайшалтрал цIуцIаву рахIат дайссар куну. Мяйжаннугу, гикку зузисса цинявнналагу къашайшалтрахсса ургъил хъунмая, бургаву цIимилийнусса дия. Мунил хъунмур биялагу хъун хIакиннахь чIалай бия. Мунияту хьхьичIва-хьхьичI Булбул ХIасановнахь, хъирив хIакинтурахь – Х. А....
Ва нюжмардий МахIачкъалаллал аэропортрай цIусса терминал тIитIаврил хIакъираву ДР-лул туризмалул министрнал мурадру чIумуйну бартбигьлагьисса Эмин Мердановлул кIицI лавгунни, Дагъусттаннал аэропортрал тарихраву бакъасса ва иш агьамссаннун ккаллишиву республикалул тарихравугу. – Вай махъсса шиннардий туристътурал Дагъусттаннайнсса аьрххи ца яла бусравссаннун ва тIалавссаннун ккаллину бур. Гьар шинах жучIанма букIлакIисса хъамаллурал ва туристътурал аьдадгу дянивну 20 % лахъ хьуну...
Аьрасатнал Профсоюзрал ЦК-лул цIакь бунни федерал округирттай жагьилтурал иширтталсса буллансса вакилтал. Ухссавнил Ккавкказнал федерал округрай жагьилтурал иширтталсса буллансса вакилну бивтун бур Сабира АьлимахIаммадова – Дагъусттаннал цIуллу-сагъшиву дуруччаврил профсоюзрал зузалтрал Жагьилтурал советрал хъунмур. Дагъусттаннал медициналул зузалтрал профсоюзрал хъунмур Зумруд Бучаевал бусаврийн бувну, Сабира АьлимахIаммадова цимилвагу гьуртту хьуну бур Аьрасатнал цIуллу-сагъшиву дуруччаврил зузалтрал профсоюзрал дуллалисса щалагу Аьрасатнал...
Юбилейран хасну Лахънийн ЧIалай буривкьай вин: барачат кунма гъили буллай, баргъ бакIуха бувккунни… ОьвтIий бурвав кIа жуйнма бюхттулнийн лахъан, дяркъу щинал щаращул иттав буруган? Жухва мюхтажну бухьунссар щаращул аьраттал щатIив… Ялугьлай духьунссар чIируннатIутIив… Щаращул симангу бургъил тIинттаву, духьунссар вил дакIнил хавардах мякьну… Бачу лахъаннуча дакIнил оьвтIинийн, вай жула пикрирду паракьат шайнийн… Бачу, ттул ка дугьи…...
Августрал 12-нний хар-хавар бакъа ялун дирсса ковид азардануща ххассал ан къавхьуну, дунияллия лавгунни ДР-лул лайкь хьусса учитель, тарбиячи, Хъусращиял шяраватусса Аьллаев Асадуллагь. Увну ур ва 1936 шинал. Ккуллал шяраву лавайсса кьиматирттай школагу къуртал бувну, армиялий шанна шинай къуллугъгу бувну, сержантнал чиндалуву зана хьуну ур. 1965 шинал ванал къуртал бувну бур АсатIиннал паччахIлугърал институт, 2 шинай...
Ковид цIуцIаврища ххассал ан къавхьуну, вай гьантрай жуятува лавгунни ххаллилсса хIакин, цIа дурксса патологоанатом, цинявннан бусравсса лаккучу, Сулайманнул арс Буттаев АьвдулхIамид. Нитти-буттал ца акъа-акъу АьвдулхIамид ччяни ятин хьуссар 1942 шинал, Хъун дяъвилий ппу ивкIуну. Цащава шаймур бувссар ниттил Миясатлул ва буттал буттал Мирзал, АьвдулхIамидлун ятиншиврул асар чIиви личIан бансса. Школагу, медициналул училищагу ванал къуртал бувссар...
Оьрмулул ряхцIалла шинаву, апатIсса азардануща ххассал къавхьуну жуятува личIи хьунни Лакрал райондалул Собраниялул депутат, «АРЭМ» ООО-лул генеральный директор, Инишиял СПК-лул председатель, гьарца чулуха итххявхсса, дакI-аьмал авадансса инсан, Амирдул арс Амиров Апанни. Армиялия зана хьуну мукьах ванал захIматрал ххуллу байбивхьуссар буттал шяравусса фермалул каялувчину зузаврия, мунищала архIал ва увчIун ивкIссар Хьурттал совхозрал комсомол организациялул секретарьнугу, цувагу...
Ца чIивисса мутталул дянив жула дянива лавгунни kакрал миллатрал рухI-ссихIну бивкIсса, миллатралгу щала республикалулгу оьрмулуву агьамсса кIанттурду бугьлай бивкIсса инсантал: Дагъусттаннал халкьуннал шаэр Ссугъури Увайсов, жяматийсса ишккакку ХIасан-ХIусайн Камалов, аьлимтал, магьирлугърал хьхьичIунсса ишккаккулт Киров ва Гулизар Султановхъул. Цал бивкIулул мискин бунни Дагъусттан. ДакIнийхтуну хъуннасса кьурчIишивугу кIидачIлай, жижара буллай буру вайннал кулпатирттахь, гъан-маччаминнахь, шяраваллал агьулданухь, щала...
БатIул хьунни жуятува уттигу ца ххаллилсса чув-адамина, лакрал миллатрал яргсса арс, бюхттулсса тарбиялул инсан. Лакку билаятрал хIакьсса патриот, аьлимчу-педагог Абакардул арс Киров Султанов. Киров школалий дуклакисса чIумуя шихунайва дуккавриву, давриву итххявхсса, жяматийсса иширттавух хIала уххайсса, гьарца чулуха гьунар бусса иялчуну ивкIссар. Ххишала бакъа кьурчIи бивзунни Кировлул бивкIу. Му чIявучил эбрат ласунну оьрму бутлатисса, цува усса...
