АхIмад-Хан Султаннул цIанийсса МахIачкъалаллал аэропортрал директор Саэд Рамазановлул каялувшиндарайсса ирглийсса пресс-конференция хьунни Nordwind авиакомпаниялул Дагъусттаннал аэропортрайн дуллалисса рейсру гьарза даврил хIакъиравусса.
Пресс-конференциялий гьуртту хьунни Nordwind авиакомпаниялул коммерциялул директор Антон Маттис, Дагъусттаннал туризмалул ва халкьуннал промыслирдал министрнал хъиривчу Анна Безрукова, СКФО-лийсса Pegas Touristik туроператорданул директор Илона Чиханацкая.
– МахIачкъалаллал аэропортран Nordwind авиакомпания хьунни вихшала дишинсса партнерну. Дагъусттан, туристътурал дянив машгьуршивугу хIисавравун лавсун, Nordwind авиакомпаниялущалсса хIала-гьурттушиву ххишала дакъа агьамсса душиву кIулну бикIан аьркинссар. Умуд бур, авиакомпаниялул Туризмалул министерствалущал ва туроператортуращал цачIуну зузисса даврил пассажиртурал аьдад 3 миллиондалийн диян данссар тIисса, – увкунни Саэд Рамазановлул.
