Цаппара гьантрал хьхьичI бувксса «Илчи» кказитрай бувсун буссия Гъумук, паччахIххуллуцI, Жагьилтурал паркрал чIарав, МФЦ-лул къатрачIа буллай байбивхьуну бушиву Туристътурансса информациялул центр. Вана, центр бувну къуртал хьунува бур, ЦIусса шинавун зузи бан дакIний бур. Ларгсса шинал ахирданий Дагъусттаннал ХIукуматрай хьусса туризмалул сезондалул хIасиллу дуллалисса батIаврий туризмалул ва халкьуннал сянатирттал министр Эмин Мердановлул бувсуна туристътуран яла тIалавсса...
ЦIанихсса аьлимчув, техникалул элмурдал доктор, профессор, Аьрасатнал ракетарттал ва космосрал техникалул лавайсса даражалул пишакар Арсен Буйдалаевич ХIусайновлул цIа ххуйну кIулссар Дагъусттаннай дакъассагу, щалагу Москавливгу, цайми Аьрасатнал шагьрурдайгу. Ванал цIа лахъан дурну дуссар Дунияллул халкьуннал дянивсса ракетардал ва космосрал техникалул энциклопедиялийн. ХьхьичIунсса аьлимчув хIисаврай акъассагу, ва бусравну ур Москавлив ва Москавуллал областьрайсса дагъусттанлувтал цачIун буллалисса «Дагъусттан»...
Ноябрьданул 3-нний республикалул районнай ва шагьрурдай хьунни Украиннал аьрщарай нанисса хасъсса аьралий операциялий ватандалул ххуллий чувшиврий жанну дуллусса дагъусттанлувтуран цIа куну «Аьпалул багъру» бугьлагьисса хъунмасса акция. Багъру цивппагу бугьлагьиссар Дагъусттаннал бакIчи Сергей Меликовлул амрулийн бувну. КIицI бан багьлай бухьунссар, цалчин укунсса «Аьпалул багъ» республикалий бувгьушиву ларгсса шинал Буйнакскаллал райондалий Лувмур Къазанище шяраву. Шикку 90 гектар...
ЧIяйннал шяравасса Щамххалал душ Асият Абакарова бувнугу, хъунмагу хьуну бур Туркманнаву, 22 шинал мутталий яхъанай бур Американаву. Амма 20-нния лирчусса шинну Американаву дуварчагу, ва бур Совет Союзрал бюхттулсса билаятрал тарихрая пахрулийсса, ниттил буттал – Совет Союзрал Виричув, Маккашариплул арс Маккаев ЦIаххуйл гьунардания пахрулийсса инсан. ЦIаххуй Маккаевма, цIанихсса артиллерист, Сталинградрая тIайла хьуну, Берлиннайн ияннин дяъвилул цIаравухсса...
Аваданни гьунардал Хъуращиял щар. Ва буллугъсса аьрщарай, гьунар бусса кулпатраву бувну бур Дагъусттаннал эстрадалул артистка, чIугу, бакIгу, дакIгу ххуйсса жула Зарипат. Вай гьантрай «Ванесса» залдануву хьусса ванил концерт ххаллилсса бахшишну хьунни цинявппагу Зарипатлул балайрду ххираминнан. Зал бия бувцIуну. Зарипатлул мажлис хъун бан бувкIун бия ванил уртакьтал – тамашачитуран нукIува ххира хьусса Дагъусттаннал артистътал. Мажлис гьар...
ХхюцIалла шинал хьхьичI гьану бивзун бур СССР-данул элмурдал академиялул Дагъусттаннал филиалданий магьирлугърал тарихрал отдел тIиртIуну. Мунил бакIщаращуй бивкIсса яргсса ва хьхьичIунсса пишакартурал кьюкьлуву цалчинсса ххуттай буссия, дакIния къабуккайсса, жула Султанова Гулизар АхIмадлул душгу. Лайкьну ва бюхттулну биттур бувссар ванил театрал магьирлугърал ахттарчинал ва театрал критикнал бурж. «ПартIу ПатIима» спектакльдануву дургьусса ПартIу ПатIимал роль тIайлабацIусса шаврийну,...
Октябрь зуруй щалагу билаятрай кIицI лагай Бугьараминнал кьини. Жула республикалул шагьрурдай ва районнайгу щалвагу октябрь зуруй бугьараминнал хIурмат-кьимат буллалисса тамансса мероприятиярду дунни. Му кьинилуцIун бавхIусса мажлис хьунни ЧIяйннал шяраву Магьирлугърал къатраву. Шикку захIматрал ветерантуращал хьунабавкьунни Магьирлугърал къатлул хъунмур СалихIат Алхасова. Мажлисрай гьуртту хьунни МахIаммад Апанниев, ПатIимат СутIаева, МахIаммад Илдаров, Муслим АьвдурахIманов. Ва кьинисса мажлисгу бачин...
Сайки дура-духлагавайсса ЦIувкIуллал магьирлугъ цIу дуккан дуван ссавруннайн гьаз хьусса чаннацIукуха лащан уван бучIир 1-мур ЦIувкIратусса Камил Маммаев. Оьрмулул 42 шинавусса жагьилнал ччарча захIматсса трюкирттайну хIайран бунни агьали, ччарчагу «Россия-1» телеканалданий «Караматсса инсантал» тIисса шоулий ххув хьунни. Гьай-гьай, жун пахру багьунни, азаруннава шоулий гьуртту хьун мукьцIала яла итххявхми, гьунар буми язи бугьайхту, миннавугу Камил ххув...
Октябрь зурул 20-нний Дагъусттаннал педуниверситетрал Дагъусттаннал филологиялул факультетрай чирчунни лакку мазрал тотальнайсса диктант. Му хас дурну дия Дагъусттаннал культуралул ва мазурдил кьинилун. Шикку гьуртту хьунни студентътал ва преподавательтал, аьмну 20-ннийн бивсса инсантал. Чичлай бия ЦIигьил Камаловлул «Мусил хъиртту» луттиравасса парча. Ккалай ия диктант филологиялул элмурдал доктор Хизри Илиясов. Диктант цукун най дурив ккаккан бувкIун бия...
МахIачкъалалив, Р.ХIамзатовлул цIанийсса Миллатрал библиотекалуву, лавайсса даражалий хьунни Дагъусттаннал чичу, шаэр, драматург ЦIигьил Камаловлун 80 шин шаврин хас дурсса вечер. Шикку гьуртту хьун бувкIун бия Дагъусттаннал Чичултрал Союзрал, Лакрал театрданул, радиолул, личIи-личIисса министерстварттал ва ведомстварттал вакилтал, шаэрнал уссу-ссу, гъан-маччами, КIулушацIрал жямат. Бачин бувну ия мажлис Дагъусттаннал Чичултрал Союзрал лакрал секциялул хъунама Супиян Оьмаров. ЦIигьил Камаловлул...
