КIива миллатрал оь хIала бувхсса оьрчIру аькьлулул бувччусса, гьунар ххисса, бакIрал ххуйсса бикIайссар тIий баяйва жула бавахъая. КъакIулли му цуксса тIайлассарив, лакрал ва гуржиял оь хIала бувхсса Сакварелия Анна Зураблул душ мяйжаннугу мукунсса бур. ДакIнийн бутан, Аннал цила ттаттая, Буттал кIанттул цIанийсса Хъунмасса дяъвилул участник Владимир Уцумиевлуя, мунал бакIрачIан бувкIмуния чивчусса макьала ччянира «Илчи» кказитрай...
Ноябрьданул шамилчинмур алхIаткьини Щалагу дунияллий кIицI лагай ДТП-ву оьрмурдацIа хьуми дакIнийн бичайсса кьини. Ва кьинилун хас дурсса мероприятияртту хьунни ЦIуссалакрал райондалул школардайгу. Шикку гьуртту хьунни Госавтоинспекциялул вакилталгу. Мероприятиярттал мурад бия ДТП-ву оьрмурдацIа хьуми дакIнийн бичаву, дуклаки оьрчIахь ххуллул низамрал тIалавшиннардая бусаву. ОьрчIахь бувсунни ДТП-ву жанну дуллуми дакIнийн бичайсса кьинилул тарихрая, тикрал дунни бахьттагьалтрансса ва пассажиртурансса...
Ноябрьданул 23-нний хьунни ДР-лул Банкрал отделениялул хъунама Мурад Идрисовлул пресс-конференция. Ванал тIимунийну кибермошенниктурал инсантал хъяврин буллай, арцу дацлай бур миннал сбербанкрал карточкарттаяту. Мунияту аьркинну бур хавар буну бик\ан мошенниктурал ц\усса схемарттая ва ми ишла дуллалисса ххуллурдая. Гьашинусса дач\и шинал мутталий билаятрал банкирдал арцу дацаврил хьхьич\алу кьуркьусса 9 млн ишру хьуну бур, миннуйну дацин къабивтун бур...
Ноябрьданул 22-нний журналистътуращал хьунаавкьунни Дагъусттаннал Ветеринариялул комитетрал каялувчи МахIаммад Шапиев. Ванал бусаврийну, гьашину 9 зурул мутталий 67,6 млн бакI ризкьинул зана-кьала (обработка) бувну бур ва диагностикалул идарарттай дурну дур 4,7 ахттар бавурту. «Аьмну 9 зурул давурттал хIасиллу дуллай, кIицI буван аьркиннсса зат бур республикалул ветеринариялул къуллугърал хъуннасса даву дурну душиву эпизоотикалул тагьар ххуй – хъин...
Дагъусттаннай къюмай тIiутIiи бугьаву лядуккан даву мурадрай 2024 шинал Дагъусттаннан личIiи дантIiий бур 712 млн къурушру.Муния бувсунни журналистътурахь ДР-лул къюмай тIiутIiи бугьаврил ва хIiанттил иширттал комитетрал председательнал хъиривчу АхIiмад АхIiмадовлул. Ванал тIiимунийну, махъсса шиннардий къюмай тIiутIiи бугьаву лядуккан даврин хъунмасса кумаг хъанай бур паччахIiлугърал кумаг баврия. Махъсса 5 шинал мутталий республикалул къюмай тIiутIiи бугьайминнан паччахIiлугърал...
КIама бивщусса кунма, щалагу дунияллийх ппив хьуну бур жула лак. Гъурбатрай яхьусса лакрал кулпатру сайки циняв цивппа бусса кIанттурдай, цамур миллатрал, цайми халкьуннал дянив бусравну, хIурматрай бур. Мукунминнавасса бур чIярусса шиннардий Къабардин-Балкьарнаву ялапар хъанахъисса ХIажиева Светлана НурмахIаммадлул душ. Дагъусттаннал медициналул институтрал студентка тихун бакIрайн багьну бур аьраличувнан щар хьуну. Ва ишгу укун хьуну бур. Светланал...
ЦIуссалакрал райондалий «Движение первых» тIисса суккушиндарал гьурттучитал хIала бувххунни «Марафон культур» тIисса Щалагу Аьрасатнал миллатирттал акциялувух. Акциялул лагрулий дуклаки оьрчIал дунни личIи-личIисса аслийсса лакку дукрарду. ЦIуминалийсса Аьрасатнал Виричув Мутай Исяевлул цIанийсса ЦIуссалакрал гимназиялуву дуклакисса Амина Нугъаевал ва ПатIимат Кьурбановал ккаккан бунни ккунукрал ххункIру байсса куц. Вайннан усттарну ххункIру бан лахьхьин бунни Зурмукат Нугъаевал ва Мариян...
ЧIяйннал шяравасса Щамххалал душ Асият Абакарова бувнугу, хъунмагу хьуну бур Туркманнаву, 22 шинал мутталий яхъанай бур Американаву. Амма 20-нния лирчусса шинну Американаву дуварчагу, ва бур Совет Союзрал бюхттулсса билаятрал тарихрая пахрулийсса, ниттил буттал – Совет Союзрал Виричув, Маккашариплул арс Маккаев ЦIаххуйл гьунардания пахрулийсса инсан. ЦIаххуй Маккаевма, цIанихсса артиллерист, Сталинградрая тIайла хьуну, Берлиннайн ияннин дяъвилул цIаравухсса...
МахIачкъалалив, Р. ХIамзатовлул цIанийсса Миллатрал библиотекалуву, лавайсса даражалий хьунни Дагъусттаннал искусстволул лайкь хьусса ишккакку Жанна Кьурбановал «РухI дусса ххал» («Живая нить») тIисса выставка. Дагъусттаннайгу, республикалул кьатIувгу творчество, искусство ххираминнан Жаннал цIа ххуйну кIулссар. ЦIанасса выставкагу ванил цалчинсса выставка дакъар. Уттинингу ванил выставкартту хьуссар Москавлив, Аьрасатнал цаймигу шагьрурдай, Прибалтиканал хIукуматирттай, Италиянаву, Франциянаву, Японнаву. Жанна бур ляличIисса...
Цаппара гьантрал хьхьичI бувксса «Илчи» кказитрай бувсун буссия Гъумук, паччахIххуллуцI, Жагьилтурал паркрал чIарав, МФЦ-лул къатрачIа буллай байбивхьуну бушиву Туристътурансса информациялул центр. Вана, центр бувну къуртал хьунува бур, ЦIусса шинавун зузи бан дакIний бур. Ларгсса шинал ахирданий Дагъусттаннал ХIукуматрай хьусса туризмалул сезондалул хIасиллу дуллалисса батIаврий туризмалул ва халкьуннал сянатирттал министр Эмин Мердановлул бувсуна туристътуран яла тIалавсса...
