Сайки 15 шин хьуну дур Къаравалиевхъал кулпатрал Красноярскаллал крайрайсса Норильск шагьрулий ялапар хъанай. Тимур ур ЧIурттащиял шяравасса, Радмила – Щаратусса. Кулпат бивзун бур Норильскалийн 2011-ку шинал. Тимур зий ур строительствалул давурттай инженер-гидротехникну, Радмила тIурча, оьрчIал багъраву тарбиячину ва шиккувасса Профсоюзрал комитетрал хъунмурну. Къаравалиевхъал шанма оьрчI бур. Хъунмур душ дуклай бур 8-мур классраву, арс – ряххилчинмуниву,...
Итникьини Гъумук кIицI ларгунни Буттал улклул Вирттаврал кьини. Райондалул аьралий комиссар Аьли ГъазимахIаммадовлущал ва идарарттал каялувчитуращал архIал райондалул бакIчи Зураб Куччаевлул тIутIал шалкри бивхьунни Буттал кIанттул цIанийсса Хъун дяъвилия зана къавхьуминнан дацIан дурсса гьайкалдануцI. – ХIакьину жува бакIру кьус ритлай буру ватандалул ххуллий жанну дуллуминнал чаннасса аьпалул хьхьичI. Буттал КIанттул цIанийсса Хъун дяъвилия зана къавхьуминнал...
Дяркъусса, пачру лахълахъисса чIумал, цIу ларчIсса ишру чIявуну хъанай бур, гъили байсса системарду саргъунну зий дакъашиву, лахъайсса оборудование тIайла дакъа дишаву ягу пачру аьркинсса куццуй къалахъаву сававну. ЦIана, токрай лахъайсса оборудование ва пачру хъиннува чIявуну ишла буллалисса чIумал, цIу ларчIсса ишругу ххишаласса хьунсса нигьачIаву дур. Пачру лахъаннин цал ххал бан аьркинссар ми цивппа ва вярчIурду...
Декабрьданул 8-нний ЦIуссалакрал райондалул администрациялул бакIчи МаматIи ХIамзатовлул каялувшиндаралу хьунни агьамсса масъалартту ххал бигьлагьисса совещание. Шикку гьуртту хьун оьвкуну бия райондалул идарарттал каялувчитурайн ва шяраваллал бакIчитурайн. БатIаврий хьхьичI ххуттайн лавсун бия шяраваллавусса ххуллурду бакьин баврил, налогру датIаврил, ЖКХ-лул даву низамрайн дутаврил, щинал дузалшиннарал, школардайсса ва садикирттайсса медкабинетру оборудованиялул дузал баврил, ссутилсса призыврал ва контрактрай къуллугъ...
Декабрьданул 1-нний «Доблесть гор» программалул лагрулий ДР-лул экономикалул министр ХIажи Султановлул каялувшиндаралу хьунни республикалул экономика хьхьичIуннай даврин хас бувсса семинар. Шикку гьуртту хьунни оьрму-хIал ккавксса, Ватандалийн дакI тIайласса патриотътал ва СВО-лул ветерантал. Министрнал кIицI лавгунни, хьхьичI бивхьусса захIматсса масъалартту чулийн буккан бан нигьакъабувсъсса инсантурайн вихшала бан лайкьшиву каялувчитурал кадрарду. Шикку мюрш бивкIун ххал бивгьунни республикалул...
Вай гьантрай Ккуллал райондалийн даврил аьрххилий увкIунни Дагъусттан Республикалул МЧС-рал министр Нариман КазимахIаммадов. Ванащал бия МЧС-рал биялдарайсса «Служба – 112» идаралул каялувчи Жамалуттин Баговлул ва ЦIу лачIаврища мюхчан бай къуллугърал хъунама ХIусайн Хамавов. Вай хьунабавкьунни райондалул агьалинащал, цIухху-бусу бунни цукунсса масъаларттащал хьунабакьлай буссарив райондалул жямат. Хъусращиял шяраваллил администрациялул бакIчи Арсен Алларазуевлул дунни гъараллу ларчIун левкьсса...
ТIайламур бусан, жува аьдат хьуну буру къаххуймур информация агьалиначIан биян буван СМИ чIявуну чялиш буккайсса бушивруцIун. Ва базилухьрив ххари хьунна федерал СМИ-лул ххуймур гьаз баврия. Социал сетирдай махъ ппурттувусса сюжетирттаву ца яла дакI хъюлчай учин дуванмур ва пашмангу, ххаригу дуванмур духьунссар ва видео: Каспийск шагьрулий нажагьсса къашайшиву – ихтиоз дахчусса (чIимучIалттул синдром учай ва азарданийн)...
Махъсса шиннардий Аьрасатнаву машгьур хъанай дур онлайн журалийсса дуккаву. Дагъусттаннай цалчинсса онлайн школа «Дом знаний» тIивтIуну бур жула лакку оьрчIал, ГьунчIукьатIрал шяраватусса ТIагьиров Халипа Юсуплул арснал. Ва школа цуппагу Аьрасатнаву хьхьичIунсса ххуттай бур, щалагу билаятрал лагрулийсса конкурсирттай ххув хьуну, дурххусса грантирттацIух лавай хъанай най бур. Ттигъанну «Илчилул» редакциялий хъамалу уссия, ва школа хIасулгу бувну, ваний...
Чайхуслул душ Гъазиева (Куркиева) Сабират Вай гьантрай хар-хавар бакъасса оьзру хьуну, Ашттарханнай дунияллия лавгунни ТтурчIиял шяравасса ххаллилсса хъамитайпа, бусравсса педагог Чайхуслул душ Гъазиева Сабират. Дагъусттаннал пединститутрал химиялул-биологиялул учитель шайсса факультетгу къуртал бувну, ванил захIматрал ххуллу байбивхьуну бур Аьхъардал школалий учительницану зий. Аьмну 45 шин дурну дур оьрчIан тарбиягу, кIулшивурттугу дуллай, вайннувагу 35 шин – Ашттарханнал...
Аьли Айдаев Ватан ттяй–кьяй дакъари Ккавккунни караматсса Ниагар-жюружани, Шяв щуннин щинаяту Ттиркьюкьал ккузри шайсса. Ккавккунни ляличIисса Шагьру ттун щинай бувсса, КунначIан кув хъамалу Щинал щатIайх занайсса. Ккарккунни эмаратру Ттун вай дакъа цаймигу. Унна, валлагь, хIайрангу, Ххуйшиврул махIатталгу. Амма къадунни вайннул Цаннив, ттул дакI ришлаши, Я щайхту, дайсса кунна, ЧIяяратIнил ва Ламул! Лажинни ци гуж бурвав,...
