Чайхуслул душ Гъазиева (Куркиева) Сабират
Вай гьантрай хар-хавар бакъасса оьзру хьуну, Ашттарханнай дунияллия лавгунни ТтурчIиял шяравасса ххаллилсса хъамитайпа, бусравсса педагог Чайхуслул душ Гъазиева Сабират.
Дагъусттаннал пединститутрал химиялул-биологиялул учитель шайсса факультетгу къуртал бувну, ванил захIматрал ххуллу байбивхьуну бур Аьхъардал школалий учительницану зий.
Аьмну 45 шин дурну дур оьрчIан тарбиягу, кIулшивурттугу дуллай, вайннувагу 35 шин – Ашттарханнал 11-мур школалий зий. Школалул коллективрал жижаралуву кIицI лавгун бур ва цилла давугу ххуйну кIулсса, оьрчIан куртIсса кIулшивуртту дуллалисса, хьхьичIунсса педагог бивкIшиву, коллективран, оьрчIан, нитти-буттан личIинува ххирасса ва бусравсса бивкIшиву.
Ванил чIярусса шиннардийсса захIматран лайкьсса кьимат бивщуну бур хIукуматралгу, 70 шинал юбилейрайн дуллуну дур «Ашттарханнал областьрал лайкь хьусса учитель» тIисса цIа.
Сабират ччя-ччяни бучIайссия Дагъусттаннайн, цихва мякьну ялугьлагьисса мачча-гъанначIан. ДакI-аьмал хъинсса, инсаннал буруккин ласун, дакIру рахIат дуван кIулсса, учайсса мукъуй цIу бусса хъамитайпа буссия. Ванил ссурахъил Икрамлул душ Заремал увкусса куццуй, «дарщу кьини чанна дайсса чирахъ» буссия.
Сабират дунияллия лагаврил кьурчIишиву кIидачIлай, жижара буллай буру ласнахь Муршидлухь, арсурваврахь, уссурваврахь, ссийхь, вайннал наслулухь, цинявгу гъан-маччацириннахь. Алжаннул ххари баннав, махънал оьрмурду лахъи баннав!
ТтурчIиял жямат
ДакIнийхтуну хъуннасса кьурчIишивугу кIидачIлай, жижара буллай буру Дагъусттаннал халкьуннал артистка Лариса ХIажиевахь ванил ххирасса нину Нурижат аьпалухьхьун лагаврийн бувну.
Аьпа баннав, рухI кIукIлуний дишиннав!
Ларисал цилва, арсурваврал, буттал, уссурваврал ва наслулул оьрмурду лахъи баннав! Жагьилминнал, махъ ливчIнал оьрмурдай барачат бишиннав.
Мариян Илиясовал цIанийсса «Дараччи» фонд
ХIурмат бусса Лариса Ибрагьимхалиловнай!
Вил аьзизсса нину аьпалул хьусса кьурчIисса хавар жунгу бавунни. ДакIнийхтуну жижара буллай бура вихьгу, гъан-маччанахьгу ттулагу, Республикалул Халкьуннал Творчествалул къатлул коллективрал чулухагу. Вил нину имандалий ларгун лякъиннав, алжаннул ххари даннав.
Ларисай, ина Дагъусттаннал яла магьирмур чIунил заллура, культуралул пахрура. Жун кIулссар вил гьунарданул, дакIнил хъиншиврул, узданшиврул махъ вил ниттил Нурижатлул дазу дакъасса ччавугу, вихасса лабизавугу диркIшиву. Вил ниттил чаннасса симан гъан-маччанал дакIурдиву мудангу личIантIиссар.
Аллагьнал вихьхьунгу, гъан-маччанахьхьунгу ссавур ва бияла булуннав му захIматсса къюву духIан бюхъансса.
ХIурматращал Марита МухIадова
ва Республикалул Халкьуннал Творчествалул къатлул
коллектив
ДакIнийхтуну хъуннасса кьурчIишиву кIидачIлай, жижара буллай буру Дагъусттаннал халкьуннал артистка Лариса ХIажиевахь, ванил нину Нурижат жуятува батIул шаврийн бувну.
Цил рухI хъинний дишиннав! Алжаннул ххари баннав! Махъминнал оьрмурдай барачат бишиннав!
Лакрал театрданул коллектив
* * *
Аьзизсса Нурижат ахиратрал шаврийн бувну, дакIнийхтунусса жижара буллай буру ласнахь ХIажиев Ибрагьимхалиллухь, душнихь Ларисахь, арсурваврахь Санинахь, Сергейлухь, Мурадлухь.
Зулвами оьрмурдай барачат бишиннав, Нурижатлул гьав нурданул дуцIиннав, рухI бигьаний дишиннав.
АьбдурахIман Адамов, Рамазан Шахруев, Оьмари АхIмадов
Вай гьантрай дунияллия лавгунни лакрал миллатран ххирасса Дагъусттаннал халкьуннал артистка Лариса ХIажиевал нину Нурижат. Аьзизсса нину аьпалул шаврийн бувну, дакIнийхтуну кьурчIишиву кIидачIлай, жижара буллай буру Лариса ХIажиевахь ва цинявппагу ванил гъан-маччаминнахь.
Нурижатлул бунагьирттал аьпа баннав, гьав нурданул дуцIиннав, алжаннул ххари баннав.
«Илчи» кказитрал коллектив
