Абачара ХIусайнаев АхIмад-Хан Султан – ссавнил пагьливан Ххиссар брильянтру Бюхттул зунтталу, Ххиссар пагьливантал Щунул щутталу. На кIучI анна ина, Ссавнил пагьливан, Ссавний тархъан авчий, АхIмадхан Султан! Ина, ссапар бавхIун, Ссавнийн лавхъукун, Пулеметрал кайму Канил дургьувкун, Агь, чIа тIун икIай щин, Лагай къазразан Бан-битан бухлавгсса Аскисса душман. Пар чавай – кьутIавай, Тиха личавай, БивкIулул ххют куна,...
Апрель зурул 28-нний МахIачкъалалив «Россия – моя история» тарихрал паркраву дайдирхьунни «Знание. Первые» тIисса кIулшивурттал федерал марафон. Ва хас дурну дур Аьрасатнал Халкьуннал цашиврул шинан. Апрель зурул 28-нний МахIачкъалалив «Россия – моя история» тарихрал паркраву дайдирхьунни «Знание.Первые» тIисса кIулшивурттал федерал марафон. Ва хас дурну дур Аьрасатнал Халкьуннал цашиврул шинан. «Жагьилтал ва оьрчIру» тIисса нацпроектрал лагрулий...
Майрал 4-мур кьини КIундиннал шяраваллил жяматрал тарихравун дурххунни цIарал кьинину. КIюрххицIун чIумал цIу дагьну, кунницIун кув ларчIун дурсса къатрая цIу цанния цаннийн ласлай, ва кьини шяраву ччурччунни ряхрайра къатри. Шагьрулия шяравун бувкIукун, буттал, ттаттал къатраву цимивагу кулпат бацIайсса аьдат духьувкун, ряхва кулпат бакъача, цимиягу инсан хъанай ур буттал шяравусса цалла тIювардацIа хьусса. ЦIу дагьаву цурда...
Ххувшаврил кьинилул хьунийн Лакрал райондалул бакIчи Зураб Куччаев цачIун хьунни «Георгиевская лента» тIисса щалагу Аьрасатнал акциялийн. Гъумучиял школалул дуклаки оьрчIал бавхIунни муниципалитетрал каялувчинай цIухъахъисса ва лухIисса щару бусса лента. Зураб Куччаевлул барчаллагь увкунни оьрчIахь тарихрал хIурмат бушиврухлу. «Георгиевская лента – совет солдатнал ва халкьуннал лакъахIайсса гьавасрал, ватандалул ххуллий талай бивкIминнал чувшиврул ва жанну дулуминнал аьпалул...
Дагъусттаннал вице-премьер Муслим Телякавовлул каялувшиннаралу хьунни Буттал кIанттул цIанийсса Хъунмасса дяъвилий ххувшаву ларсун 81 шин шаврин хас дурсса мероприятиярттал хIакъиравусса совещание. Шикку гьуртту хьунни республикалул исполнительный властьрал органнал каялувчитал, ихтиярду дуруччай органнал ва Каспийская флотилиялул вакилтал. Совещаниялий ххал бивгьунни шадлугърал мероприятияртту дуллалийни мюхчаншиву дуруччаврил масъала. МахIачкъалалив Ххувшаврил кьинилун хас дурсса мероприятияртту дайдишин тIий дур кIюрххил...
Буттал кIанттул цIанийсса Хъунмасса дяъвилул гьурттучи, Читтурдал шяравасса ХIасан-ХIусайннул арс ХIусайн Кьурбанов увну ур майрал 7-нний. Ххувшаврил байрандалуцIун ва увсса кьинилуцIун бавхIуну, цала буттан, фронтовикнан, хас бувсса «Зунттал шяравусса гьайкал» тIисса шеъри кказитрай бивщуну ччива тIий, увкIунни жул редакциялийн журналист, шаэр Кьурбан Кьурбанов. Ва шеъри цуппагу «Ттущалва навалусса щугълурду» тIисса, чIал къавхьуну буккантIисса Кьурбаннул шеърирдал...
ЧIяйннал шяраватусса Кьубатаева Асият Рамазаннул душнил ттигъанну кIицI ларгунни оьрмулул 75 шинал юбилей. Ккуллал райондалий ххишала бакъа бусравну оьрму бувтсса учительтурал Рамазаннул ва ПатIиматлул кулпатраву ххюва душнива хъунма-хъунмур лавгун бур вайннал шаттирдайх, педагогнал пиша язи бувгьуну. Туркманнаву 45 шинал манзилданий ялапар хъанай, дахIалай чинсса кIану бувгьуну бур ванил кIулшиву дулаврил ва жагьилсса ник тарбия даврил...
В селении Куба почтили память Героя России Гапала Гаджиева. Вчера 6 мая 2026 года в селении Куба Лакского района состоялось торжественное мероприятие, посвященное 50-летию со дня рождения Героя России Гаджиева Гапала Шамильевича. Почтить память славного земляка во дворе школы, которая носит имя Гапала Гаджиева, собрались представители администрации района, сотрудники правоохранительных органов, родные и близкие героя,...
Апрельданул 28-30-нний Ставрополлал крайрай Минеральные Воды шагьрулий хьунни Ккавкказуллал инвестициярттал форум – 2026. Форумрай хъунмур масъала (дискуссия) бия: СКФО-лун цIана буллалисса кумаг биял хьунтIиссарив лябуккулун аьркинссаксса бущи (темп) ябаншиврул, ва туризмалуща хьунтIиссарив му лябуккулул бущи ттинияр тихунмайгу сахла буван, тIисса. Форумрал пленар заседаниялий махъ лавхъунни АьФ-лул экономикалул лябуккулул министр Максим Решетниковлул. «Ухссавнил Ккавкказнавусса дахханашивуртту чIалай...
Майрал 6-нний Дагъусттаннал Халкьуннал Мажлисрал заседаниярттал залдануву ккаккан унни (представили) республикалул бакIчинал чIумуйсса кIанайма Федор Щукин. Республикалул цIусса каялувчи ккаккан унни Аьрасатнал президентнал СКФО-райсса вакил Юрий Чайкал. Ванал бувккунни Федор Щукин къуллугърай итаврил хIакъиравусса Аьрасатнал президентнал хIукму. Яла ванал Сергей Меликовлухь барчаллагь увкунни дурсса давурттахлу. «ДакI дарцIуну ура вил опыт ва профессионалшиву цIусса къуллугърай ивтсса...
