КIива гьантлий бакъавцIуну буллалисса марххалттал, Лакку кIану кIучI бувуна, магъив чIаланну къатрал. Лагьний тIурча так бургъурду чIалай бия къирагърай, Леххаврил ттугъру ми хханссар, оьвтIутIисса кумаграйн. КIива гьантлий буллай, гьанай, кьурукIи дакъанува Уттигу буссар буллайнма, бакъаний бишин кунма. Къанихшиву занч-марххалттал, зунттурдай буртти бикIан, Къазразанну ризкьичитал чIатIри кIунттил дугьан бан. Тайнна дучри яхI буллай най, марххалттава итххяхлай,...
Тагьар къулагъасралу дур Зунттал районнай бацIаву дакъа буллайнма бур хъунисса марххалтту, лачIлайнна дур рирщу гъараллу. МуницIун бавхIуну хъуннасса нигьачIаву дур лахIунтту, валтру дагьаврия ххуллурдангу, миннуцIухсса къатрангу. Хъунисса зараллу хьуну бур ххуллурдайн кьунтту зивзуну, хъяхъа куну, ттукIрал тталлу кьатI хьуну, ххаллу руцари хьуну. Архми шяраваллавун тIурча, ххуллурду зунчардил бава-бавщуну ми бакьин бансса, ттукI буцинсса техника гьан-дучIан...
Лакрал районнал имамтурал сипталийн бувну, жагьилтурал ккурандалущал уртакьну (ДРОО «Лакское молодежное общество»), вай гьантрай къатравун щин дурхминначIах буклай, кумаг буллай бивкIунни лакрал жагьилталгу. Апрельданул 8-нний, вай зий бивкIунни МахIачкъалаллал зумакъирагърайсса Газораспределитель поселокрай, хъирив кьини Дарбантуллал райондалий Мамедкъалалив. «Жу зараллу бивсса, анаварсса кумаг аьркинсса кулпатирттачIан бивну, цуминнан цукунсса кумаг аьркинссарив ххал бувну, шаймур буварду. Укунсса чIумалли...
Лаккуй хъунисса марххалттаща къатри, ххуллурду ва ризкьи ххассал бувансса давуртту дуллайнма бур вай гьантрайгу. Шяраваллил хозяйствалул ва бакIлахърулул министр Шамил Рамазановлул тапшур бувну, Ккуллал райондалий ци тагьар дурив, цукунсса кумаг аьркинну бурив ккаккан бивунни министрнал хъиривчу Шамил Жамалов ва Ризкьилулсса буллалисса управлениялул каялувчи Светозар Оьмаров. Райондалул хъунаманал бурж чIумуйну бартбигьлагьисса Ажуб ХIусмановлущал совещание дурну, бивсса...
МахIачкъалалив, Р. ХIамзатовлул цIанийсса Национал библиотекалуву, бюхттулсса даражалий хьунни цIанихсса шаэр ва педагог, хIакьсса патриот Даниял Магьдиевлун 80 шин шаврин хас дурсса аьпалул вечер. Райондалийгу, республикалийгу ххуйну кIулсса, жяматран бусравсса, хъунаначIагу, чIивиначIагу хIурмат хъунмасса Даниял дакIнин утан бувкIун бия жяматийсса ишккаккулт, творчествалул агьлу, ванал даврил уртакьтал ва выпускниктал, дустал, гъан-маччами. Мероприятие дайдишин хьхьичI экрандалий ккаккан...
Космонавтикалул кьинилул хьунийн Гъумучиял школалий хъуннасса шадлугърай кIицI ларгунни миллатрал язисса арс, Совет Союзрал Виричу, лётчик-космонавт, Дагъусттаннал цалчинсса ва хIакьинунийн увагу усса ца космонавт, Муса Маннаровлул 75 шинал юбилей. Мероприятие дачин дурну бия Гъумучиял школалул директор Соня Макьаева. Ванил кIицI лавгунни Космонавтикалул кьини жула паччахIлугъран цуксса агьамсса кIанттай дуссарив, хаснува агьамсса кIану бугьлай ушиву жула...
1983-ку шинал ттул насрулийсса назмурду рирщуна, аьпа биву, Казбек Мазаевлул цува редакторну зузисса «Дусшиву» альманахрай. Гай ттулла чичрурду ларсун увкIун унува, Казбеклул кабинетравун (гиву цаймигу мазурдий буккайсса альманахирттал редакторталгу бия) ялун увххуна МахIаммад-Загьид Аминов. Ттул назмурду Казбеклул МахIаммад-Загьидлухьхьунгу дуккин дуллуна. Гайннувату мукьра назму личIи дуруна ганал. Гана гай назмурду хьуссар цалчин журналданий рирщусса ттул чичрурдуну....
Вай гьантрай зунттаву агьали лазуни духларгун ливчIшиву буслай, фермертал леххаврил чIурду баян аьркиннайн, дакI цIуцIиминнайн баян буван хIарачат буллалисса ппурттуву, бувккунни официал источникирттай ва социал сетирдай: «Ай, диялсса луртан лазундарал къадуллай бур, дукIурагу диял къархьуну дунура дарсну къархьунни, хIатта курчIил хьуну бур» тIисса хаварду. Ттул, хаснува официал источникирттай, укунсса комментарияртту ккалай, дакI зия хъанай дия....
Махъсса ппурттуву Дагъусттаннай гужсса гъараллу лачIлай, марххалтту буллай, хъунисса зараллу хьунни инсантурал къатта-къушлин, хъу-лухччилун, ризкьилун, ххуллурдан. Инттухунмай бувсса кIусса марххалттанул Хъусращиял ва Ккуллал шяраваллан хъунисса зараллу биян бунни. Хъусращиял шяраву сайки 80-хъул къатрал магъив ва тамансса къатрал чIиртту левкьунни. Ялгъузсса тагьардануву лирчIунни мащайсса ризкьи. Зунттаву, машиналул ххуллу бакъасса кIанттурдайсса ( Мусравсса ва МухIлуцIавсса) мащайсса инсантал...
ТIабиаьтрал апатIрайну бивсса зараллу бухлаган баврин кумагран техника дучIан дунни кIанттул ишбажаранчитурал ва дакI аьтIисса агьалинал. «Биг-Сервис» ООО-лул хъунама директор Шамил Аьлиевлул гьан дунни ххуллурду марцI бансса техника. ЦIана техника зий дур гъараллал зия бувсса Инишиял ва Кьукуннал шяраваллал чулийнмайсса ххуллурдай. Шамил Аьлиев цувагу ивунни апатIру хьусса кIанттурдайн, ххуллурдал тагьаргу ххал дан, зузалтрангу кумаг бан....
