Бархъаллал ххуржинтту Аьрасатнал кьатIаллил иширттал министр Сергей Лавровлул хъарайн дирчушиву бувсунни республикалул экономикалул ва территориал развитиялул министр ХIажи Султановлул цала телеграм-каналданий. Ва иш хьуну бур Аьрасатнал МИД-рал Культуралул центрданий Дагъусттаннал презентациялий. Аьрасатнал халкьуннал мастер, Дагъусттаннал культуралул лайкь хьусса зузала ПатIимат ХIаммадова ва ванил ссу, МахIачкъалалив «Дагестанский аул» тIисса музейраву зузисса Маизат, бивкIун бур ва презентация...

Аьрасатнал Кьини – циняв инсантурал дянив закондалул ва тIайлашиврул, тархъаншиврул, дакьаврил ва аслахIшиврул байранни. Ва байран национал цашиврул, билаятрал цIанасса ва ялун дучIансса чIумул аьмсса жаваблувшиврул лишанни. 1990 шинал ва кьини РСФСР-данул халкьуннал депутатътурал цалчинмур Съездрай кьамул дурссар Аьрасатнал Федерациялул паччахIлугърал суверенитетрал хIакъиравусса Декларация. 1992 шиная шиннай Аьрасатнал Федерациялул Верховный Советрал хIукмулийну дувайссар «День принятия...

Июнь зурул 2-нний МахIачкъалалив уттигъанну тIивтIусса, профессор Эса Аьбдуллаевлул цIанийсса Лакку маз лахьхьин буллалисса центрданий Цалчинсса занг рирщунни. Жу хьхьичIвагу балжину бувсъссия ва тIитIинсса сиптачину хьушиву ДР-лул Жяматийсса палаталул хъунаманал хъиривчу Ссапарбаг Аьбдуллаев, центрданун цува заллусса помещениягу ванал буллушиву ( Цалчинма Петрдул цIанийсса проспект, 32-мур къатта). Ва даву щаллу даврил ххуллий диялсса даву дурссия МахIачкъалаллал...

Къюллул ЦIувкIуллал шяравасса Супиян Оьмаров чIявучин кIулли. Ванал усттарну бачин бай лакралгу, лакрал бакъассагу мажлисру, икIай чIявусса хъатIай-хъиншивурттай тямадану. Уттигъанну Супияннул итабавкьунни «Абадлийсса тирхханну» тIисса лакку мазрайсса жуж. Луттираву бувсун бур цала оьрмулуву ряхцIаллий ххюра шин там хьуннин ккавкмуния, бавмуния, агьаммур бавтIун. Ванива чIалай бур чивчума лагма-ялттусса гьарзатрах хъуннасса къулагъас дусса ушиву. Лакку мазрай буккин...

ЦIуссалакрал райондалул бакIчи МаматIи ХIамзатовлул сипталий, ОьрчIру буруччаврил кьини райондалий хьунни ляличIисса аякьалийн лавсъсса оьрчIачIан шаппа-шаппай заназисса акция. КIюрххила райондалул администрациялул, Культуралул ва КIулшивуртту дулаврил управлениялул зузалт, мукунма шяраваллил бакIчитал шаппа-шаппай лавгунни 14 шинавун бияннинсса оьрмулувусса, шанийн багьсса ва нину-ппу бакъасса оьрчIачIан. Мукунма вай бивунни хасъсса аьралий операциялул гьурттучитурал оьрчIачIан. Хъамаллурал бахшиш бунни вайннан нахIу-нацIурду...

Гьарца шинал майрал 27-нний кIицI лагайсса Библиотекарттал кьинилун хасъсса «Есть храм у книг – библиотека» тIисса цIанилусса шадлугъ хьунни Гъумук Культуралул центрданий. Ва сакин дурну дия ЦБС-рал директор Мариян Аьшаевал. Шадлугъ дачин дурну ия Культуралул центрданул зузала АьлихIажи Щамхалов. Шадлугърайн оьвкуну бия библиотекалул даврил ветерантурайн – ПатIимат МахIаммадовайн, Кяъват Дандамаевайн, Саида Макьаевайн ва райондалул библиотекарттал...

ЦIуминалийсса ЦIуссалакрал шяравусса «Сказка» тIисса оьрчIал багъраву хьунни ОьрчIру буруччаврил кьинилун хас дурсса ихIсандалул ярмарка. Гьашину ва садикрай кIилчинни хъанахъисса цIуллу-сагъшиврул ссуссукьушиву дусса оьрчIан кумаг баву мурадрайсса акция. Этникалул зумуну чIюлу бувну бия садикрал хIаятравусса беседкартту. Шикку дия садикрал зузалтрал, оьрчIал ва нитти-буттал дурсса творчествалул давуртту, миллатирттал дукрарду. Ярмаркалийн бувкIун бия шяраваллил жямат, властьрал вакилтал...

Ларгсса хамискьини «Дагестан» РИА-лий, «Кавказ подо мною» тIисса федерал медиапроектрая балжину бусласи­сса пресс-конференция хьунни. Ваний гьуртту хьунни Дагъусттаннал Информациялул ва печатьрал агентствалул хъунаманал хъиривчу Рустам Жалаков, проектрай каялувшиву дуллалисса Мария Дудко, Ираннавасса фуд-блогер Ромина Багери ва республикалул туризмалул министрнал хъиривмур Анна Безрукова. Хъамаллурал бувсунни, личIи-личIисса билаятирттаясса блогертал Ккавкказуллал республикарттайн цивппа бивну, щаллагу дунияллухь Ккавкказуллал халкьуннал...

ЦIуссалакрал райондалул администрациялий хьунни хасъсса аьралий операциялий жан дуллусса ДучIиннал шяравасса Цикимуслим МахIаммадовлул награда гъанчунахьхьун дуллалисса батIаву. Аьралий бурж бартбигьлай ккаккан дурсса чувшиврухлу Цикимуслим лайкь хьуну ур Къучагъшиврул ордендалун. Орден дуллунни ванал кулпатрахьхьун. Мероприятиялий гьуртту хьунни ЦIуссалакрал райондалул бакIчи МаматIи ХIамзатов, Хасавюрт шагьрулул, Хасавюртуллал ва ЦIуссалакрал районнал цачIусса аьралий комиссариатрал вакилтал, кулпат, оьрчIру, мачча-гъанми. Хьунни...

Июньдалул 3-нний Дагъусттан Республикалул Культуралул министерствалий хьунни фольклорданул ва аслийсса культуралул «Горцы» фестивальданул хьунийнсса пресс-конференция. Дунияллул халкьуннал дянивсса ва фестиваль жучIара кьуния шамилчинни хьунтIисса. Ванил хIакъираву гьарта-гьарзану бувсунни Дагъусттаннал культуралул министрнал хъиривмур, Республикалул Халкьуннал творчествалул къатлул директор Марита МухIадовал. ХХIII «Горцы» фестиваль дикIантIиссар июньдалул 11-нния 16-ннийн дияннин. Ва дуллалиссар Дагъусттан Республикалул бакIчинал ва ХIукуматрал, Аьрасатнал...