МахIачкъалаллал «Динамолул» пресс-службалул ларгсса бигьалагай кьини баян бунни Кьурбан Бердыев хъунама тренерну ивтшиву. Ваналгу бувсунни цала клубрал каялувшиву дуван циван бакIрайнласу бувссарив. – МахIачкъалаллал «Динамо» – агьамсса проектри, ттул гьанумур мурадгу «Динамо» премьер-лигалувун дуккан давур. Укунсса масъала клубрал хьхьичIун лавсун буссар, захIматсса масъалари, амма ццах бутансса цичIав бакъархха, зунтIиссару, – тIий ур цIусса тренер. Аьрасатнал...
Къизлардал шагьрулий «Авиценна» клиникалий зузисса жула лаккучув, неврологиялул хьхьичIунсса специалист, Ссухъиящиял шяраватусса Загьидинал арс Шахбанов ХIамзатлун дуллунни «Народное мнение» тIисса регионал фондрал чулухасса «Халкьуннал Виричув» тIисса цIа, Мусил цIукугу хъиривсса. ДукIусса 2022-кусса шинал ХIамзатлул хIалал дурссия «Невролог года» тIисса цIагу. Цала даврил гьунар ххисса пишакар, уздансса багьу-бизулул заллу, Загьидинал арс ХIамзатлун дуллусса бусравсса цIардугу барча...
Вай гьантрай къуртал хьунни хъинну хъуннасса конкурс дусса Москавуллал Олег Табаковлул театрданул школалийн выпускниктал кьамул буллалисса кампания. Щалагу билаятраясса 4 азаруннийн бияннинсса инсантурал аьрзарду буллусса конкурсрал хIасиллу дурну, школалийн кьамул унни яла лавайми баллу лавсъсса 26 оьрчI. Миннавух ия Ккурккуллал шяравасса Тамилал арс Шустов Арслан (Лев) Александровичгу. Арслан чIивинийва ия гьунар бусса, итххявхсса оьрчI. Дуклакисса...
Дагъусттаннал паччахIлугърал университетраву дуклакисса шиннардий 553 выпускникнал бувсса хъунмасса захIматрал хIасилну хьунни вайннал лавсъсса ЯтIул дипломру. Вай гьантрай вай дипломру цалва-цалва заллухъруннахьхьун шадлугърай даражалий буллалисса батIаву хьуна ДГУ-раву. Университетрал фойеравун буххайхтура щуркIал хъанай дия ва кьинилул агьамшиву – шикку рурцуну бия Дагъусттаннал паччахIлугърал Т. Мурадовлул цIанийсса филармониялул камерный оркестр. Шадлугъ цурдарив дайдирхьуна Аьрасатнал Федерациялул гимнрая...
Июльданул мяйлчинмур кьини Аьрасатнаву кIицI лагай Кулпатрал, ччаврил ва дакIру тIайлашиврул кьини хIисаврай. Ва байрандалуцIун бавхIуну Дагъусттаннайгу барча бувай чIярусса шиннардий бавкьуну, нахIуну яхъанахъисса, агьалинаву хIурмат багьанну занакьулу хъанахъисса хьхьичIунсса кулпатру. Аьдатрайсса ХIурматрал грамотартту, кIяла тIутIал кацIру булай, барчаллагьрайсса махъру увкуну, ххари бувай. Республикалул захIматрал ва социал иширттал министр М. Казиевлул цIанияту барча бувминнавух бур...
Махъ ливчIунни Махъва-махъсса гюнгутIигу, нину-ппу ва оьрчIру вас-ццахлий бивкIсса ПаччахIлугърал Цасса Экзаменнугу. Гьашину Дагъусттаннай ЕГЭ дуллуссар 11 азарунния ливчусса выпускниктурал. Вайннава яла лахъсса баллу лавсъссар 29 оьрчIал. Дагъусттаннал школарттал 1600-нния ливчусса выпускниктурал ЕГЭ-рай лавсъссар 200-нния 300-ннийн биянсса баллу. Ца душ тIурча, кIийлва хьуссар «стобалльница». ПаччахIлугърал экзаменну дуллай бивкIссар 64 пунктрай, вай дулаврил ялув зий ивкIссар...
Июньдалул 29-нний ГьунчIукьатIрал школалий 11-мур ва 9-мур классру къуртал бувсса оьрчIан буллунни аттестатру. Лавайсса кьиматирттащалсса аттестат ва мусил медаль ларсунни МахIаммадлул душ Аймисай Сулаймановал. Аймисай бур итххявхсса, дуккаврил гьунар бусса, гьарица чулухасса кIулшивуртту дусса душ. Школалий дуклакисса 11-гу шинал лажиндарай ва цалагу дарсирдайн хIадур къавхьуну бувкIун бакъар. Аймисай мудангу гьуртту шайсса бивкIун бур школалул, райондалул,...
Наркотикирттаясса нигьачIаврия кIулну бикIаву, му чулуха цайминнал биялдарайн къалагаву мурадрай ЦIуссалакрал райондалул КЦСОН-лул отделениялий хьунни «Наркотикру бакъасса оьрму» цIанилусса мероприятие. Ванил гьурттучитурахь бувккунни наркоманиялия биллалисса зараллаясса лекцияртту, ххал бивгьунни оьрмулувасса ишру. ХIадур дурну, отделениялийминнайх дарчIунни балугъравун къабивминнансса памяткартту. ОьрчIал ккаккан дунни цала кIулшивуртту. Мероприятиялул лагрулий хьунни спортрал тIуркIурду. ОьрчIан дуллунни дакIний личIансса бахшишру, дарчIунни нацIу-кьацIу.
Дагъусттаннал халкьуннал шаэр Расул ХIамзатовлун 100 шин шаврин хасну, «Школа безопасности» программалул лагрулий Казбековуллал райондалийсса Дылым шяраваллия арх дакъасса Туристътурал кьанив хьунни Республикалул туристътурал ва краеведтурал 67-сса слет. Ва сакин дурну дия Казбековуллал райондалул администрациялул ва Гьунарду итххяххан баврил «Альтаир» тIисса центрданул зузалтрал. Мукьва гьантлий 13-нния 16 шинайн бияннинсса оьрмулувусса Дагъусттаннал школардал дуклаки оьрчIал ккаккан...
ЦIуссалакрал райондалий байбивхьунни «Газпром – детям» соцпроект щаллу дуллай. Ванил хIакъираву цIуминалийсса ТIюхчардал шяраву ДР-лул Газпромрал ва Спортрал министерстволул вакилтал хьунабавкьунни шяраваллил бакIчи Башир Алхулаевлущал. «Газпром – детям» проектрал лагрулий буллан дакIний бур социал объект – физкультуралул ва спортрал тIивтIусса майдан. ЦIуссалакрал райондалий проект байбишин бювхъунни Дагъусттаннал БакIчи Сергей Меликовлул Газпромращал дурсса кьутIилийну. КьутIи чирчуссия...
