Дагъусттаннал Халкьуннал Мажлисрал ирглийсса 43-мур сессиялий «Единая Россия» фракциялул депутат Узлипат ХIасановал миллатирттал мазурдил хIакъиравусса доклад бунни. Ванил кIицI лавгунни, шагьрурдайсса дуклаки оьрчIан бувагу ниттил мазру кIулну бакъашиву, 20-25 шиннава вайннал оьрчIаягу ниттил мазурдия бувагу хавар бакъасса ник хьунтIишиву, тагьар мяйжаннугу нигь дутлатисса душиву. Ванил маслихIат бунни республикалий дуван агьали ниттил мазурдил словарьдал ва луттирдал...

ЦIуссалакрал райондалиясса хасъсса аьралий операциялул гьурттучи Рафик Сулайманов хьунни «Сможем победить» тIисса хъинбала-хъиншивуртту даврил Щалагу Аьрасатнал премиялул лауреат. «Аргументы недели» кказитрал сипталийсса «Сможем победить» премиялул сакиншиннарал комитетрал цинявппа рязину хIукму бунни «Вместе с народом – служение во благо» номинациялий премия дулун Гьамиящиял шяравасса хасъсса аьралий операциялул гьурттучи, райондалул Культуралул управлениялул артист, Гьамиящиял школалул учитель Рафик...

Вай гьантрай, Буттал кIанттул цIа­нийсса Хъунмасса дяъвилий Ххувшаву ларсун 80 шин шаврин хасну, ЦIуссалакрал шяраву хьунни машинарттай байрандалул лишанну лачIлачIисса акция. Райондалул администрациялул кабакьулийну ва сакин дурну дия Культуралул управлениялул зузалтрал. Ххувшаврил волонтертурал управлениялул методист АхIмадин ХIасанхIу­сайновлущал ларчIунни байрандалул лишанну 100-нния ливчусса машинарттай: жяматийсса ва хасъсса транспортрай. КIицI лаган, ЦIуссалакрал райондалул шяраваллаву цIанагу най дур...

Дагъусттаннал Росгвардиялул управлениялий хьунни Нацгвардиялул аьралуннал къуллугъ сакин бувну 9 шин шаврин ва Ихтиярду ва низам дуруччайсса аьрал сакин хьуну 214 шин шаврин хас бувсса шадлугърал мажлис. Мероприятие дайдишин хьхьичI тIутIив дирхьунни къуллугърал бурж биттур буллай жанну дуллусса аьралитурал гьайкалдануцI, баян бунни минутIрайсса пахъ багьаву. Мажлисрай гьуртту хьунни Росгвардиялул региондалул управлениялул хъунаманан кIанайсса полковник Вадим...

Буттал кIанугу, щарнил агьлугу ххираминнан, щак бакъа, Ватангу ххирасса дикIай. Украиннал аьрщарай хасъсса аьралий операция байбивхьусса ппурттуву жула жагьилтурал исват бунни цивппа хIакьсса патриотътал бушиву. Аьрасатнал президент ­В. Путиннул билаятрал мура­дру буручча­врил цIаний хасъсса аьралий операция баян бай­хту, ЦIуссалакрал райондалия чIявусса жагьилтал лавгунни ­Аьрасатнал мюхчаншиву дуручлан. ХIакьинусса кьинигу аьралитал лайкьну бартбигьлай бур цайва бивхьусса буржру....

Март зурул 19-нний, централ телевидениялий, Цалчинмур кана­лданий цIусса хаварду бусласисса передачалий Москавуллал модалул нюжмарданиясса сюжет дайдирхьуна Дагъусттаннал дизайнер Майя Мамаевал «Бузма» коллекциялия ва ванищалсса кутIасса ихтилатрая. Ва иширавагума чIалай бия хьхьичI кьини Манежрайсса подиумрай «Бузмалуй» ябавцIушиву, модалул дунияллий цIакь хьушиву лакку «Бузма». Вай гьантрай щалла дунияллул модардал изданиярттал мяйжаннугу къулагъас дия Москавливсса модалул выставкалух. Зувиннийн...

Ттун Хъювхъиял шяравасса МахIаммадал душ Шагьун ­Гъазиева хьхьичIава кIулссия. Шиная шинайн тIиссакссагу, ванищалсса интернетравухчIинсса дахIаву цIакь хъанай дия. Тани Москавлив, утти – кьатIаллил билаятрай яхъанахъисса ­Шагьуннул лакрал литературалух хъуннасса къулагъас дуну тIий. Хъинну ххуйну лакку мазрай чичайсса буну тIий. Ялу-ялун ниттил мазрай буккин-чичин кIулми чан хъанахъисса заманнай, ттун тIааьнну бикIай ванищал ниттил мазрай лакрал тарихрая,...

Тарихчи ПатIимат Тахнаевал Фейсбукрайсса (Аьрасатнаву къадагъасса сеть) укунсса пост бур: «Немецнал мусапирнал фотоальбомрай хаварбакъулий бакIрайн дагьунни чIавасса Аминат Инковал, имам Шамиллул найп ИнкIав-хIажинал (ЧIухъ) внучкал сурат. Суратрайсса ва ккупIаснал душри. Яла ва щар хьунтIиссар цила шяравучу Муртузааьли Дебировлун. Вамур суратрай вай щалва кулпатращал Гъумук бур. Аьлил арс Муртузааьли Дебиров (1883-1949 ш.ш.) профессионал медициналул пишакартурал республикалиясса...

Гьарца шинах, аьдатравун дагьсса куццуй, мартрал 21-нний Ваччиял шяраву лахъа-хъунну кIицI лагай Интнил хьхьу. Байрандалущал жямат барча буллалисса ихтилат бунни Ккуллал райондалул администрациялул бакIчинал хъиривчу Анатолий Давдиевлул. Буттал буттахъая шихуннай нанисса жула байраннугу, аьдат-эбадатругу щархъай лавайсса даражалий дуручлай бушиврул барашинна дунни ва байрандалул. Интнил хьхьу хьунадакьин цачIун бавтIун бия райондалул шяраваллавасса фольклордал коллективрду. Бакъахьунссия шяраву...