Вай гьантрай, Буттал кIанттул цIанийсса Хъунмасса дяъвилий Ххувшаву ларсун 80 шин шаврин хасну, ЦIуссалакрал шяраву хьунни машинарттай байрандалул лишанну лачIлачIисса акция. Райондалул администрациялул кабакьулийну ва сакин дурну дия Культуралул управлениялул зузалтрал.
Ххувшаврил волонтертурал управлениялул методист АхIмадин ХIасанхIусайновлущал ларчIунни байрандалул лишанну 100-нния ливчусса машинарттай: жяматийсса ва хасъсса транспортрай.
КIицI лаган, ЦIуссалакрал райондалул шяраваллаву цIанагу най дур личIи-личIисса идарарттал къатрал чIирттай баннерду лачIлачIисса давуртту. Му бакъассагу, жяматийсса кIанттурдай дуллай бур марцIшиву. Байрандалул лишанну лачIлай, жува ккаккан буллалиссару Ватан дуручлай бивкIсса жула ттаттахъул, миннал чувшиву жунна мудан дакIний дикIантIишиву.
Андриана Аьбдуллаева
