ЦIуссалакрал райондалиясса хасъсса аьралий операциялул гьурттучи Рафик Сулайманов хьунни «Сможем победить» тIисса хъинбала-хъиншивуртту даврил Щалагу Аьрасатнал премиялул лауреат.

«Аргументы недели» кказитрал сипталийсса «Сможем победить» премиялул сакиншиннарал комитетрал цинявппа рязину хIукму бунни «Вместе с народом – служение во благо» номинациялий премия дулун Гьамиящиял шяравасса хасъсса аьралий операциялул гьурттучи, райондалул Культуралул управлениялул артист, Гьамиящиял школалул учитель Рафик Сулаймановлун.
– Волонтер хIисаврай ина дуллалисса давурттал, вил граждан позициялул, вила гужгу, чIунгу хъиншиву-хъинбаларттан харж бан хIадуршиврул дакI ххари дуллай дур, – тIий чивчуну бур Рафиклуйн премия ласун оьвтIисса чагъарданий.
Лауреатътуран наградартту дуллунни март зурул 26-нний Аьрасатнал Жяматийсса палаталуву. Мероприятиялул лагрулий Рафиклул увкунни Олег Газмановлул «ХIаписартал» тIисса балай. Ванал балай тIисса чIумал залданувуми бавцIуну архIал тIий бия.
КIицI лаган, «Сможем вместе победить» тIисса акция аьдатравун дагьну 10-нния лирчусса шинну хьуну дур.
Андриана Аьбдуллаева