Вай гьантрай Беларусьнал Минск шагьрулий хьунни шамийла олимпий чемпион Александр Медведьлул аьпа абад баврин хас дурсса лачIун буккаврил дунияллул халкьуннал дянивсса 55-мур турнир. Муний Дагъусттаннал цачIундур командалул дурххунни арулла медаль: 2 мусил, 2 арцул ва 3 чарвитул. Турнирданий ххув хьунни ХIажимурад ХIажиев (74 кило), Аьлихан Жабраилов (97 кило). Арцул медальлу ларсунни ХIамзат ХIасановлул (92 кило),...
Февральданул 23-нний Ккуллал райондалул Культуралул къатлуву хьунни Ватан дуруччул байрандалун ва Аьрасатнал Халкьуннал цашиврул шинан хас дурсса шадлугърал мероприятие. Шадлугърал мажлис тIитIлай, ихтилат бунни Ккуллал райондалул бакIчинал бигарду чIумуйну биттур буллалисса Ажуб ХIусмановлул. – ХIакьину жува кIицI лаглай буру Ватан дуруччул байрандалул кьинигу, Аьрасатнал Халкьуннал цашиврул шин дайдишавугу. Халкьуннал цашиврул байран – му хъанай дур...
Лакрал райондалул бакIчи Зураб Куччаев цала хъиривчу Малик ХIусмановлущал ва администрациялул зузалтращал дучрай ивунни гужсса буран сававну чани бакъа лирчIсса НицIавкIуллал, ДучIиннал ва Маркьиял шяраваллавун. Шикку вайннан лявкъунни, энергетиктал бучIаннин къабавцIуну, шяраваллил чиваркI тталлу бишин къувирду дуклай байбивхьуну. КIанттул жямат дакIнийхтуну барчаллагьрай ливчIунни райондалул бакIчинайн ва ванащал бувкIминнайн. Муния махъ администрациялул делегация хьунабавкьунни кIанттул агьалинащал,...
Дагъусттаннал паччахIлугърал университетрал юридический факультетраву хьунни юридический элмурдал доктор, профессор, Аьрасатнал элмурдал бусравсса ишккакку, Хъурхърал шяраватусса Астемиров Зайнуттин Астемирдул арс дунияллийн увккун 100 шин бартлагаврин хас дурсса щалагу Аьрасатнал элмийсса конференция. Ваний ххал бигьлай бия уголовный жаваблувшиндарайн ва танмихIрайн кIункIу баврил ттизаманнул буруккинтту. Мероприятиялий гьуртту хьунни Аьрасатнал регионнаясса паччахIлугърал властьрал органнал, элмийсса ккураннал ва судрал...
Ватан дуруччул кьинилул хьунийн Дагъусттаннал паччахIлугърал халкьуннал хозяйствалул университетраву хьунни хасъсса аьралий операциялул гьурттучи, азаруннийн бивсса аьралийтурал оьрмурду ххассал бувсса хирург, медициналул къуллугърал лейтенант Давид Учуевлущалсса хьунабакьаву. Студентътал мукIру хьунни Давид, анжагъ, цIараву щавурду дирминнан цалчинсса кумаг буллалисса хIакин акъасса, захIматсса тагьардануву аьралийтуран цанмагу, цала чIаравминнал оьрмурду ххассал бан лахьхьин буллалисса насихIатчи ушиву. «Дяъвилул шартIирдаву...
Январь зурул 23-нния февраль зурул 8-ннийн бияннин Москавлив Гостиный двордануву шадлугърал тагьарданий дия выставка «Уникальная Россия». Аьрасатнал халкьуннал авадансса ва личIи-личIисса культура ккаккиялун дирхьусса, чил билаятирттаясса чIявусса хъамалгу бусса ва агьамсса мероприятиялий гьуртту хьуну бур 78 региондалиясса вакилтал. Дагъусттаннал вакилтуравух форумрай бия лакгу: ссурвал ПатIимат ва Маисат ХIаммадовахъул, арцу-мусил чIюлушиннардал дизайнер Бэти Оьмаровагу. Дия жагьилсса...
ЦIуссалакрал райондалий лахъа-хъунну кIицI дунни ниттил мазрал байран. Школардай ва оьрчIал багъирдаву хьунни Ниттил мазрал кьинилун хас дурсса шадлугърал мероприятияртту. Укунсса мероприятиярттайну оьрчIан хъиннува асар шай цала маз, миллатрал культуралул ирс буруччин аьркиншиву, ниттил мазрал личIи-личIисса никирттал дахIаву цIакь дан кумаг байшиву. Учительтал ва тарбиячитал ххуйну хIадур хьуну бия байрандалийн. Ччянира дурну дия мероприятиялул сценарий....
«Илчилул» махъсса кIива номерданий рирщуну дур «Лакку мазрал алфавит ва чичрулул кьяйдарду» тIисса проект. Андриана Аьбдуллаевал кутIасса мукъува («Кьамул дантIий бур лакку мазрал орфографиялул правиларттал цIусса проект») бувчIлай бакъар, му проект щиллив кьамул дантIисса, буссарив орфографиялул комиссия, цу ухлахиссарив му комиссиялувун. Циван аьркин хьуссарив цIана, гьапIран бивзун, орфографиялул правилартту даххана дуллан. Цукун бавхIуну буссарив ми...
Февраль зурул 17-нний ЦIуминалийсса АхIмад Давдиевлул цIанийсса ТIюхчардал 1-мур школалий хьунни Ниттил мазрал кьинилун хас дурсса ва Аьрасатнал Халкьуннал цашиврул шин тIитIлатIисса шадлугърал мероприятие. Байрандалун лавхьхьуну чIюлу бувну бия школалул зал. ЧIирттайн лархъун дия лакрал чичултрал ва шаэртурал суратру, тIиртIуну дия миннал луттирдал выставка. Ккаккиялун дирхьуну дия нукIурасса, жула халкьуннал ишла дуллай бивкIсса тIахIникIичIу ва...
Ларгсса нюжмардий Дагъусттан Республикалул ХIукуматрал ирглийсса батIаву хьунни. Шикку хьунни жулла республикалий «Пушкинская карта» тIисса цIанилусса федеральный проект иширайну щаллу даврин хас бувсса ихтилатру. Дагъусттан Республикалул ХIукуматрал председатель Аьбдулмуслим Аьбдулмуслимовлул дакIнин бувтунни, билаятрал президент Владимир Путиннул хIукмулийн бувну, 2021-ку шиная шийннай жулва билаятрай зий душиву «Пушкинская карта» тIисса цIанилусса программа, ванийн бувну жагьилтураща уква музейрдавун,...
