ЦIуссалакрал райондалул школардай ккаккан дунни «Анатомия подвига. Полицейские истории» тIисса документал ва художествалул фильм. Укунсса документал фильмру ккаккан даврил мурад бур виваллил иширттал органнавусса къуллугърал сий гьаз даву, дуклаки оьрчIру му пишалийн кIункIу баву, жагьилтал ватан ххирану, чувшиву дуну тарбия баву. «Полицейские истории» – вай бур Аьрасатнал виваллил иширттал органнал зузалтрал мяйжаннугу ккаккан дурсса чувшиврия...

Ларгсса нюжмардий МахIачкъалалив хьунни ­оьруснал культуралул ­Республикалул байран «Масленица». Ва кьини Оьруснал театрданул хьхьичIсса майдан оьрчIи-чIюлу бувну бия республикалул циняв шагьрурдая ва цаппарасса районная бувкIсса творчествалул коллективирттал. Республикалул хъуншагьрулул кIичIиртту лавсун най бия ва байрандалуцIунсса музыкалул ва балайрдал чIурдал. Архнияра ришлай дия цIуну шавхьсса ххюлтIурдал кьанкьгу. Туну, ци масленицар дикIайсса ххюлтIурду бакъасса. Ва шадлугъ хIадур...

Вай гьантрай Дагъусттаннал Шяраваллил хозяйствалул министерствалул бунни ппиринж бугьаву лядуккан даврил масъалартту ххал бигьаврин хасъсса республикалул семинар-совещание. Мероприятие хьунни Къизлардал райондалул администрациялул къатраву. Ваний гьуртту хьунни ДР-лул шяраваллил хозяйствалул министрнал цалчинма хъиривчу Шарип Шарипов, Ппиринжрал элмийсса федерал центрданул директор Сергей Гаркуша, ДР-лул Федерал аграрий центрданул директорнал чIумуйсса кIанайма Нариман Ниъматуллаев, Дагмелиоводхозрал директорнал цалчинма хъиривчу Бигиш...

Ва суратрайсса аьнтIикIа чIявуминнан бувчIуссар. Соцсетирдаву, лакрал группардаву ссихьу кунмасса чIивидушний якъабавцIусса, ванил лакку мазрай пасихIну ккалаккисса назмугу, ххуйсса такьвалий увкусса лакку балайгу къабювхсса акъахьунссар. Ва Миясат Раджабовар, КIувратусса Аьбдуссамадлул ва Хьуриясса Шагьсаланнул душ. Миясатлун ххюра шин дур. Ялапар хъанай бур КIуврав. Ванил ниттил нину Аьйшат Бариева Хьурттал школалий ингилис мазрал дарсру дихьлай бур. Ва...

Ккуллал райондалул администрациялул къатраву хьунни хасъсса аьралий операциялул гьурттучи МахIаммад Кусаевлул нитти-буттащалсса хьунабакьаву. Шикку гьуртту хьунни Ккуллал райондалул администрациялул бакIчинал бигарду биттур буллалисса Ажуб ХIусманов, Лакрал ва Ккуллал районнал аьралий комиссар Аьли ГъазимахIаммадов, СВО-лул Ветерантурал ассоциациялул председатель, Ккуллал райондалийсса «Память гор» жяматийсса ккурандалул вакил Нураттин Рамазанов. Аьрасатнал президентнал ХIукмулийн бувну, аьралий бигарду биттур буллай ккаккан...

Ватан дуруччул байрандалул гьантрай ЦIуссалакрал райондалул ДучIиннал 2-мур школалий хьунни шяравасса аьралий ишир­ттаву гьуртту хьуминнащалсса хьунабакьаву. Бусравсса хъамаллуравух бия хасъсса аьралий операциялия зана хьусса Джанарслан Закаев, Германнаву къуллугъ буллай бивкIсса совет аьралуннал ветеран АхIмад Мамаев. Вайннал бувсунни дуклаки оьрчIахь цала къуллугърая, ярагъунния, саллатIнал оьрмулия, жавабру дуллунни миннал суаллахьхьун. ОьрчIан хаснува асар хьунни аьралийтурал цивппа оьрчIаясса...

Ниттил мазурдил кьини шадлугърал тагьарданий кIицI ларгунни ДГУ-лул филологиялул факультетрай. Оьрус ва дагъусттан мазру лахьхьин буллалисса отделениялий преподавательталгу, студентъталгу бувккунни микрофондалучIан миллатирттал шаэртурал назмурду бюхттулну дуккин. ЧIявуми студентътал цивппагу миллатирттал лаххиялуву бия, унгу-унгунусса байрандалул хIахI бия. Филологиялул деканнал къуллугъ чIумуйну бартбигьлагьисса Эльмира Ширвановал кIицI лавгунни, ДГУ-лул филфак мудангу миллатирттал мазру ябуллалисса ца цIакьсса кюру бивкIшиву...

Ниттил мазрал кьинилун хасну Гъумук Центральный библиотекалий хьунни «Лакку маз – миллатрал ттарцIри» тIисса цIанилусса шадлугъ. Ва хIадур дурну дия библиотекарь ПатIимат ЛухIуевал. Ванил бувсунни ниттил мазрал инсаннал оьрмулуву цукун­сса кIану бугьлай буссарив, цуксса агьамшиву дуссарив ниттил маз кIулну бикIаврил ва буру­ччаврил. ДакIнин бувтунни мазрал грамматикалуцIун бавхIусса лахIзарду, лакрал цалчинсса грамматика сакин дурсса этнограф ва...

Ларгсса нюжмардий «Дагъусттан» РИА-лий хьунни «Живой карандаш. Живые улицы» тIисса арт-проектрал каялувчи ХIамид Аьлибековлущалсса хьунабакьаву. ХIамид цалла командалущал архIал зий ур оьрчIру мюрщиниява ватан ххирану тарбия шаву мурадрай дуллалисса мультфильмрдансса комиксырдаха. Ва проектрал лагрулий кIичIирттал цIарду чирчусса кIанттай бикIантIий бур QR-кодру, ччиманаща, цалла телефон ва кодрах дурган дурну, га кIичIираваллин дирзсса цIанил залуннал оьрмулия бусласисса...

Ватан дуруччул байрандалул гьантрай ЦIуссалакрал райондалийсса Шушиннал школалул 8-мур классрал дуклаки оьрчIал чивчунни хасъсса аьралий операциялийсса аьралийтурачIан бю­ххансса чагъарду. Вайннал бувсунни аьралийтурайн хъуннасса вихшала душиву, миннал чувшиву цанна эбратну хъанахъишиву ва хъунмасса умуд бушиву ми цIуллуну, сагъну, ххувшаврищал зана хьуншиврийн. Дуклаки оьрчIал барчаллагь увкунни цала паракьатшиврул цIаний цIарал хьхьичI бавцIусса къучагътурахь. ДакI дачIлай, кIибавчIунни миннащал...