Октябрьданул 29-нний, Ккуллал райондалий Хъусращиял шяраву, бусравсса хъамалгу бавтIун, лахъа-хъунсса даражалий Ватандалул мурадру буручлай бивкIсса вирттаврал аьпа абад буллалисса мажлис хьунни. Тахакьа АхIмадовлул цIанийсса Хъусращиял школалул чIирайн лархъунни хасъсса аьралий операциялий къучагъшиврий жанну дуллусса МахIаммад-Мирзал арс Рашид Оьмаевлул ва МахIадлул арс Кьурбан Кьурбановлул аьпа абад буллалисса мармарчарил ултти. Шикку гьуртту хьун бувкIун бия Ккуллал...
Дагъусттаннал культуралул ва мазурдил кьини ниттил мазрайсса диктантру чирчунни республикалул школардайгу. Лакку мазрайсса диктантру чирчунни Ккуллал райондалул школардайгу. Ваччиял школалий, масалдаран, 50-нниха ливчусса инсантурал чирчунни. Цалчинмур ЦIувкIуллал школалийгу дуклаки оьрчIащал архIал чирчунни нитти-буттахъалгу. – Ва Дагъусттаннал культуралул ва мазурдил кьини духьувкун, жу диктант чичлай байбишиннин бусарду ва кьинилул тарихрая. На кунма цайми учительтуралгу бувсунни жулва...
Нюжмаркьини, сентябрь зурул 27-нний, ЦIийшиял шяраву хьунни Аьрасатнал Виричув Фархад Худайнатов дакIнин утлатисса мажлис. Ва кьини ЦIийшиял школалий тIитIлай бия хасъсса аьралий операциялий къучагъшиврий жан дуллусса Фархадлул аьпа абад буллалисса мармарчарил ула. Мажлисрай гьуртту хьун бувкIун бия Ккуллал райондалул бакIчи Шамил Рамазанов, Ккуллал ва Лакрал районнал администрациярттал вакилтал, райондалул школардал директортал ва учительтал, Виричувнал гъан-маччами....
Сентябрь зурул дайдихьулий ЧIяйннал Магьирлугърал къатрал хъунмур СалихIат Алхасовал цалчин дуллалисса мероприятие хас дурну дия Дагъусттаннайн ярагъуннищал ххярхсса къачагътурал кьюкьри ххит дурну 25 шин шаврин. Мероприятиялий гьуртту хьуна дуклаки оьрчIру. СалихIат Алхасовал оьрчIахь балжину бувсуна ЦIуссалакрал райондалийн дунияллул террористътал ххявхсса ппурттуву, цалва оьрмурдан нигьачIаву дунура, къучагъну талай бивкIсса ЦIуссалакрал РОВД-лул зузалтрая. КIицI лавгуна къуллугърал бурж...
Уттигъанну ттун, жагьилсса оьрмулий ахиратрахьхьун лавгсса, ттунагу гъансса жагьилнах жижара буван, гьан багьуна Дарбантлив. СсукIурай щяивкIун ттул хьуна шанна кьини. Жунма кIуллихха, мукун щябивкIсса чIумал инсантурал дянив личIи-личIисса ихтилатру бачайшиву. На Лаккуяту увкIсса ухьувкун, ттухьхьун буллалисса суаллугу чансса бакъая. На ссаха зий уссаривгу цIуххаву дуллай бия. На акъа, шикку шярава увкIсса цама инсангу акъая. Вайми...
Совет хIукумат дишиннин Гъази-Гъумучиял округрай ва Аьштти-Ккуллал махIлалий зий ивкIун ур увагу 1 хIакин ва 3-4 фельдшер. Ккулату хьуну дур хIакинтурал 13 династия: 1.Кьумавхъул 2.Аьликишихъул 3.Къаннахъул 4.Кьурбидахъул 5.Оьргъюхъул 6.ХупIухъул 7.Мурачухъул 8.Бархху Аьвдулхъул 9.Жамал Разухъул 10.Яркьихъул 11.Буржунхъул 12.Суховхъул 13.Айдамирхъул Совет хIукумат дишиннин Гъази-Гъумучиял округрай ва Аьштти-Ккуллал махIлалий зий ивкIун ур увагу 1 хIакин ва 3-4 фельдшер....
Вай гьантрай Ккурккуллал школалий хьунни шадлугърал мажлис – школа къуртал буллалисса оьрчIал ва душваврал выпускной бал. Кьинилун лавхьхьуну чIюлу бувсса школалул залданувун бавтIун бия тIутIал кацIурдищалсса выпускниктал, нину-ппу, учительтал. Школа къуртал буллалиминнан тIайлабацIу чIа учин бувкIун бия хьхьичIва школа къуртал бувмигу. Цуксса хIайпнугу, шяраваллал школардай выпускниктал шиная шинайн чан хъанай бур. Гьашину Ккурккуллал школалий 11...
Украиннаву хасъсса аьралий операция байбивхьуния шийнмай лакрал щархъава чIявусса жагьилтал лавгунни Ватандалул мурадру буручлан. Зунттал вирттал хIакьинусса кьинигу кьянкьану бартбигьлай бур Ватандалул цайва бивхьусса аьралий буржру. Вайннал чIарав мудангу, дакIцIуцIаву дуллай, ххаришивугу, пашманшивугу кIидачIлай, бур гъан-маччами, лакрал щархъал жяматру. Уттигъанну ТIаннул ЦIувкIуллал (2-мур ЦIувкIуллал) шяраваллил душваврал, цачIун хьуну, Запорожскаллал областьрайсса жулва аьралитурачIан кумаг биян бувансса...
Вай гьантрай 1-мур ЦIувкIуллал школалий хьунни Лакрал чичултрал секциялул каялувчи, Дагъусттаннал культуралул лайкь хьусса зузала Супиян Оьмаровлущалсса хьунабакьаву. Супияннул бувсуна цукунсса хIадуршинна дуллай буссарив халкьуннал шаэр Сулайман Стальскийл ва литературалул классик, шаэр, таржумачи Апанни Къапиевлул юбилейрду лайкьсса даражалий хьунадакьиншиврул, бувсуна лакралми чичултрал юбилейрдахагу зий бушиву. Цува ЦIувкIуллал школалий дуклай ивкIсса чIуннугу дакIнин дирчуну, бувккуна цалва...
Лакрал райондалул бакIчи Юсуп МахIаммадов «Дагсвязьинвест» компаниялул вакил ХIажикьурбан Алхулаевлущал ялтту увккунни цIуну дуллалисса детсадрал къатрал. 120 оьрчIансса ттизаманнул тIалавшиннардацIун даркьусса ххаллилсса къатри Гъумук дацIан дурунни кутIасса чIумул мутталий «Демография» тIисса Аьрасатнал миллатрал проектрал лагрулий. Шикку бур гьарта-гьарзасса, чаннасса музыкальный ва спортивный заллу, пищеблок, санузел. Халкьуннал кашилуцIух 1950-ку шиннардийра дурсса, дух хьусса, шартIру дакъасса къатрава мюрщулт чIал къавхьуну...
