Вай гьантрай Ккурккуллал школалий хьунни шадлугърал мажлис – школа къуртал буллалисса оьрчIал ва душваврал выпускной бал. Кьинилун лавхьхьуну чIюлу бувсса школалул залданувун бавтIун бия тIутIал кацIурдищалсса выпускниктал, нину-ппу, учительтал. Школа къуртал буллалиминнан тIайлабацIу чIа учин бувкIун бия хьхьичIва школа къуртал бувмигу. Цуксса хIайпнугу, шяраваллал школардай выпускниктал шиная шинайн чан хъанай бур. Гьашину Ккурккуллал школалий 11 класс къуртал бунни 3 оьрчIал, 9-мур класс – 6 оьрчIал.
Шадлугърал мажлис тIитIлай, ихтилат бувна школалул директор Кьурбан Гъужиевлул. Ванал чIа увкуна выпускниктуран тIайлабацIусса илкинсса ххуллу.
– ПаччахIлугърал экзаменнугу ххуйсса кьиматирттай дуллуну, зунма ччисса дуккаврил заведениярттавун бувххун ккакканнав. Зу лавсъсса гьарца ша тIайлабацIусса хьуннав, школалулгу, шяраваллилгу, райондалулгу цIа бюхттул дансса, зува бавцIусса кIанттай хIурматрайсса инсантал хьуннав зуяту. Жу мудангу зуй дакI цIий бикIантIиссару, школалул нузру зун мудан тIиртIуссар, – увкуна ванал. Выпускниктуран тIайлабацIу чIа тIисса ихтилатру бувна учительтурал Рукьижат Сулаймановал, Уммугьани Чупаловал, ПатIимат Магьдиевал.
Школалий ларсъсса кIулшивуртту оьрмулуву дучIи ляркъушиву бусласисса, учительтурахь барчаллагь тIисса, оьрчIан насихIатру буллалисса ихтилат бувна школалул выпускник, хIакин-оториноларинголог-хирург МахIаммадхан Магьдиевлул.
Выпускниктурал барчаллагь увкуна цала учительтурахь, буллуна миннан тIутIал кацIру.
Хъирив кьини Гъумук райондалул школардал выпускниктуращал Ккурккуллал оьрчIалгу шадлугърал даражалий лавсуна школа къуртал бувшиврул аттестатру. Аттестатру оьрчIахьхьун буллуна райондалул бакIчи Юсуп МахIаммадовлул. ОьрчIал оьрмулуву хъуннасса агьамшиву дусса, вай цIусса оьрмулувун, цIусса ххуллийн тIайла буклакисса иширащал барча бувна райо
Андриана Аьбдуллаева
