Тарихрал шачIанттайх Ттуршра шинал ххуллугу бивтун, оьрмулул шачIанттайх лавай хIакьинугу най бур Лакрал райондалул кказит «Ххяххабаргъ». ЧIярусса шинну хьунан чIявусса ккаккайсса кунма, цIанасса «Ххяххабургъингу» шанна цIанилу («ЗахIматчи», «ЦIусса ххуллу», «Ххяххабаргъ»), шаннайра журалул хIарпирдай (аьраб, латин, оьрус) буккан буллай, чIявусса тарихрал лахIзарду, чIунну, дахханашивуртту ккарккун дур. Граждан дяъви къуртал хьуну, Дагъусттаннай Совет власть дирхьуну 2-3 шин...
Бакуйсса жула Лакрал ккурандалул дурунни Азирбижаннал ца яла цIа дуркма спортсмен, Азирбижан Республикалул ххюйла чемпион Сулайман Набиевлул юбилей. Сулайман увссар Бакуй 1943 шинал, ванал нину-ппу, ПатIимат ва Билал Набиевхъул, Гьуйятуссар. Цаппара шиннардил хьхьичI на чивчуссия ва кулпатрая. Кулпат бия чIявусса оьрчI-бакI бусса – 4 уссу ва 1 ссу, кулпат бия хIал бавкьусса, хIалимсса. Нину-ппу сагъну...
Аьрасатнал байрандалул кьинилун хасну Дагъусттаннал БакIчи Сергей Меликовлул шадлугърал даражалий хIукуматрал наградартту дуллунни хьхьичIунсса ккаккияртту хьун дурсса дагъусттанлувтуран. Республикалул социал-экономика, культура ва искусство хьхьичIуннай давриву, халкьуннал дянивсса дусшиврул ва хIала-гьурттушиврул арарду цIакь давриву бивхьусса захIматран бюхттулсса кьимат бишлай, Дагъусттаннал культуралул зузалтрал профсоюзрал комитетрал председатель, политикалул элмурдал доктор, профессор Буттаева Марзижат АхIмадовнан дуллунни «За заслуги перед...
«Дагъусттаннал халкьуннал чичу» тIисса цIанин лайкь хьунни«ЦIубарз» журналданул редактор, филологиялул ва философиялул элмурдал доктор, профессор Хизри Ильясов. Ванал цIа Дагъусттаннал интеллигенциялун ххуйну кIулссар. Увну ур Хизри 1960-ку шинал Ппалассуннал шяраву. Мусил медальданий къуртал бувну бур К1амахъаллал къутандалийсса Сангардал дянивмур даражалул школа.1987-ку шинал къуртал бувну бур Москавуллал А.М.Горькийл цIанийсса Литературалул институт. Мунияр махъ ванал цала оьрму...
Карашрал шяраватусса МахIаммадлул арс Аьлиев МахIаммадхIажинан вай гьантрай бартлаглай дур оьрмулул 90 шин. Увну ур МахIаммадхIажи 1933-кусса шинал. Ва чIумал бувсса чIявусса цайминнал кунна, ваналмур оьрчIшивугу тIайла дарцIуну дур Хъун дяъвилул чIумул шиннардийн. ЗахIмат ххирасса ушивруцIун дуккаврил чулухагу иялну итххявхсса зунттал оьрчI сивсуну ва ччяни цала ччаннай цува авцIуну ур. Гъумук педучилище къуртал бувну махъ...
Июнь зурул 20-нний увну ур ххаллилсса педагог, ДР-лул лайкь хьусса учитель, АьФ-лул кIулшивуртту дулаврил отличник, Ваччиял шяравасса Асадуллагьлул арс МахIаммадхIажи Маккуев. МахIаммадхIажи оьрчIру тарбия баврил ва миннан кIулшивуртту дулаврил ххуллий хъунмасса захIмат бивхьусса учителли. Зувира шинай ва каялувшиву дуллай ивкIссар МахIачкъалаллал медициналул ва биологиялул 22-мур лицейрай. ЦIанасса чIумал ва ур Дагъусттаннал Педагогикалул ветерантурал советрал председатель....
Уттигъанну ЦIувкIуллал шагьрурдайсса ва шяраваллавусса жямат бавтIсса хьунабакьаврий гьаз бувсса масъаларттавух бия, циванни, ххуй-ххуйсса лухччив, уртту-щин дусса кIанай жула шяраваллил агьлу яхъанай бунува, цайми-цайми кIанттурдай дурсса накI, нис, барт машан ласласисса тIисса. Уттигъанну Ссугъращиял агрофирмалул хъунама АьбдурахIман Чураевлул цIусса продуктрал презентация дунни – яттил накIлия дурсса мороженое. Ванин цIагу «Лаконияр» увкунни. Лакращал дахIаву дуну тIий...
Аьрасатнал кьинилул байран хIисаврайсса шадлугъ хьунни 1-мур ЦIувкIуллал шяраваллил библиотекалуву. Ва кьини шивун бавтIун бия шяраваллил агьлугу, райондалийсса библиотекардал зузалтгу ЦБС-лул директор ПатIимат ХIажиаьлиева бакIчину. ЦIувкIуллал библиотекалул хъунмур Зульфия Кьурбанаьлиевал бувсунни райондалул библиотекарттал зузалтрал-семинар ЦIувкIрав танийра дувансса ният диркIшиву, шяраву цайми мероприятияртту духьувкун, миннул хьхьичIун къабагьну, гьамин ва байрандалул кьини дуван бавцIушиву. Ванил бувсунни ХIажиаьлиева...
Хушрай хасъсса аьралий операциялий гьуртту хьун ЦIуссалакрал райондалия лавгсса жагьилтал барча тIий бур республикалул ва райондалул жяматрахь Аьрасатнал кьини. – Ва агьамсса байрандалул кьини Ватандалул мурадру буручлай, жула бурж бартбигьлай буру жу. Ва дур цинявппагу жула халкь цачIун буллалисса, хъунмасса ва цIакь бусса Аьрасатнал билаятрал байран. ХIакьину жува циняв цачIун хьуну буру Донбасс буруччаврил, Украиннал...
ЦIуссалакрал райондалий хьунни Аьрасатнал кьинилун хас дурсса велопробег. Шикку гьуртту хьунни 20-нияхъайсса инсантал. Аьрасатнал ттугъругу бавхIуну, гьурттучитал левчунни ЦIуссалакрал шяраваллил паркрачIату. – Кьини ххуйсса, даркьусса дия. Ххуллу битан хъис захIмат къавхьунни. Жува циняв цачIу, ца мурадрай най бушиврулгу хъиннува гьавас бутлай бия, – тIий ур велопробеграл гьурттучи. Велопробеграл хъирив жагьилтурал дянив хьунни тIанкI учаврил, гиря...
