Уттигъанну ЦIувкIуллал шагьрурдайсса ва шяраваллавусса жямат бавтIсса хьунабакьаврий гьаз бувсса масъаларттавух бия, циванни, ххуй-ххуйсса лухччив, уртту-щин дусса кIанай жула шяраваллил агьлу яхъанай бунува, цайми-цайми кIанттурдай дурсса накI, нис, барт машан ласласисса тIисса.

Уттигъанну Ссугъращиял агрофирмалул хъунама АьбдурахIман Чураевлул цIусса продуктрал презентация дунни – яттил накIлия дурсса мороженое. Ванин цIагу «Лаконияр» увкунни.

Лакращал дахIаву дуну тIий ххай мабикIару. Дагъусттаннал ва французнал ятту мачча бувсса гьаннарал журар увкунни. Бувсунни ванал, мороженое итадакьаврил масштаб аьркинссаксса хьуншиврул, шинал лажиндарай ятту ттизлан­сса чаран лякъин дакIний бушивугу. Ва проектрая рязину, ккарччив дайл дуллалисса бур социал сетирдай. Бур, мяйжанссар, мороженое цурда риртун, дирикъаяйсса яттил нис дулларча агрофирмалунгу, агьалинангу мюнпат бикIанссия тIутIиссагу. Бакьинна вайннацIунгу. На хасну нара нажа-мажагь машан ласара гуржиял яттил нис, мигу, бакIрайн дагьарча. Ми цавай исвагьисса, лазилавкьу­сса бадрардаву дикIай, цурдагу ­аьгъу дакъа нис, брынза. КъакIулли буниялттунгу нахIуссарив ягу, дахханасса нис ччай, ттунна нахIу дизайссарив, миннул чIарах буккан къашай.

Шяраваллаву зий, захIмат буллалисса фермертураща кутак дуну хъит учин къахъанахъаврил сававмур жунна цинявннан дурчIлачIисса дур. БакIра-бакIрах цIухлай бивкIра лахьхьу-цархьхьу шяравун лавгсса кIанттурдай. Бакъар ризкьичитурацIун кабакьу буллалисса хъуни-хъунисса предпринимательтал, дакъар производство сантирайн дутансса каши, бакъар цIакь, дакъар къулайсса техника.

ПаччахIлугърал кумаграл хъирив циван къау­ккара учайхту, ттул шяравучунал тIива — Миксса чIявусса документру батIин аьркинну бикIай, ми справкарттал хъирив занай, чIунгу, нягу харж дуллайнияр, паракьатну кIива-шанма бярч ххишалану ябувну щяикIанна. Циксса чIярусса агрофирмарду, фермертурал хозяйстварду хIасул дурну дурив, муксса жунна къулайшинна дакъарив. Мунияту, ва кIану хIисавравун лавсун, хъудугьун хайр бакъахьувкун, бакъар жунмагу. Багьри ялавай багьайсса конкуренция гужсса дунири.
Цалсса жунма буван ливчIмур – «Лакониялул» тIин ххал бавур.