«Дагъусттаннал халкьуннал чичу» тIисса цIанин лайкь хьунни«ЦIубарз» журналданул редактор, филологиялул ва философиялул элмурдал доктор, профессор Хизри Ильясов. Ванал цIа Дагъусттаннал интеллигенциялун ххуйну кIулссар.
Увну ур Хизри 1960-ку шинал Ппалассуннал шяраву. Мусил медальданий къуртал бувну бур К1амахъаллал къутандалийсса Сангардал дянивмур даражалул школа.1987-ку шинал къуртал бувну бур Москавуллал А.М.Горькийл цIанийсса Литературалул институт.
Мунияр махъ ванал цала оьрму бавхIуну бур литературалул, редакциялул давурттацIун. ЦIанасса чIумал ва ур «ЦIубарз» журналданул редакторнугу, Дагъусттаннал луттирду итабакьай издательствалул редакторнугу. Мукуна ва дарсру дихьлай ур Дагъусттаннал педуниверситетравугу. Буккултран ххуйну кIулссар Хизрил итабавкьусса прозалул ва публицистикалул ацIвахъул луттирду.
ЗахIматрал, творчествалул ххуллий Хизри лайкь хьуну ур личIи-личIисса наградарттан, И.А. Буниннул ва А.С.Грибоедовлул медаллан, Имам Шамиллул фондрал медальданун, «Дагъусттаннал халкьуннал виричу» тIисса цIанин. Ва ур ДР-лул лайкь хьусса искусствалул ишккакку. Утти ванал наградарттаву ххи хьусса Дагъусттаннал халкьуннал чичу тIисса цIагу барча тIий, чIа тIий буру Хизри Ильясовлун творчествалул ххуллий хьхьичIуннайшивуртту ва тIайлабацIуртту!
