[dropcap]В[/dropcap]ай гьантрай ЦIуссалакрал райондалул школарттай хIасиллу дунни химиялул, литературалул, географиялул ва оьрус мазрал ЕГЭ-рдал. ЧIявуминнал вайннува дуллуну дия химиялулмур экзамен. Химиялул ЕГЭ дуллусса выпускниктурава 5-ннал лавсун бур лахъсса баллу. Химиялул ЕГЭ-лий 95 балл лавсун бур Чапаево шяраваллил 2-мур школалул дуклаки душ Сабина Давдиевал, 95 балл лавсун бур ЦIуссаккуллал 2-мур школалул дуклаки душ Шуанат Алхасовал, 90...
Гьашину МахIачкъалаллал №39 школа мусил медальданий къуртал бунни жула лаккуоьрчI ХIажиев Юсуп Зураблул арснал. Цалчинмур классрая шихунай Юсуп дуклай ивкIун ур лавайсса кьиматирттай. КIулшивуртту дусса, итххявхсса оьрчI гьан айсса ивкIун ур циняв дарсирдал олимпиадарттайн ва бугьайсса бивкIун бур хьхьичIунсса кIанттурду. Му бакъассагу, Юсуп чIивинияцIава спорт ххирасса, личIи-личIисса журардал спортрахун агьсса оьрчI ивкIун ур. Школалий дуклакисса...
Дуклаки оьрчIал 11 шинал лажиндарай бувсса захIмат вайннал лайкь бувсса марцIсса ххювардайсса аттестатирттал ва мусил медальлал тасттикь буллай бур. Гьашину мусил медальданий школа къуртал бувминнавасса ур ЧIурттащиял шяравасса Мирзал арс Амирхан МахIаммадов. Амирханнул къуртал бунни МахIачкъала шагьрулул 3-мур лицей. [dropcap]Ш[/dropcap]иву дуклакисса шиннардий Амирханнул, унгу-унгуну ЕГЭ-рдайн хIадур хъанай, дарсру лахьлай, хъунмасса захIмат бивхьунни. Хаснува 9-11-ми классирттаву,...
Дунияллул халкьуннал дянивсса фольклорданул ва аслийсса культуралул ХХI «Горцы» фестивальданий гьуртту хьун чил билаятирттая ва Аьрасатнал личIи-личIисса регионная бувкIсса хъамал июньдалул 4-нний ппив хьуна жулла республикалул шяраваллавух ва шагьрурдайх, шиккугу концертру ккаккан дуваншиврул. Укун, жулла республикалул муниципалитетирттал агьалинащагу бювхъуна фестивальданул гьурттучитал хьун, личIи-личIисса миллатирттал балайрдах вичIи дишин, къавтIавуртту ххал дуван, багьу-бизулущал кIул хьун. Ккуллал райондалий,...
«Горцы» фестиваль Вай махъсса гьантрай Дагъусттанная хьуну бия Аьрасатнал регионнал ва чил билаятирттал творчествалул коллективирттал дянивсса культуралул диалограл майдан – шикку най дия Дунияллул халкьуннал дянивсса фольклорданул ва аслийсса культуралул ХХI «Горцы» фестиваль. Ванил лагрулий жулла республикалул хъуншагьрулий ва махъсса муниципалитетирттай хьуна чIярусса шадлугъру. Вайннул дайдихьу дурсса «Каспий – дусшиврул зумарду» цIанилусса фестиваль хьуна МахIачкъалалив...
Ци зун аьркинссар, агана вила чулухуннай тIайладакъашиву дурсса, вила ихтиярду къадурурччусса иш хьурча? ХьхьичIва-хьхьичI, мугьлат бакъа баян бан аьркинссар полициялул органнайн. Мукунсса иширал хIакъиравусса аьрза чичин бучIиссар ччимур чIумал, МВД-лул кIанттул органнайн бувкIун; официал сайтирдайхчин; телефондалийн 102 номерданийн оьвкуну. Каних чивчусса аьрза булаву бакъассагу, бучIиссар оьвкуну бусангу. Аьрзри кьамул байссар хьхьу-кьини къаувкуну, виваллил иширттал кIанттул...
Уттигъанну Орел шагьрулий хьусса Аьрасатнал регионнаясса яла хьхьичIун ливчуми спортсментал гьуртту хьусса армрестлинграл чемпионатрай цалчинсса кIану бувгьунни жула лаккуоьрчIал, МахIаммадшяпинал арс Зураб ХIажиевлул. Зураблул армрестлинграл спортрахун агьну тамансса шинну хьуну дур. Армрестлинграл Республикалул ва Аьрасатнал даражалийсса чемпионатирттай гьуртту хьуну, ванал уттинингу ккаккан бувссар цува ва спортрал профессионал ушиву. Увну ур Зураб Хьурив 1994 шинал. Хъуна...
Вай ларгсса бигьалагай кьинирдай Шахьував Гъази-Гъумуча бувкIун бия имам МухIаммад Сулайманов бакIчисса чиваркI. БувкIунгу бия вай диндалул уссурвавран цIуну буллалисса мизитрал давурттаву кумаг баншиврул. Вайннавух бия лагма-щархъаясса имамталгу. Вайннал кумаг бунни мизитрал кIилчинмур зивулул чIиртту, минарет буллайна аьркин бантIисса чартту буххин, лавай гьаз буван. – Укунсса давурттавух гьуртту хьун шаву – ва Бюхттулсса Занная жуйнма...
Лаккуйгу ялу-ялун машгьур хъанай дунуккар мотоциклетру ссур дуллалисса спорт. На уттигъанну чивчуссия Щуну-Зунттул бакIрайн мотоциклетирттай гьаз хьусса ЦIувкIуллал жагьилтурая – Камил Маммаевлуя ва Мурадлуя. Вана уттигу ЧIурттащиял бизантту мотоциклетирттай мютIи бувсса цаймигу жагьилтал. – Июньдалул 29-нний, ЧIурттахьхьун лавгсса ппурттуву, ттунгу, Исмяил МахIаммадовлунгу хьунаавкьунни жула шяравучу, Аьбдуразакьлул арс Къушиев Заур. Ва мотоциклетрал экстремал спортрал мастер ур....
[dropcap]И[/dropcap]юньдалул 4-нний Ккуллал райондалий Ваччав хьунни фольклорданул ва аслийсса культуралул «Наследие» цIанилусса фестиваль. Ва сакин дурну дия Республикалул Халкьуннал творчествалул къатлул, Ккуллал райондалул администрациялул ва Культуралул ва бигьалагаврил центрданул. [dropcap]В[/dropcap]ирттаврал аллеялий райондалул 14-гу фольклорданул коллективрал тIивтIуну бия халкьуннал багьу-бизу, аьдатру ккаккан дуллалисса майданну. Фестивальданул бусравсса хъамалну бия Комитаслул цIанийсса Ереваннал консерваториялул ансамбль «Голоса Армении». Ва...
