Дагъусттаннал Журналистътурал союзрал цIусса правлениегу бувчIунни. Вайнна цIусса члентурал цIарду: Аьли­ханова Луиза, «Дагъусттан» ГТРК-рал директор; ХIамзатова Камила, «Дагъусттан» РГВК-рал гендиректор; Юсупов Арсен, «Дагъусттан» Этномедиахолдинграл хъунама; Къардашов Руслан, «Илчи» кказитрал хъунама редактор; Каримова Динара, ДГУ-рал филологиялул факультетрал журналистикалул отделениялул заведующая; МахIаммадов МахIаммад, «Дагъусттан» РИА-лул гендиректор; Меликов Вефадер, «АиФ в Дагестане»; Прокопенко Леся, «Тарумовский информационный центр» МБУ-рал хъунмур; Сагитов ХIажимурад, «Новое дело» кказитрал хъунама редактор; Токболатова Бурлият, «Дагестанская правда» кказитрал хъунама редактор; Уразаева Любовь, «Голос степи» кказитрал жаваб дулайсса секретарь.

ЦIусса правлениялул членну «Илчилул» хъунама редактор Руслан Къардашовгу увчIаву ванал бюхъу-хIарачатран бивщу­сса кьиматри ва вихшалар. Русланнул къуртал бувссар Да­гъус­ттаннал университетрал журналистикалул факультет­рал магистратурагу, чIярусса шиннардий кказитрал даврий зий биял­сса опытгу бусса, даврил мухIлу-хIингу кIулсса, кIулшивуртту куртIгу, цIакьгу дуллалисса пишакарди. Зий уссия «Дагъус­ттаннал правда» кказитрайгу, телевидениялийгу.
Жу умудрай буру вагу, махъсса цинявппагу республикалул журналистикалул даву лавай­сса даражалийн гьаз дуваву мурадрайсса хIарачатрай зунссар тIий. ЧIа тIий буру ва ххуллийгу тIайлабацIу!