СВО-лул Аьрасатнал цалчинма Виричу НурмахIаммад ХIажимахIаммадовлул цIа­нийсса Гъумучиял ОьрчIал ва чIаважагьилтурал спортрал школалий хьунни гьаршинал Ватан дуруччул кьинилун хасну шайсса, аьдатравун дагьсса те­ннисрал турнир. Мероприятие сакин дурну дия Аьрасатнал Халкьуннал цашиврул шинал лагрулий. Ваний гьуртту хьунни 45 дуклаки оьрчI, вайннавух бия Кьубиял школалул дуклаки душругу. Гьурттучитуран тIайлабацIу чIатIий, райондалул бакIчинал хъиривчу Малик ХIусмановлул увкунни: «Ватан...

Дагъусттаннал кIинтнил даэрдай чIиру буллай бур, бувсса чIируннал 98 процент яхьуну бур. Хозяйстварттаву чIиру буллай байбивхьуния шийнмай бувну бур 63 азарва чIи. Экспертътурал тIимунийну, гьашину кIинттул хьусса дякъил цIуну бувсса чIируннайн зарал биян бувну бакъасса бур, ялунгума яттийн хъин чулийсса асарду биян бувну бур, цанбакъарча дякъил бухлаган байсса бур азарду диян дайсса микроорганизмарду ва суцIру....

Ларгсса шинал Дагъусттаннай бухлаган бувну бур хъуни ризкьилул бруцеллезрал 33 кюру ва 9 кюру яттил бруцеллезралсса. Мунил хIакъираву бувсунни региондалул Ветеринариялул комитетрал. Ми бакъассагу, бухлаган бувну бур 58 кIанай лейкозрал кюртти, пастереллезралсса – 4 кIанай, инфекциялул эпидидимитралсса – 6 кIанай, трипаносомозралсса – 1 кIанай. Азарду хIасул хьун бюхъайсса 10 азарваксса объектирдай 3 млн ва 531,1...

Февральданул 21-нний кIицI лагайсса Ниттил мазрал кьинилун хасну МахIачкъалалив яруннин чани бакъаминнансса Республикалул хасъсса библиотекалий хьунни «Буруччара ниттил маз!» тIисса цIанилусса шадлугъ. Мудангу уку-укунсса байраннай, кьинирдай кунма, ва ххуллухьгу шикку баллай бия личIи-личIисса мазурдий ккалаккисса назмурду, учалартту ва лувлякъуртту, Дагъусттаннал халкьуннал хъатIал, хъамаллурал (куначествалул) ва цаймигу аьдатирттаясса, багьу-бизулиясса хаварду. Вайгу – библиотекалул зузалтрал цалва буккултран...

Гъумук цIу дуккан дуллай байбивхьунни агьалиная дартIсса ччюрк кIилчин ишла дуллансса кьяйда. Ччюрк личIи-личIину датI­лансса къуршив бивхьуну бур хьхьичIва детсад бивкIсса кIанттай. Шикку гьарца ххуллункьини агьалинаща бюхъаван тIий бур цала дартIсса ччюрк арцух диян дуллан. Чагъар ва кьянкьа чагъар – 50 къ./кг. Пластик – 50 къ./кг. Пюрун (шушри, банкарду, гъавгъсса пюрун) – 20 къ./кг. Алюминдарал...

Агьалинал оьрму мюхчан баврил ххуллий Гъумук зий дайдирхьунни проект «Безопасное село». Райондалул бакIчи Зураб Куччаевлул сипталийну Гъумук агьамшиву дусса идарарттай ва дякIичIирттаву бихьлай байбивхьунни видеокамерарду. Ва агьамсса проект щурущи даврийну чIаланну ларай хьунтIий дур агьалинал мюхчаншиву, къулай хьунтIий бур оьр­му. Проектрал кумаграйну чан хьунтIий дур тIулдакъашивуртту. Камерарттал кумаграйну бюхъан тIий бур дайщун дан тIулдакъашивуртту, хьумигу...

Арулла шинавусса Аят ХIасанова, Сочилив вай гьантрай хьусса шахматирттай буккаврил первентсвалий мусил медаль ларсун, Аьрасатнал чемпионка хьунни. УрчIра шинавун бияннинсса душваврал бяст-ччалливу 50 душнищал данди бувккуну Аят ххув хьунни. Шахматирттал дунияллий бур, ванил 15 шинал хьхьичI вара титул Дагъусттаннал тарихраву цалчин ларсъсса, Дарбантлиясса шахматистка Рухен Аьлиевал ххувшаву тикрал дунни тIий. Гьаннайсса, 15 шинава Дагъусттаннан зана...

Февраль зурул 15-мур кьини щаллагу дунияллий кIицI лагай ОьрчIал ракрал кьини хIисаврай. Вай гьантрай Дагъусттаннал парламентрал хъунама Заур Аскандаров, МахIачкъалаллал мэр Жамбулат Салавов, ванал хъиривмур Эмилия Ражабова ва цаймигу бусравсса инсантал бивунни Кураевлул цIанийсса Республикалул оьрчIал азарханалийн онкологиялул ва гематологиялул отделениялий хъин хъана­хъисса оьрчIачIан. Вайннахь бия оьрчIансса ссайгъатругу, байран дувансса аниматорталгу. Палатардавух бувккун, хъамаллурал чIава...

Февраль зурул 15-нний 37 шин хъанахъиссар совет аьрал Авгъаннава буккан бувну. Ва кьини 1989-ку шинал Авгъаннал аьрщарая дуркссар совет аьралуннал махъра-махъсса кьюкьа, ахир хьуссар ацIра шинай лахъи лавгсса (1979-1989) Авгъан дяъвилул. Тай дяъвилул иширттаву жанну дуллуссар 15 азарунния ливчусса совет аьралийтурал, миннава 140 дагъусттанчувнал, миннавагу ххюя лаккучунал. Назирдул арс МахIаммадов Эдмон Увну ур 1964-ку шинал...

Лакрал райондалул администрациялий хьунни «Солнечные станции» тIисса компаниялул вакилтуращал бургъил энергия ишла дансса чаранну ххал бигьлагьисса хьунабакьаву. Мунил кумаграйну райондалул бюджетгу сахла бувну, энергиялул лябуккугу лавай бан хьун тIий бур. «Солнечные станции» компаниялул вакилтурал бувсунни кIинтнил чIумалгума бургъил энергия лябукку буну ишла дан бюхъантIишиву. КьутIи дурунни бургъил станцияртту бишинсса кIанттурдал тагьар ххал дигьин. Пишакартурал пикрилийн...