Ватан дуруччул кьинилул хьунийн Гъумук хьунни ватандалул ххуллий чувшиврий жанну дуллуми дакIнин бичлачисса мероприятияртту. Ми дайдирхьунни Совет Союзрал Виричу Якьуб Сулаймановлул гьайкалдануцI тIутIив дишаврия. Мичча райондалул администрациялул каялувчитал, идарарттал зузалт ва бувкIсса хъамал лавгунни Вирттаврал чIирацIгу тIутIив дишин. Хъирив Буттал КIанттул цIанийсса Хъунмасса дяъвилия зана къавхьуминнан дацIан дурсса гьайкалдануцI тIутIал шалкагу бивхьуну, хьунни митинг. Райондалул...

Нюжмаркьини Совет Союзрал Виричу Муса Маннаровлул цIанийсса Гъумучиял школалул актовый залдануву, чIявусса агьлугу бавтIун, лайкьсса даражалий хьунни Аьрасатнал Халкьу­ннал цашиврул шин тIитIаврицIун ва Ниттил мазрал кьинилуцIун дархIусса хъуннасса байран. Школалул жанахIраву дирхьуну дия лакрал шаэртурал суратирттал ва луттирдал стендру, миллатрал аьдатру ва багьу-бизу ккаккан буллалисса ичIаллил кьай-кьуй. Лакрал аьдатру кка­ккан дуллай (ппал дуцлай, дюхлай, кIунулий...

Ватан дуруччул кьини дакIний личIансса шадлугърал мероприятияртту хьунни ЦIуссалакрал райондалул оьрчIал багъирдавугу. Тарбиячитурал бувсунни жула аьралуннал тарихрая, хьхьичIунсса аьралуннал хъуниминная. ОьрчIал дурккунни аьралуннан хас дурсса назмурду, увкунни балайрду. Хьунни цала-цала гуж, бюхъу-гьунар ккаккан буллалисса оьрчIал ва миннал буттахъал дянивсса бяст-ччаллу. Шадлугърал лагрулий оьрчIал дуллунни барча буллалисса открыткартту ва бахшишру цала буттахъан ва ттаттахъан.

Дагъусттаннай капитал ремонтрахсса взносирттан­сса хIаллихшиннарду дуссар 1-мур ва 2-мур группалул инвалидтуран, ветерантуран, аьралий иширттал гьурттучитуран. Оьрмулул 70 шинава ливчу­сса, цивппалу ялапар хъанахъи­сса пенсионертуран взнос­­рал ­50 процентрал компенсация ду­ссар, 80 шинава ливчуминнан – 100 процентрал. Ми дагьай дан зува ялапар хъанахъи­сса кIанттурдайсса соцзащиталул органнайн буккан аьркинссар. Андриан Аьбдуллаева

Ватан дуруччул кьинилун хасну ЦIуссалакрал райондалул школардай хьунни «Россия – Родина моя, и все мы в ней – одна семья» цIанилусса флешмобру. Дуклаки оьрчIал ва учительтурал авадансса программалийну ккаккан дунни билаятрахсса ччаву, ватандалиясса пахру. Укунсса акциярду хъанахъиссар ялун нанисса никирансса патриотизмалул дарсну. Вайннул дакIнин бутлатиссар Аьрасатнал гуж билаятрайсса циняв миллатирттал дусшивруву ва цачIушивруву бушиву.

МахIачкъала шагьрулул Караман микрорайондалий февральданул 17-нний хьунни виричунал аьпа абад буллалисса мажлис. Ва кьини аьпалул ула тIиртIунни хасъсса аьралий операциялий Ватандалул мурадру буруччаврил ххуллий чувшиврий жан дуллусса, Хъусращиял шяравасса Славиклул ва Миражатлул арс Аьбдулхаликь ХIажиевлун. Мармарчарил ула лархъунни Аьбдулхаликь ялапар хъанай ивкIсса ва ванал цIа дирзсса кIичIиравусса къатрал чIирайн. Шикку гьуртту хьунни Ма­хIачкъала шагьрулул администрациялул...

Уттигъанну Ккуллал райондалийсса Ваччиял школалий Къучагъшиврул ва чувшиврул дарс дирхьунни хасъсса аьра­лий операциялул гьурттучи, СВО-лул Ветерантурал ассоциациялул председатель, Ккуллал райондалийсса «Память гор» жяматийсса ккурандалул вакил Нураттин Рамазановлул. Чувшиврул дарсирал агьаммур мурадгу хъанай бур ялун нани­сса ник ватан ххирану, тарихрал кьимат буну тарбия даву. Нураттин Рамазановлул дуклаки оьрчIахь бувсунни Украиннал аьрщарайсса тагьардания, хасъсса аьралий операциялул агьамшиврия...

Ххюя лаккучунал интернационал бурж бартбигьлай къучагъшиврий жанну дуллуссар. Зана хьумигу дяъвилий ккаккан дурсса къучагъшиврухлу лайкь дурсса личIи-личIисса наградарттащал бувкIссар. Миннавасса ца ур ГьунчIукьатIатусса Мурад ХIажиев. Увну ур Мурад 1961-ку шинал ГьунчIукьатIрал шяраву. Шикку ряхва класс къуртал бувну бур. Гихунай ва дуклай ивкIун ур МахIачкъалаллал 30-мур школалий. Школа къуртал бувну махъ, 1980-ку шинал, ув­ххун ур Ветеринар...

Вай гьантрай цаппара СМИ-лул сайтирдай, масалдаран, «Дагестан» РИА-лул сайтрай, бур февральданул цалчинмур декадалул мутталий цаппара дукиялул багьри ххира хьушиврул хIакъиравусса информация. Му идаралул ккаккиярттайн бувну, яла ххира хьумур дукия хъанай дур оьлил дикI, февральданий ­оьлил дикI ххира хьуну дур 1,1 процентрал. ЦIанасса оьлил дикIул багьагу бусса бур 635 къурушран ца кило. Амма иширайну, цIусса шиная...