Новость на родном

Мусил Шовлукь

ЧIярусса жяматийсса ва ихIсандалул давурттацIун, М.Илиясовал цIанийсса «Дараччи» фондрал лагма лаган бунни билаятрал личIи-личIисса шагьрурдай ялапар хъанахъисса ххаллилсса лаккудушру. Ва клуб сававну кIул хьура нагу Москавливсса «Дараччи» ккурандалувусса ЧIурттащиял шяравасса Шовлукь Илиясоващал. Нава ванищал гъанну кIул хьуннингу, ттун Шовлукьлуя чIявуну баяйва ванищал хIала-гьурттусса ккурандалул душваврая. Баяйва ванил инсаншиврия, чумартшиврия, сахаватлувшиврия. Инсаннал дакI цукунсса дуссарив, дагьанттуву...

Новость на родном

Зулайхатлун хас бувсса мажлис

Ларгсса ххуллункьини МахIачкъалалив «Парадайз» ресторандалувун бавтIун бия «Илчилул» отделданул редактор, Дагъусттаннал культуралул лайкь хьусса зузала Зулайхат Тахакьаевал юбилей барча дуван. БавтIцириннаву бия «Илчилул» ва Лакрал театрданул коллективру, Мариян Илиясовал цIанийсса «Дараччи» фондрал ва «Сила Матерей» ккурандалул душру, Зулайхатлул гьунарданул кьимат кIулми, ванил хIурмат буми. Зулайхат барча буллалисса, чIярусса шиннардий дакI тIайлану бивхьусса захIматрахлу барчаллагь тIисса...

Новость на родном

Ватандалул Вирттаврал Кьини

Ватандалул Вирттаврал Кьини Жулва билаятрай 2007-ку шиная шиннай декабрьданул 9-нний кIицI лагайсса Буттал кIанттул Вирттаврал кьинилун хас дурсса батIавуртту хьунни лакрал щархъавугу. Райондалул ЦБС-рал зузалтрал Гъумучиял дянивмур даражалул школалий дунни «Героям Отечества – Слава» цIанилусса ссят. Шикку дуклаки оьрчIахь библиотекарь ПатIимат ЛухIуевал бувсунни ва байрандалул тарихрая, 1917-ку шинал Октябрь революция хьуннин кIицI лаглай бивкIшиву Георгиевский...

Новость на родном

Лаккуясса хаварду

Райондалул бакIчи ивунни Карашав ва Кумав Лакрал райондалул бакIчи Зураб Куччаев даврил аьрххилий райондалийсса сайки гьарца шяравун иллай ур, шяраваллал бакIчитуращал ва жяматирттащал хьунаавкьуну, кIани-кIанайва кIул буваншиврул диял къахъанахъимур, щаллу дуван аьркинмур. Ва ххуллухь райондалул бакIчи ивунни Карашав ва Кумав. Карашрал шяраваллил бакIчи Аьбдуссамад Шабановлул бувсунни Зураб Куччаевлухь шяраву ци тагьар дуссарив, социал объектирдал даву...

Новость на родном

Ширвани Чаллаевлул музыкалуву бур миллатрал код

Итникьини Оьруснал театрданул Хъунмур залдануву хьунни хъунасса композитор, РСФСР-данул халкьуннал артист Ширвани Чаллаевлул оьрмулул 90 шинал юбилейран хас дурсса творчествалул вечер. Композиторнал творчествалул ирс бур шанттуршунниха ливчусса произведениярттая салкьи хьусса: ацIния цава опера, кIива балет, симфониялул, камерный ва миллатирттал инструментирттал оркестрдансса концертру. Му щала ирсгу бур республикалул музыкалул магьирлугърал пахрулунсса, ларайсса пишакаршиврул, хIакьсса гьунарданул ва...

Новость на родном

Виричу барча унни

Дагъусттаннал Росгвардиялул управлениялул «Горец» цIанилусса ОМОН-далул зузалт, отрядрал командир, полициялул полковник Рамазан Аьлихановлущал ва Управлениялул Ветерантурал советрал председатель, къуллугърая увкьсса полициялул подполковник Илияс Насирхановлущал бувкIунни Аьрасатнал Виричу,1999-ку шиная 2005-ку шинайн ияннин МахIачкъалаллал ОМОН-далул командирну ивкIсса, къуллугъ кьабивтсса милицанал полковник Загьид ЗагьидовлучIан, ванахь Ватандалул Вирттаврал кьини барча дан. Загьид Асмалавовичлул дакIнин дуртунни къуллугъ буллай ивкIсса шинну...

Новость на родном

Декабрьданул 19-нний Аьра­сатнал президент Владимир Путиннул тIайланнасса эфирданий дувантIиссар лаглагимур шинал хIасиллу ва жавабру дулунтIиссар билаятрал журналистътурал ва ялапарлувтурал суаллахьхьун

Декабрьданул 19-нний Аьра­сатнал президент Владимир Путиннул тIайланнасса эфирданий дувантIиссар лаглагимур шинал хIасиллу ва жавабру дулунтIиссар билаятрал журналистътурал ва ялапарлувтурал суаллахьхьун. Суал булун бюхъантIиссар гьарцаннаща СМС-рал ягу ММС-рал кумаграйну, 0-40-40 номерданийн оьвкуну, телефондалувух 8-800-200-40-40 номерданийн оьвкуну, мукунма «ВКонтакте» ok.com/moskvaputinu, «Одноклассники» ok.ru/moskvaputinu приложениярттайчин, ягу «МАХ» мессенджерданийхчил max.ru/moskvaputinu/.  

Новость на родном

Жижара

Анаслул арс Роман Аьбдуллаев Вай гьантрай, оьрмулул аргъираву, хар-хавар бакъасса бивкIулул жуятува личIи унни ГьунчIукьатIрал шяравасса Аьбдуллаев Роман Анаслул арс. Шяраву школа къуртал бувну махъ, Дагъусттаннал политехнический институтгу бувккуну, Роман зий уссия МахIачкъалалив цала пишалий. Яла, махъ, лархьхьуну ювелирнал касмугу, зий уссия му касму дургьуну. Царай эмаратсса затру дайва Романнул мусия дикIу, арцуя дикIу. Хъинну...

Новость на родном

Ялун нанисса ник Ватан ххирану тарбия дан

Декабрь зурул 6-нний Гьунар бусса оьрчIансса республикалул чIяру профиллу дусса лицей-интернатрай (РМЛИ ДОД) хьунни кIира агьамсса мероприятие. VII Республикалул гуманитар конференция (цайми регионнугу гьуртту хьусса) ва «Защитники Отечества» тIисса Дагъусттаннал тарихрал ва обществознаниялул учительтурал республикалул IX научно-методический слет. Пленарное заседаниялий гьуртту хьунни хьхьичIунсса учительтал, аьлимтал ва жагьилсса пишакартал. Конференция тIитIлай, гьурттучитал барча бунни Лицей-интернатрал директор,...

Новость на родном

Ватандалул мурадру буручлай

Луганскаллал областьрай къуллугъ буллалисса Аьбдулссамад Гъазиев вай гьантрай отпускалий шавайн увкIунни. Хасъсса аьралий операциялий щаву дирсса жагьил ца зуруйсса реабилитациялийн итаавкьуну ур. Аьбдулссамад увну ур 2006 шинал январь зурул 3-нний ЧукIуннал шяравасса Мирзабаглул ва Ккулатусса ПатIиматлул кулпатраву. Ва жунма ххуйну кIулсса лакрал шаэр Бахттун Гъазиевал арснал оьрчIри. Ванан дахьра 19 шин дур. МахIачкъалаллал 34-мур школагу...

Свежий номер

№11 Илчи 2026